Filipai 4:22 - Godigo dwagi yai po buku

²² Ede bidibo Godigo we bidi augwali tigidaligo dagebolo siade dao po ola tolobao. Meba gavman tuni bidi Sisar agai bede sę ebo bidi augwaligo te siade da wabo po bomo elama, dage dali te po wai.

Filipai 4:22 Referans Kwoze

Filipai 1:13

Tama tibaso, megi te gavman tuni bidigo be tonalubo enesigi bidi dabe augwali tigidaligo koneai, ena Kraisgo sę ebo bidi bidibaso naga, ena e kalabus bede bidibao. Tama gasa ede bidibo we bidi tigidali augwaligo me te koneai.

2 Korin 13:13

Ede bidibo Godigo we bidi tigidali augwaligo dagebolo wiegi yai homu elama siade da po ola tolobao.

Polgo Po Pas Rom Dabeba Asęani 16:16

Te Godigo we bidi dago ebo kolesaga te tiwai eyu, tama abagi homu eyu, duga hasi dage tigidali deli deligo te ama dede augwali pageiąo. Te Kraisgo po odobo hani tigidali augwaligo siade da po dagebolo ola tolobao.

1 Pita 5:13

Te Godigo hani we bidi meba augwali te bulu nogi Babilon tede augwali bidibao. Tama Godigo augwali te dage dali te hagea sai dao. Tama te we bidi dabe dali, te eno ogwa tiwai bidibo bidi nogi Mak dali, augwaligo dagebolo te dage bugagia bidao po obao.

Hibru 13:24

Te dagego dago te siade da wali po te duga tobolu bidi tigidalibolo me, te tigidali Godigo we bidiba dali te po wao. Te ede bidibo Itali hani Godigo we bidi augwaligo te siade da wabo po te dagebolo tolai dao.

Godigo Sęba Tagala Palai Bidigo Po 9:13

Tama Ananaiasgo te po wai, “Genuai Bidi, hauwa we bidigo enabolo te bidigo Jerusalemde nago po wali pabo hani we bidi dwai sę mu ebo bidi dao po enabolo pusai dao.

Jongo Sela Sogo Wabo Asęani Pas - 3JN 1:14

Eno nage tamadi suagasobo homu ebao. Tama eyu, tama nago gesabide eno te po pusaibao.

Matyu 5:47

Tama dagego duga abagi dedebolo naga te siade da po weyu da, teda dagego te sęde te gasa bidi augwali aiyaba elaluaibawe? Te menio. Te Godigo po odosiąwai we bidi augwaligo me te tiwai kolesaga ebo dao.

Godigo Sęba Tagala Palai Bidigo Po 20:38

Tama augwali moni homu dene yali. Magi basowe? Agai te po wali, “Ena gesabi dagego munu ma sugobeo,” wali. Tialima, te we bidi tigidali augwaligo aga odasa pelama, moni gebaba tagaligi pali, te tamu ąį sanide.