Esta 9:6 - Godigo dwagi yai po buku

⁶ Te gavmango polalubo moni hanu Susade te Juda dabe augwaligo te bidi sese umabo 500 bidi tigidali ela muani.

Esta 9:6 Referans Kwoze

Esta 3:15

Tialima, te pas sela pabo bidi dabe augwali polo pelama, tama te tigidali tǫ pedaiba sela pali. Tama augwaligo te po me te polalubo moni hanu Susade pusali, tama te we bidi augwaligo odali. Tuni bidi king de Haman si naga te dwagi yai homu elama, dualama, wain ąį tudali. Tiali goli, te moni hanu Susade bidibo we bidi augwali te pode augwali dwai noma siyu, tama augwali homu kolesaga mu puna palio.

Esta 9:5

Tama te Juda dabego te augwa boi bidi dabebolo umabo sę eyu, te augwali mu dolali. Augwaligo te bobobage hwą ge bainat tulama, tama te boi bidi dabe dali hwįnama, tama bidi hauwa ela muai dao.

Esta 9:7

Tama te Juda dabego boi bidi, te Hamango ogwa dabe nogo si bidi, te augwaligo ela muani. Te augwaligo nogi dabe e dao, Parsandata, Dalfon, Aspata, Porata, Adalia badi, Aridata, me Parmasta, Arisai, me Aridai, me Vaisata, te tama bidi ela muai. Tiali goli, te Juda dabego augwaligo doado bage me sabeo.

Jopgo Po Asęani Elalubo Buku 27:14

Te bidi dabego wai puluba hauwa elalubaso me tagalao, te boi bidi dabego augwaligo wai bǫų elama, isilagasaibao. Tama augwaligo hani da, tigidali sogo nai menia siduaibao.