Filipai 2:14 - Godigo dwagi yai po buku

¹⁴ Tama dage Godigo po tama wali peyu tama dagego elalubo sę ebadi, te duga hasi wado po wabo me, konila po wabo me, te tobage po wagimio.

Filipai 2:14 Referans Kwoze

1 Pita 4:9

Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

1 Korin 10:10

Tama dagego dwai homu eyu Godibolo wado po me olamuo. Te dago wąį dabe augwali tomode mebago te God dali dwai homu eyu wado po obaso, tama te bidi ela mubo ensel mobo bidigo te augwali ela munama tama augwali dolai dao.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Jems 5:9

Eno ama dedeo, te po tų ebo bidi Jisasgo dagebolo dwai dene wei ponoidali weyu, duga hasi te gasa ama dabe dali wado po weyu, augwali dali te posobo po olamu dao. Dagego e po odao. Te po tų ebo bidi Jisas te be tų bulu badu dolagasai elalubao.

Polgo Po Pas Rom Dabeba Asęani 12:18

Duga digi te hwįabo homu me egio. Te tų elalubaso da, teda dagego deli homu tigidali bidi dali elama bidiąo.

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

Jems 1:20

Magi baso menio. Bidigo sębę ebogo te Godigo gedude wiegi yai doloba pai kolesaga egobeo.

Galesia 5:26

Tama tiyu, dago dena digi dena nogi ugwaba siyu, tama dago dena ama homu hodolobo po weyu aga sębę yabo po wagio, tama tiyu dago homugo augwaligo nai sabo homu elamo dao.

Galesia 5:15

Tiali goli, dagego wado wado po weyu, tama gasa bidi aiyaba elaluyu, tama duga hasi tomode hwįbo po weyu da, teda dage dua dao. Tiyu dage tigidali hodobo hagabo dao, tama deli hani bidibo kolesaga dolaibao.

Jems 3:14

Tiali goli, dagego dwai homu gasa we bidi dabe dali elaluyu, tama dagego augwaligo nogi ugwaba sabo eno hagelabo homu eyu da, tama dage nai yogo homu eyu da, dage te tobage dwai homu eyu da, teda geda muyu dagego te po wabo dao, “Da da, te wiegi yai homu eyu, te dwagi yai po konebo bage dao.” Te tobage tibo po wabo tagalao, duga nogi ugwaba sabo po wagimio.

Polgo Po Pas Rom Dabeba Asęani 14:1

Tama bidigo Kraisde konealubo po dąų weyu da yali, tiali goli agai konealubo po bomo isąyu tama aga homu te God aga dali dwagi yai homu emainogo aga te bidigo nigali haniani bomai po aga wali pao homu ebo bidi dao. Te tobage bidi te dagego duga hani tomoba sela asao. Tiali goli tama tiyu te dagego homude aga dali gasa gasa konila po me olamu dao. Te menio. Te bidi olo mu sao.

Godigo Nogi Ugwaba Sabo Tęąbi Po Wabo Buku Dabe 106:25

Augwali te ugwa bede bidalu, tama Godiba wado po weyu yai, tama augwaligo te Genuai Bidigo po wali me pabeo.

Jutgo Asęani Pas 1:16

Te dage tomode bidibo tibo po ola mabo bidi dabe, augwali te tigidali pedalobo naide hagela homu eyu, tama sesemane sogo augwaligo gasa we bidide dwai homu naga ebo dao. Tama augwaligo tigigo ebo kolesaga hodolama, tama augwaligo te kolesaga naga wali pabo dao. Augwaligo genuai po weyu, tama augwa nogi augwaligo ugwaba sabo dao. Te gasa we bidi dabebolo augwaligo po mumubo po weyu, tama te bagego nai dabede pesą elama sabo dao.

1 Pita 3:11

Me ma, agai dwai sę tudiba muao, te dwagi yai sę naga yao. Tama agai bomo eyu, te gasa we bidi dali bugagia bidabo sunumi gegegi pao, tama sulama aga te sunumi wali bugagia pao.

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.

Polgo Po Pas Rom Dabeba Asęani 16:17

Ama dedeo, te we bidi hani pedebo kolesaga ebo bidi dabe, te bagede dagego bugagia suao, dua dao. Te dagego Kraisde polobadu odali ola mabo po, te po augwaligo sela sąwainogo eyu, tama augwaligo we bidi dwai sę ebo kolesaga tomoba kegebo dao. Te tobage we bidi dagego tagalao, augwali tudiba mu muao.

Godigo Sęba Tagala Palai Bidigo Po 15:2

Tama Pol dali Barnabas dali augwali sigo te po wabo mu hagela yali. Tama augwali sigo te Juda bage dali moni pogo wąbi hwįani, tama augwali sigo moni wado mu yali. Tama Antiokde bidali Jisasgo po wali pabo we bidi hanigo Pol dali Barnabas dali si, te bidi dabe me badu me, augwali Jerusalemba moni po miboba augwali pomainu homu yali. Jisasgo tagala palai bidi dabe me, tobolu bidi dabe me, augwali deliba sisinama, te po dodolomainu yaibao.

