Esta 8:1 - Godigo dwagi yai po buku

¹ Te sogo naga te king Serksisgo te Juda dabe augwalibolo boi bidi yali bidi Hamango be, me tigidali doado bage, te tuni we kwin Estabolo mawai. Nosali Estago tuni bidibolo te po wai, “Mordekai aga ena dali kaneme deli elalubao,” wali. Tama king bidigo te Mordekaigo te we Esta aga sesemane sogo suagasomainu sula tagalai.

Esta 8:1 Referans Kwoze

Esta 2:7

Mordekaigo aga hai wegi me deli elaluali, aga nogi Esta. Tiali goli, aga nogi mu Hibru pogo te Hadasa wai. Te Esta aga aya ida isali sogo, te Mordekaigo te Esta selama, tama aga wai negebo tiwai gilama mu yalio. Tama Esta te gasa sawia yai wegi mu, tama aga tonobo te gasagi yai sawi wegi mu bidalio.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Esta 2:15

Megi da, te Estago te king bidi sugi pabo sogo bodolu te pedelai. Esta aga te Abihailgo wegi, tama Mordekaigo hai dao. Mordekaigo Esta aga selama, tama aga wai bǫų negebo tiwai gilama yai. Tigidali bidigo Esta sulama godolo ebaso, tama augwali agade mu tulaluai. Tama agai te tuni bidi sugi painu ebo sogo gudali ugwa, te we dabe sibi tonalubo bidi Hegaigo te nogo tų ilali ugwa gudali. Agai te gasa ugwa me gudubeo.

Godigo Nogi Ugwaba Sabo Tęąbi Po Wabo Buku Dabe 39:6

Tigidali bidi te ni noma te giligade elalubo tiwai ebao. Augwa te doado bage hauwa sabo sę dene ebadi, tiali goli, augwa te sę dene odolali hagayu yai. Te bidi dabego doado bage hauwa sisinani, tiali goli, augwali isibo si, dego sogowe, te augwaligo me konebeo.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.

Bugagia Bidibo Kolesagade Po Asęai Buku 28:8

Te bidigo te bidi dabego agaba te nai negeli somainu elama, tama agai te augwalide gasa ugwadu daganobo profet mone genuai dali sobaso da, teda agai te mone tolalubaso, usu me egobeo. Menio. Te mone te magi nai meni yai bidi dabe tau sabo bidigo nogoba pelama, tama te magi nai meni yai bidi dabe tau somainu ebo dao.

Esta 1:14

Te bidi dabego nogi e dao, Karsena, Setar, Atmata, Tarsis, Meres, Marsena, Memukan. Augwali te bidi a naga olama, nogo me badu si bidi te Persia de Midia tǫ pedai side te tuni bidigo tǫ badu te polalubo gavman tobolu bidi dabe dao. Tuni bidigo te augwaligo po wali paibao.

Esta 8:7

Tama king bidi Serksisgo Esta de Mordekai si dali te tiwai po wai, “Odiąo, eno homugo te Hamango te Juda dabe augwali dolabo homu ebaso, tama eno aga te nide walali. Tama agai tigidali doado bage, eno te Estabolo mawai dao.