Esta 7:9 - Godigo dwagi yai po buku

⁹ Tama sę ebo bidi me deli nogi Harbona, agai te po wali, “Odao! Haman aga digi te ni pos bobobage bulali nedali usu te bidi sese 20 mita yali, te aga be pąde elalubao. Agai homugo Mordekai tede walainogo yai. Tiali goli, king bidio, polobadu Mordekaigo nage tau saligo, tama te boi bidi dabego nage me ela mubeo,” wali. Tialima, king bidigo te po wali, “Dagego Haman aga digi te tulali posba aga ma waligi pao,” po wai.

Esta 7:9 Referans Kwoze

Esta 5:14

Aga we Seres badi, te aga abagi dede augwaligo agabolo te po wai, “Moni homu me igio. Te bidi dabe augwalibolo olama, augwaligo te ni bobobage me deli tulao, te aga bobobage usu nama nedebo, te bidi sese tama 20 mita, tama do kigamu nage te tuni bidi bidibo madi pelama, te Mordekai te nide walabo po hanalugi pagameo. Te tiwai eyu da, te nage homu wiegi yai elama, te nage nai tugi paibao,” wali. Hamango te wiegi yai po da te homu yai, tama agai te bidi dabe mebabolo olama, tama augwaligo te Mordekai walabo ni me deli tulai dao.

Esta 1:10

Te Sadede deli da wabode te genuai nai daa tubode, te tuni bidi te wain ąį tuali madi te aiyoge gana dwasianu yalio. Tama aga te nai ulubo bidi dabe a naga olama, me badu nogo si te augwali asomainu i wali. Te augwali nogi e dao, Mehuman, me Bista, me Harbona badi, Bikta badi, Abakta badi, Setar me, Karkas badi, tama dao.

Godigo Nogi Ugwaba Sabo Tęąbi Po Wabo Buku Dabe 141:10

Meni. Nago te dwai sę ebo bidi dabe te augwa muani kęde digi te augwa ma tola somainu mu yao. Tiali goli, ena menio. Ena te augwali bugagia ela soayu, tama te magi nai me deligo ena me dologobeo.

Godigo Nogi Ugwaba Sabo Tęąbi Po Wabo Buku Dabe 35:8

Tiali goli, te augwaligo konesiąwai sogo, te augwaligo ena dolomainu te muani bono gągągo, nago te augwa digi polo dolomainu ilao. Tama augwa digi augwa te nigali dedageba tolalumainu yao.

Daniel 6:24

Tialima, kingo te Daniel po tų ilali bidi dabe augwali sao po olama, tama te augwali dali, te augwa we wai dabe dali, augwali te laion bidibo tǫ dedageba tula palalio. Augwali te tǫba tulalusiąbadi, te laion dabe posoga palama, tama augwali daboa sigulama, tama augwali tigi pepeda tulama, te mu dolai dao.

Daniel 6:7

“Da tigidali ofisa te bulu tǫ kantride nago sę ebao, da te polalubo gavman ofisa dabe, me tigidali gasa ofisa, dago te po mia selama, te bomo yai po me deli muagameo wai. Dago homugo nago te we bidi dabeba te tiwai po omainu homu yai, te bidi sese deli olama, nogo si, te 30 dei wabo side usu nama, bidi me deligo te god me deliba, ma te bidi me deliba, gedu haluasa po me olamuo. Menio. Augwaligo te nageba naga gedu haluasa po omainao. Te mena bidi me deligo te po bolobaso da, teda nago aga te moni hasa laion dabe bidibo tǫ dedageba sąyu, tula palagameo wai dao.

Godigo Nogi Ugwaba Sabo Tęąbi Po Wabo Buku Dabe 73:19

Augwali te polo tama dolali. Tama augwali te isibo te dwai mu ebo dao.

Esta 9:25

Tiali goli, Esta te king bidi bidibo madi pobaso, tama tuni bidigo te tiwai po asęani, “Polobadu Hamango te Juda dabe dolaibao po wali, tiali goli megi da, aga digi te dolobao,” te tiwai po asęani. Tama augwaligo aga te nide walama, tama nosali augwaligo te aga ogwa dabe me te ni posde walai.

Esta 6:14

Augwali po midubadi, tama te king bidigo sę ebo bidi dabe augwali sabolali. Augwaligo Haman polo te Estago genuai nai daa tubo madi sela painu yai.

Esta 6:2

Augwaligo te Biktana de Teres sigo yali po me deli nedai, te king bidigo be habu tonaluali bidi si dao. Polobadu te bidi sigo te tuni bidi elabo tų gegali po wai. Nosali Mordekaigo augwali sigo homude te po gegelama koneani, mu tama yaibaso, tama te bidi si po tų ilali.

1 Samuel 17:51

Goliat te tǫde pigulai munalubadi, tama Devit udada pelama, aga pąba doligi pelama, tama Goliatgo bainat hwą dią selama, tama aga mage toga sąnama, tama aga ela muani. Te Filistia dabego augwa te polaluali ami bidi ela mubo sogo suyu, tialima tigidali wi tedela palio.

Te Israel me Juda Hani Sigo Tuni Bidigo Po Elalubo Buku Si 9:32

Jehu agai te po wabo odama, tama agai te beba te dwasianu windo tų elalubo madigi te agai ugwaba tonani, tama agai e tama i wali, “De nage eno haniba asaibawe?” Tama te me badu sę ebo bidi dabe augwali te kingo te bede bidali bidi dabego te Jehugo wabo po odama, tama augwali te bede te dwasianu windo tų badu dolagaselama, tama augwaligo te Jehu agaba aiyaba tonani.

Esta 8:7

Tama king bidi Serksisgo Esta de Mordekai si dali te tiwai po wai, “Odiąo, eno homugo te Hamango te Juda dabe augwali dolabo homu ebaso, tama eno aga te nide walali. Tama agai tigidali doado bage, eno te Estabolo mawai dao.

Esta 9:14

Tialima, king bidigo augwalibolo tama tiao po wai. Tama agai te po te moni hanu Susade bidibo bidi dabebolo ola tolai. Tama augwaligo te Hamango ogwa nogo si bidi te ni posde walobo te tigidali bidigo suai dao.