Filipai 4:5 - Godigo dwagi yai po buku

⁵ Dagego homu nagame ebo kolesaga tigidali sogo eyu, tama tigidali we bidi augwaligo te kolesaga sueibao. Dago Genuai Bidi ma asobo sogo pąba yagasai dao.

Filipai 4:5 Referans Kwoze

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Taitus 3:2

Augwaligo bidi mede dwai po olamuo. Te menio. Augwali homu nagame elama, tama abagi homu eyu bidao. Tama sesemane sogo augwaligo tigidali we bidi dali te imilai homu eyu, tama augwali tau sao. Te po augwali ola mao.

Hibru 10:37

Magi baso meni. Godigo wali po te bukude asęani me e tiwai po elalubao: “Te sesabi me egobeo. Dwasianu sogo digi, tama te asobo bidi te aga sabolaibao. Te aga gesege elama me tonalugobeo.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

1 Korin 6:7

Awe, dagego duga hasi te ama dabe po tų ilibo, tama te kolesagade digi te dage tulalualio. Magi baso augwaligo te dwai sę dagebolo emainu gogolobewe? Magi baso te augwaligo dagego doado bage anoma elama somainogo gogolobewe? Dagego te tiwai egi sogo da, teda tebogo dagego te Godigo po odisąwani bidigo gedude po tų ebo kolesaga aiyaba elalugi da.

Hibru 10:25

Tama tiyu, dago te ama dede dali deliba sisinibo kolesaga te me tagalamuo, te bidi mebago te ebo kolesaga tiwai egimio. Menio. Duga koneani, te dago Genuai Bidi Jisas asabo side bodolu te pąba yagasalio. Tama konealigo da, ama dedego homu kolesaga tau siyu dąų walobo sę bomonama dago yao.

Kraisgo Geme Dualali Sę Pedelabo Po Jonbolo Ola Mani 22:7

“Odao,” te Jisasgo te po wai. “Te ena dage bidibo madi tamadi asaibao. Tama niwai bidi me deligo agai te e bukude elalubo po wali peyu da, teda te bidi aga wiegi yai homu pemene yaibao.”

1 Korin 8:13

Tama tibaso, te nai tubogo eno ama te dwai sęba tulalumainogo ilibaso da, teda eno te mi munu ma tugobeo. Tiyu eno te eno ama te dwai sęba tulalubo sę ilidalio.

Matyu 6:34

Tama tibaso, dagego do yabo sęde homu hauwa mu egio. Te do pedalabo sęgę te augwa digi do dodololaibao. Te deli sogo ebo sęgę te sogo naga usu nama yaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 22:20

E tigidali sęde po pusali bidi megi agai te po obao, “Mu tama, te ena polo asaibao!” Awe, mu tama dao. Genuai Bidi Jisas, nage asao!

1 Pita 1:11

Tama Kraisgo Mobo Bidi agai augwaligo homu tomode hanilama, te po widu geai, “Te Godigo sa muani nosali asaibao wali bidi Krais agai dene selama, tama nosali agai te genuai bomo yai ula me saibao,” te po wai. Tama augwaligo te pode homu konea peyu, te po hanalu wai, “Te sę nisu pedalaibawe, mena side pedalaibawe?” te po wai.

1 Korin 9:25

Tama tigidali bidigo te nai sainogo homu eyu udabo da, te augwaligo homu dali, te augwaligo tigigo ebo kolesaga dali, te tigidali augwaligo aiyaba elaluyu bugagia tonalubo dao. Te bidi dabego tama tiyu te geanani bidigo sabo dwagi yai nai sainogo tebo dao. Tiali goli te nai polo dolobo nai naga dao. Me ma, dago Godigo po wali peyu te me dolisąbo nai sabo sę ebo dao.

2 Tesalonaika 2:2

Bomo elama, dagebolo te po obao, bidi mego dagebolo te Genuai Bidi asabo bodolu te pedalai dao te po obaso, dagego te wabo po odolama, dage polo homu hauwa eyu, dage homu sęgę egio. Bidi mego na eyu, Jisas ma asai dao po te bidigo odali bogo. Ma, bidi mego aga homugo digi te po waliwe? Ma, augwaligo, ‘Woo, Pol agai te Jisas ma asai dao po pasde asęna tolai dao, dabolo,’ tama me augwaligo waliwe?

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

2 Korin 10:1

Te dage tomode bidi mebago po kisila ena dali weyu te po wai, “Pol aga da dali bidiyu, tama aga digi aga aiyaba elaluali, tiali goli aga digibulu bidibo sogo te agai po bomai asęna toloyu da dali wabo dao,” te po wali. Tiali goli ena Pol eno homugo te dagego Kraisgo homu kolesaga hasia bolo kone palao, te aga digi aga homu aiyaba elaluama tama te bidi dabe augwali dali nagame yai kolesaga yai, tama eno me te tobage homu eyu, dagebolo e mobo mabo po megi obao.