Filipai 3:1 - Godigo dwagi yai po buku

¹ Eno ama dede, eno po silainogo e po obao, eno homugo te dage te dago Genuai Bidi dali wadolobaso, te dage dwagi yai homu pemene yao. Te eno dagebolo polobadu pusali po, te po megi ma asębo eno hagelabo menio. Te po dagebolo ma asębogo dage tau siyu, tama gasa bidigo ola mabo pogo dage dologobeo.

Filipai 3:1 Referans Kwoze

Filipai 4:4

Eno homugo dage te Genuai Bidi dali wadolali we bidi dage sesemane sogo dwagi yai homu pemene eyu bidao. Awe, eno te po ma obao, dagego homu dwagi yai pemene yao.

Polgo Po Pas Rom Dabeba Asęani 5:11

Tama tede naga me egobeo. Menio. Dago Genuai Bidi Jisas Krais agai da te God dali deli homu pedalumainogo ilali, tama agai te yali sęde te megi dago Godibolo wiegi yai homu pemene ebo dao.

Jems 1:2

Eno ama dedeo, haniani sęgę dagebolo pedalobaso da, teda dwagi yai homu yao.

1 Pita 4:13

Dagego te Krais aga dene sali tiwai te dagede me te dene tolobo sę meba megi tama siyu ebaso, tama dage dwagi yai homu yao. Tama nosali aga ma asobo si, aga bomo yai ula te sogo hanilibo si, te dagego aga dene meba ede sobaso tama dage te sogo me te didibili eyu moni dwagi yai homu yaibao.

1 Tesalonaika 5:16

Tama tiyu, sesemane sogo dage dwagi yai homu elama bidao,

Filipai 4:8

Eno ama dedeo, eno po silagasu wabo po me deli waibao. Dagego eno e nedebo kolesaga nogi selama tama augwalide naga dagego homugo bugagia kone pabalo piduao. E tobage kolesaga augwali dwagi yai dao, tama tigidali we bidigo e kolesaga ebo bidigo nogi ugwaba sabo dao. E dao: te tibo po wasiąbo kolesaga me, te wiegi yai kolesaga me, te Godigo gedude me bidigo gedude me dolo kolesaga, tama meda isąwai kolesaga dali, te abagi homu ilibo kolesaga dali, te doloba pai kolesaga dali, te dwagi yai nogi elalubo kolesaga dali, te tobage ebo kolesagade dagego homugo kone pabalu pidubadi geao.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

2 Korin 13:11

Eno ama dedeo, megi eno po paliama, tama eno dage tao po obao. Dagego duga ebo kolesaga dodolama, tama Godigo po odobo bomai we bidi mu pedalobo kolesaga yao. Dagego eno dage tau sabo po odiąo. Dagego te deli tigi poai deli homu naga elama, nagame yai bidao. Tama God da, te we bidi dali dwagi yai homu eyu godolo kolesaga ebo dali, te homu nagame ilibo kolesaga ebo dali si ebo God, aga te dage dali bidaibao.

2 Pita 3:1

Eno abagi dede dabe mu, megi eno e asęna tolobo te eno pas si dao. Tama eno dagebolo asęna tolali pas side te dagego homu wiegi yai ilimainogo hodolobo po wai dao, te po dagego ma koneiąo.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Dwagi Yai Gesi Po Lukgo Asęani 1:47

Tama eno nomago ena tau sabo Godibolo bugai homu mu ebao. Te ena agai sę ebo we da.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.

Sefanaia 3:17

God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.

Sefanaia 3:14

Dage Israel dabe, dage i olama, homu pemene ebo balia po waiąo. Dage Saionde bidibo bage, dwagi yai homu eyu, tęąbi po waiąo. Dage Jerusalem dabe, dage wiegi yai homu elama, homu pemene geninama mu iyąo.

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Godigo Nogi Ugwaba Sabo Tęąbi Po Wabo Buku Dabe 37:4

Nago Genuai Bidiba wiegi yai pemene yao, tama agai te nago godolo homu ebo nai dabe mawaibao.

Godigo Nogi Ugwaba Sabo Tęąbi Po Wabo Buku Dabe 32:11

Dage te doloba pai we bidi, dage te bugai haliga elama, tama te Genuai Bidigo wiegi yai sę tigidali yalide te wiegi yai homu pemene yao. Dage tigidali we bidi, dage te God gedude doloba pai mu yali, dage te wiegi yai homu pemene elama, tama hae weyu, nogo eleyu yao.

Jopgo Po Asęani Elalubo Buku 22:26

Nago tama tiyu da, teda nago dwagi yai homu genuai mu te God Tigidali Bomo Elalubo Bidigo nage bugagia te sę yali pode yaibao. Tama nage aga dali haliga tegaluama, dua bidaibao.

Tuni Bidi Dabego Po Elalubo Buku Deli 29:22

Tama te side te we bidi dabe augwa te ąį dabe me kibu mi dabe tuali, te gasa ofa yali nai dabe tuyu, tama augwa wiegi yai pemene umabo mu te Genuai Bidiba yai. Tama me te side, te Genuai Bidigo nogide augwaligo wel te Solomon toboluba gealuama, te aga si sogo ma dąį ilama, te aga king pedalumainu ilalio. Tama me augwaligo Sadok te polalubo pris bidimainu dąį ilalio.

