Esta 7:5 - Godigo dwagi yai po buku

⁵ King Serksisgo te po odama, kwin Estabolo te tiwai po hanalu wali, “Niwai dwai bidigo te tiwai sę wi isiąyu yaliwe? Te bidi mena bidibowe?”

Esta 7:5 Referans Kwoze

Godigo Sęba Tagala Palai Bidigo Po 5:3

Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe?

Jopgo Po Asęani Elalubo Buku 9:24

Godigo dwai dwai kolesaga ebo bidigo e tǫ tonalumainu sula tagalai dao. Tama agai te po tų odobo bidigo kolesaga begelama, tama te po tų bugagia odobo meni. Ma, Godigo te sę dabe igi menigi sogo da, teda dego mu igi dawe?” Jopgo te po wali.

Tigidali Nai Gagalama Nigali Side 27:33

Aisak aga dwai midigi mu selama, didibili elama, tama agabolo hanalu wali, “Tiali goli, dego hasia te hasa elama, te mi selasa, enabolo magasali bidi de dawe? Nage sabolisiąbadi, te nai eno tualio. Tama eno te Yawego aga dali dwagi yai sę yabo po te bidibolo mena silai, tama te dwagi yai po agade sesemane sogo elalua pidu, mu elalua paibao,” wali.

Esta 7:4

Magi baso meni. Bidi me deligo ena dali, eno hani bage dali elabo po mia sai elalubao. Agai da tigidali dolabo homu yalio. Tama timainogo agai te mone maiabo po wai dao. Te augwaligo da tagala palama, te da kalabus sę iligi sogo da, eno po me wagi menigi da, magi baso meni, te eno sęgę nagebolo magi menigio. Tiali goli, augwaligo da mu ela silainu ebaso, tama eno po hanilibao,” Estago te po wai.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.