Esta 8:3 - Godigo dwagi yai po buku

³ Nosali Esta te king bidi bidibo digi pelama tama aga sągą pąba degegulama, tama gela udalio. Tama agai king bidibolo te dwai kolesaga yainogo yali bidi dabego kolesaga palimainu hanalu wali, Hamango te tiwai sę emainu te po minama, dąų walai dao.

Esta 8:3 Referans Kwoze

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Hosea 12:4

Te hwįani side, agai te Godigo ensel mobo bidi dali pagelama, tǫba pinayu hwįai, te aga usu si igulama, ugwaba ela holali. Tama Jekopgo gela hauwa weyu, te Godiba hanalu, te aga olo tau sabo wiegi yai homu kolesaga yao po wali. Tama gasa sogo Jekopba te Betelde God pedelama, tama aga dali po miai dao.

Aisaia 38:2

Hesekiago te po odobo si da, teda aga gesabidi te be habu daga badu begegi sulama, gedu haluasa po te tiwai wali,

Esta 7:4

Magi baso meni. Bidi me deligo ena dali, eno hani bage dali elabo po mia sai elalubao. Agai da tigidali dolabo homu yalio. Tama timainogo agai te mone maiabo po wai dao. Te augwaligo da tagala palama, te da kalabus sę iligi sogo da, eno po me wagi menigi da, magi baso meni, te eno sęgę nagebolo magi menigio. Tiali goli, augwaligo da mu ela silainu ebaso, tama eno po hanilibao,” Estago te po wai.

Te Israel me Juda Hani Sigo Tuni Bidigo Po Elalubo Buku Si 4:27

Tiali goli, te we te bulu duba te Elisa bidibo madigi asama, sabalobo sogode, agai te basi gulama, tama te Elisago sągą tuali. Gehasigo te wego tama tibo sulama, tama agai homugo te we dwasianu digibulu ganama pao olama, dega palali. Tiali goli, Elisago Gehasibolo e tiwai po tama wali, “Tegio, sula tagalao,” wali, “eno koneanio, aga genuai sęgę mu ebaso ebao. Tiali goli, Genuai Bidigo agai te sęgę ebo po enabolo wabeo,” wali.

1 Samuel 25:24

Tama aga te Devit pąba pelama, tama kidu sugunigi pelama, tama tobolu te tǫba pogulali. Tama agai Devitbolo te tama wali, “Genuai bidi, eno nage dali po miainu ebao. Tama nago eno po odabo homu yaibawe? Te nage wado ilabo homu ebo ąǫ ilali sę, te page enade naga elalubao.

Esta 3:1

Nosali gana gavman tuni bidi Serksisgo bidi me deli nogo tų ilali, augwaligo te nogi Haman nogi yali, te polalubo gavman tiwai pedelai. Haman te bidi nogi Hamedatago ogwa, tama wąį Agakgo wai dao.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

Esta 8:4

King bidigo Esta te gol donogo nogo tų ilama, tama Esta dolugulama, te po wai dao,