Filipai 3:3

Magi baso meni. Augwali meni, te dago naga te Godigo sa mubo dąį mu sai dao. Augwaligo homu te augwa tigiwali togobaso augwali Godigo gedude doloba pai bidi dao, tede geda muyu augwaligo te homu ebo dao. Tiali goli dago te doloba pai bidi nogi sabo tų koneai. Magi baso meni. Godigo Mobo Bidigo da tau siyu, tama dago Godibolo lotu po wabo dao. Da Krais Jisas dali wadolama bidiyu, tama tede da dwagi yai homu mu pemene ebo dao. Tama bidiyu, dago Godigo sa mubo dąį elalubao. Dago te dena tigiwali togobo sęde te da tau sabo kolesaga dao, te homu mu ebo menio.

Matyu 5:12

Tama dage homu bugagia wiegi yai elama, pemene mu eyu bidiąo. Te genuai wiegi yai nai mugo dage dagalude tonalubao. Te tiwai naga te bidi dabe augwaligo te Godigo po pusali profet bidi dabebolo hasia polobadu dene mawai tiwai dagebolo me tama tibao.”

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 97:1

Genuai Bidi king bidibao! Tǫ, nage pemene yao. Tama te tamu ąį tomode elalubo bulu ailan dabe, dage bugai haliga iyąo.

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.

Godigo Nogi Ugwaba Sabo Tęąbi Po Wabo Buku Dabe 5:11

Tiali goli, te nago tonalubo we bidi augwali tigidali, augwa wiegi yai homu pemene yao. Augwa te bugai homu mu elama, tama te wiegi yai homu pemene ebo balia sesemane waiyąo. Nago augwali bugagia sesela sao. Tama tiyu, te nage wei mu ebo we bidi dabego nago nogi ugwaba saibao.

Nehemia 8:10

“Tagaliąo, dage te duga beba pelama, te genuai nai daa tugi piąo. Tama dagego te meba nai me, wain me, te nai sǫą pali we bidi dabe maiąo. Megi te Genuai Bidigo side digi da, tama tiyu dagego haliga sęgę me igimio. Menio. Dagego wiegi yai homu pemene te Genuai Bidiba elama, tama agai dage bomo mawaibao,” wali.

Tuni Bidi Dabego Po Elalubo Buku Deli 16:10

Dago wiegi yai pemene elama, te agaba genuai nogi mao. Te Genuai Bidi pageba pabo bidi dabe augwali te wiegi yai pemene mu emainao.

Tuni Bidi Dabego Po Elalubo Buku Deli 15:28

Tama tiali kolesagade te Genuai Bidigo Dąų Wali Bomai Po Muani Halobage te tigidali Israelgo te Jerusalemba selasa pai. Augwa wiegi yai homu pemene elama i bomonama weyu, tama augwa te tobage biugel bu weyu, te brasgo nigali pletba elu, te tobage gita dabe me elali, tama te musik eliyu kulukulu genuai mu pedelalio.

1 Samuel 2:1

Tama Hanago God dali te tiwai po wai, “Genuai Bidi, nago ena wiegi yai homu pemene umabo emainu ilali. Tama nago te genuai nogi enabolo mani, te eno homu wiegi yai pemene mu ebao. Tama eno te ena boi bidi dabede te gisugu dwai mu mobao. God, nago ena tau sali, tama eno haliga bugagia mu ebao.

Bomai Po 16:11

Dage sese tama te lotu wabo pesage deliba pelama, tama Genuai Bidigo gedude dage wiegi yai homu pemene igi pao, te dage, me duga wai puluba, me duga sę ebo we bidi, me te Livai dabe, me te gasa bulu bidi dabe, me te wai dabe augwa aya isai dabe, me te we dabe augwa bidi isai dabe, dage te hanu dabede bidalubo bage, dage sese tama wiegi yai homu pemene iyąo.

Bomai Po 12:18

Dage me duga wai puluba, me duga sę ebo we bidi dabe, me te Livai dabe dagego hanude bidibo, te bagego dage dali te ofa tuiagameo. Tiali goli, dagego te ofa te God dago Genuai Bidigo bulude tuiagameo. Te pesage delide naga Genuai Bidigo te lotu po wabo pesage magi ilaibao. Dagego te pesagede tuyu, tama dage duga te wiegi yai nai dabe bomai sę elama, nigilalide wiegi yai homu tede iyąo.

1 Tesalonaika 4:1

Dago abagi dede, dago gasa po me elalubo. Tama da te Genuai Bidigo po sela pabo bidi dabe dao. Tama tibaso, dagego e po tudiba muidali weyu, tama dago bomo elama, dagebolo e po megi obao. Polobadu dago te Godigo gedude dwagi yai dolo yai kolesaga ebo po dagebolo ola mawai. Tama dago te tobage po dagebolo ola menama, tama dagego te po odoyu, wali peyu bidibo dao. Tiali goli, megi dago bomo elama, dagebolo e po megi obao, te dagego dene siyu te tobage sę tigidali dagego bugagia mu yao.

Aisaia 65:14

Te eno sę bidi dabego haligade te wiegi yai homu pemene pągąnalu, te augwa homu pemene ebo tęąbi po waibao. Te dagego haligade te homu dene ebo pągąnalu, te dagego homu kolesaga kone tųą pelama, te dage gela bomonama mu waibao.

Godigo Nogi Ugwaba Sabo Tęąbi Po Wabo Buku Dabe 33:1

Te doloba pai we bidi dabe, dagego te Genuai Bidigo tigidali sę yalide te wiegi yai homu pemene yao. Dage te Godigo po wali pabo we bidi, dagego te Godigo nogi ugwaba siąo, te dolo naga dao.