Filipai 1:22 - Godigo dwagi yai po buku

²² Tiali goli ena e tǫde me bididuyu da, teda eno we bidi hauwa tau sabo sę ebo usu yaibao. Tialima eno mena tų wali pogowe? Te eno konebeo.

Filipai 1:22 Referans Kwoze

1 Pita 4:2

Tama tiyu aga e tǫde bidibo sogo tigidali agai e tǫde we bidigo yabo dwai dwai kolesaga munu me egobeo. Te meni. Agai te Godigo homu naga wali peyu bidaibao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

Filipai 1:24

Tiali goli me homu e tiwai dao: eno dage tobade e tǫde me bidiyu dage tau sabo sę, te me te genuai sę dao, tebogo ena aga dali bidigi pabo sę aiyaba elalubo dao.

Godigo Sęba Tagala Palai Bidigo Po 3:17

Te Pitago po me wai, “Eno ama dede, dage dali dago genuai bidi dabe dali, dagego Jisasgo page bugagia konesiąwai baso, te agabolo te dwai sę yali, te eno konebao.

2 Korin 10:3

Mu tama, da te we bidi tomode e tǫde bidibo dao, tiali goli Godigo pode boi bidi homu ebo bidi dabe dali hwįbode dago te tǫde bidigo wąbi hwįbo tiwai me ebo meni.

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

Kolosi 2:1

Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

Polgo Po Pas Rom Dabeba Asęani 11:2

Te Godigo hani augwali te agai polobadu koneyu hagea sai, agai te augwali me sela sąwai menio. Dagego te Godigo po pusali profet bidi Elaijago po te Godigo po bukude elalubo te dagego koneani. Elaijago gedu haluasa po olama, tama te Israel dabe augwali te Godigo gesabide po tų ela mawai. Agai te wali po e dao,

Ma Dobola Sali 32:1

Te Moses te Sainai bulu duba holama, tama bobage sogo bidali, tama aga gesege mu yali, tama aga polo me asobeo. Tama te we bidi augwali te Aron pageba sisinigi pelama, agabolo te po wai, “Te magi nai te bidi Mosesba pedelali, te dago konebeo, te bidigo da te Isipde selama, tama da odasa eba asai. Tama nago god me deli nigilama, tama pabodu polasa peyu, tama da tųdu odasa pomainogo yaibao.” Augwaligo te po wai.

Tigidali Nai Gagalama Nigali Side 39:8

Tiali goli, Josepgo te hagela elama, tama agabolo te po wali, “Te ena tonalubo genuai bidigo ena te bede te tigidali doado bage tonalubo bidi nigilali, tama agai te magi nai me delide te homu me ebo menio.

Tigidali Nai Gagalama Nigali Side 21:26

Tama Abimelekgo tobo wali, “Te tama tiali eno konebeo. Nago enabolo polobadu me wabeo. Megi naga eno te po odobao,” te po wai.

Polgo Po Pas Rom Dabeba Asęani 1:13

Eno ama dedeo, eno homugo dagego e po bugagia koneiąo, hauwa sogo eno te dage bidibo madi asaibao homu yali. Tiali goli sesemane sogo nai me deligo te ena tų palialubo dao. Te eno sęgo gasa bulude bidibo Juda hani isąwai we bidi augwali tau selama te augwaligo Godigo po wali pabo we bidi pedalali, tama eno dage tomode me te tau sabo sę egi pabo homu hauwa sogo yai dao.

Filipai 1:23

Eno homu si ebao, tama te homu sigo ena augwali si tomode dąų walali. Te homu me e dao: ena Krais dali bidigi pomainu ena isaio homu bomo elama ebo dao. Te aga dali bidibogo te e tǫde bidibo kolesaga aiyaba mu elaluaibao.