Filipai 2:30 - Godigo dwagi yai po buku

³⁰ Magi baso meni. Kraisgo sę tobade aga pąde tama isai digi dao. Agai homugo aga bidabo homu yai menio. Dage digibulu bidiyu, tama duga digi ena tau sabo usu sąbaso, agai ena tau sabo homu elama, tama Kraisgo sę ebadi pąde isai digi dao.

Filipai 2:30 Referans Kwoze

1 Korin 16:17

Tama Stefanas me Fortunatus badi te Akaikus, te bage augwali ena bidibo madi asali, tama eno homu wiegi yai pemene yalio. Magi baso meni, dagego ena tau somainogo eyu eba asabo te usu isąbaso, tama augwali selago dage hasegelama, tama augwali ena bidibo madi asai dao.

Filipai 4:10

Ena te dago Genuai Bidi dali wadolama tama bidiyu, tama megi ena dwagi yai homu mu pemene ebao. Magi baso meni. Hauwa sogo silama tama dagego ena tau sabo tų ma dalama, tama dagego ena tau sabo kolesaga te ni dululi pisigalubo tiwai eyu, tama dagego mone ge enabolo tagala palali. Tama tiyu, tama dagego enade homugo konea palobo, te eno koneai. Dagego ena gegeda pabeo. Te meni. Tiali goli dage tų meni yai dao.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

2 Korin 12:15

Tama dwagi yai homu eyu, dage tobade eno ena nai tigidali maiabo homu elama, tama ena bidibo ula me maiabo homu ebao, te dage tau sabo homu ebao. Eno dage dali dwagi yai homu eyu godolo mu ebo kolesaga genuai mu ebaso, tama te dagego magi baso ena dali homugo dwasianu naga kone palobowe?

Kraisgo Geme Dualali Sę Pedelabo Po Jonbolo Ola Mani 12:11

Tama te kibu sipsip wai aga isiyu aga kaneme gelebaso, tama dago ama dede augwaligo te dwai bidigo bomo aiyaba elaluai dao. Tama me augwaligo Godigo po gasa we bidibolo pusali, tama augwaligo te kolesaga yaligo me augwaligo te dwai bidigo bomo aiyaba elaluai dao. Tama te kolesaga ebadi augwaligo te homu yali, ‘Te Godigo po odobo hagela ebo bage augwaligo da eleyu da, teda te usu da, da wi egobeo,’ te homu yali. Tama te homu eyu, augwaligo augwali e tǫde bugagia bidabo te homu ebeo.

Filemon 1:13

Tama eno homugo agai ena tau somainogo aga ede ena dali bidimainao, homu yali. Eno Godigo gesi dwagi yai po te we bidibolo pusubaso, augwaligo ena e kalabus beba muani. Tama ena ede bidibadi nage digibulu bidiyu, nago ena tau sabo usu sąbaso, eno homugo Onesimus aga e hanude bidiyu agai ena tau somaina homu yali.

Filipai 2:27

Awe, mu tama, polobadu aga gasi mu yai, tama pąde mu aga isabo tiwai yai. Tiali goli Godigo aga dali homu dene eyu, tama aga tau selama aga isibeo. Tama tebode Godigo aga deli naga homu dene eyu tau sabeo. Agai ena me homu dene elama tau salio. Agai koneai, ena e kalabuside bidibaso, ena sęgę dali dene me te elalubao. Tama eno abagi isibaso, eno genuai sęgę elaluaibao. Tama idali weyu Godigo te bidi tau sabogo ena me tama tau sai dao.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

1 Korin 16:10

Te nosali Timoti dage bidibo madiba pedalobo si da, teda dagego bugagia tonalu te aga dage tomode wi isąyu homu nagame elama dua digi bidimainao. Magi baso meni, agai Genuai Bidigo sę eyu, te eno digi ebo sę tiwai ebo bidi dao.

1 Korin 15:53

Te e tiwai: te dolobo tigi, te hasegelama tama te dolisiąbo tigi pedalama, tama sesemane sogo bugagia bidimainogo emainao. Te isibo tigi te hasegelama, tama gamonabo tigi ulade bidimainogo emainao.

Polgo Po Pas Rom Dabeba Asęani 16:4

Te augwali sigo ena isidali weyu ena tau siyu isabo sisi yai elaluali. Tama eno naga eno gedu haluasa po augwali side weyu Godibolo usu da po me wabeo. Menio. Te Godigo po odobo gasa hani dabe tigidali augwaligo me te gedu haluasa po weyu, te Prisila dali Akwila dali side Godibolo puba hwi wabo dao.

2 Korin 4:12

Tama tibaso, te e tiwai dao: te isabo sę te dade hauwa sogo idubao. Tiali goli dago Kraisgo bomo elaluyu, tama agai gesi wiegi yai po pusubo sę ebaso, tama dagego te bidabo ula bugagia siyu tama bidada peyu, bidada paibao.