Godigo Sęba Tagala Palai Bidigo Po 6:1

Te nosali Jisas wali pabo we bidi dabe genilama pedelali, dwasianu hani augwa hasi tomode wado po wali. Me hanigo te Grik po weyu, me hanigo te Hibru po weyu yalio, te Juda dabego po mu dao. Tama te hani si da Juda bidi hani da. Tama te Grik po wabo Juda dabego te po wai, “Te dagego nai dobabo sogo, dago bidi isai we nai bugagia mabo meni, deli deli sogo mayu ebo,” te po wai.

1 Tesalonaika 5:13

Dagego homugo augwaligo sę ebo kone palao, augwaligo te sę eyu, dage tau sabo sę dao. Tama dagego augwali dali dwagi yai homu mu elama, augwali godolo mu yao. Tama dagego duga abagi dabe augwali dali deli homu elama bidao.

Israel Hanigo Namba 14:27

“Hauwa sogo te dwai we bidigo ena dali wado po wai dao. Eno polo odama, tama eno augwaligo te po hagela mu yalio. Nisu mu augwaligo te po wabo mu tagalogowe?

2 Korin 12:20

Eno e homu ebao: ena dageba asama, tama dagego ebo kolesaga sulama te eno suainogo homu yali tiwai we bidi me bidibo sugobe homu yaibao, dagego gasagi yai kolesaga ebo eno sueibao. Tama tiyu, eno te dagego ebo kolesaga subaso, tama eno dage dali dodolobo sę ebo tede dagego hagela homu yaibao. Polobadu eno dage dali sę hauwa yali, tiali goli megi ena wi dwasianu eyu homu si dagede ebao. Eno homu ena dageba asama, tama eno dage tomode duga hasi e tiwai haniani dwai kolesaga ebo eno sueibao: konila po wabo me, te amabolo aga elalubo naide dwai homu ebo me, tama sębę elama wado po wabo me, tama nai yogo kolesaga ebo me, dwai nogi posobo po wabo me, bidi geme posobo po wabo me, te hagoma ebo me, te Godigo po odobo we bidi hani pedaloyu dolobo kolesaga me, te tobage dwai kolesaga ebo eno dage tomode te sueibao, eno te homu ebao.

Godigo Sęba Tagala Palai Bidigo Po 15:39

Tama Pol dali Barnabas dali si deli homu ebe, tama tilama, augwa si ma wado po olama, bobegali. Tama Barnabas agai Mak selama, augwali si moni geba selama, tamu ąį tomode elalubo Saipras tǫ teba pai.

Godigo Sęba Tagala Palai Bidigo Po 15:7

Pususu pelama, Pita doligulama, te po tama wali, “Ama dede, duga kone dao, Godigo homugo te Juda hani isąwai bidi me augwaligo te Jisasgo dwagi yai po odama, augwa homu te poba mumainu yali. Tama polobadu mu God agai ena dage tomode te dwagi yai po augwalibolo pusumainu sa muani.

Dwagi Yai Gesi Po Makgo Asęani 14:5

Dago te nai te bidi dabego abelemainogo egi sogo da, teda dago te mone te 300 kina sigi sogo da, tama te doado bage meni yai we bidi dabe augwaliba magi dao.” Tama te homu elama, augwaligo te webolo wado po wali.

Matyu 20:11

Augwaligo te mone selama, tama augwaligo te gi page bidi dali dwai homu eyu, po wabo gagalali.

Bugagia Bidibo Kolesagade Po Asęai Buku 13:10

Te hagoma kolesagago te wado po me hwįbo po pedalubo sę ebo dao. Tiali goli, te bidi aga te gasa bidigo agaba te wiegi yai homu momainu ebo bidi da, teda te bidigo homugo koneani kolesaga te wiegi yai elalubao.

Dwagi Yai Gesi Po Makgo Asęani 9:14

Augwali pelama, tama te bulu du pageba dulama, te wali pabo bidi dabe meba bidalubo madi sabalubadi, tama te genuai we bidi hani te augwaliba sisinai elalubo suai. Tama te Juda dabego bomai po page koneani bidi dabe meba augwaligo te wado po konila po augwali dali oduai.

Dwagi Yai Gesi Po Lukgo Asęani 5:30

Tama te Farisi hani sibi bidi dabe me, te Godigo bomo yai po konebo bidi dabe me, augwaligo te sulama, Jisas wali pabo bidi dabebolo wado po weyu, te po hanalu wali, “Dage te takis sabo dwai bidi dabe me, te dwai sę ebo dabe me, te augwali dali hodobo magi baso nai tubawe?”