Esta 7:4 - Godigo dwagi yai po buku

⁴ Magi baso meni. Bidi me deligo ena dali, eno hani bage dali elabo po mia sai elalubao. Agai da tigidali dolabo homu yalio. Tama timainogo agai te mone maiabo po wai dao. Te augwaligo da tagala palama, te da kalabus sę iligi sogo da, eno po me wagi menigi da, magi baso meni, te eno sęgę nagebolo magi menigio. Tiali goli, augwaligo da mu ela silainu ebaso, tama eno po hanilibao,” Estago te po wai.

Esta 7:4 Referans Kwoze

Esta 3:9

Tialima, tuni bidio, te nago homugo te tigidali we bidiba po tagala palama, tama te we bidi augwali ela muabo po wao. Te nago tama tibaso da, teda megi eno mu po nagebolo obao, te eno mone silva umabo hauwa mu, te 50 milion kina te nago mone mubo beba muaibao. Te nago gavman sę te monego yagameo,” Hamango te po wai.

Bomai Po 28:68

Genuai Bidigo dagebolo te po wai dao, dage Isip buluba ma pabo usu egobeo po wai dao. Tiali goli, tagalao, Genuai Bidigo dage teba sipidu ma tagala palaibao. Tama te Isip bulude dagego te homu yaibao, te boi bidi dabego dage abelama, tama augwaligo sę emainu yaibao. Tiali goli, augwaligo hagela yaibao,” Mosesgo te po wai.

Esta 3:13

Te pas sela pabo bidi dabe augwaligo te pas selama, tama te tigidali tuni bidigo tǫ pedai tomode bidibo te tigidali tobolu bidi dabeba te pas selasa palio. Tigidali paside te tiwai po wai, “Te polua nogo si olama, te sągągo si wabo polua nogi Adar, te 13 deide, te dagego Juda dabe tigidali ela muiąo. Te gesi we bidi me, te monu dabe me, te we wai puluba me, te side naga tigidali mu ela silao. Te augwali homu dene ebo tagalao. Tigidali ela silama, tama augwaligo doado bage sao,” te po wai.

Esta 8:11

Te pasigo te po wai, “Tuni bidigo po olama, te tigidali hanude bidibo Juda dabe tigidaligo te augwali, me augwa we wai puluba dali elainu usu sali te wąbi wei ponoyu hwįmainao,” po wai. “Te Juda dabego wąbi wei augwalibolo ponoyu, te mena gasa tǫdu asai bidigo, me ma te tǫ pedai provinsde bidibo bage. Tama eyu, augwaligo te boi bidi dabego doado bage somainao.

Amos 2:6

Genuai Bidigo wabo po e dao, “Hauwa sogo te Israel we bidi dabe augwaligo te dwai sęgę sabo sę idu geai. Augwaligo te tama tibo sęde dwasianu toma me nabeo. Tialima, mu tama, eno augwaliba te dwai dene mabo sę mu yaibao. Magi baso meni, te Israel dabe augwa abagi dabego augwaliba negeli somainu ilali, tialima augwa te abagi dabego te negeli sali wei ponabo usu meni baso, te negeli mani bidi dabego augwa te abagi dabe pageabi ilama, tama augwali te gasa bidigo olo sę ebo bidi me olo sę ebo we pedalumainu yali. Tama tebogo te Israel dabe mebago meba bidi dabede augwa negeli mani mone wei ponama salio. Hobede ya, te abagi dabego te magi dwai sę me isąwai, te augwaligo sali negeli te dwasianu tama, te olo sągą nadoba su abelibo mone usu nama goli, tialima te meba Israel dabego augwali homu dene me ebeo. Menio.

Joel 3:6

“Dagego te Jerusalem we bidi sobadi, te Juda pedai gasa badu me selama, te augwali digibulu mu odasa pelama, te Grik dabego augwali abelai dao.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.

Nehemia 5:5

“Te dena abagi dabego digi, tama augwaligo te sęgę dabolo mawai. Te augwaligo homugo te augwaligo da aiyaba elalueiba homu eba, agawe? Menio. Da tigidali te deli tigi tiwai dao. Tama dago wai puluba dabe me te augwaligo wai puluba tiwai si elalubao. Tiali goli, dago te gasa sunumi me elalubeo. Tama tiyu, dago wai dabe te gasa bidi dabego olo sę ebo bidi pedelama, te dago mone somainu me egobeo. Tama te bidi dabego te dago wegimani selama, te augwaligo olo sę ebo we dabe pedalumainu ilali. Tama me te augwaligo dago tǫ me wain gi sali, tama dago te wai dabe ma sabo sę deli me elalubeo,” augwaligo te po wai.

1 Samuel 22:23

Tiali goli, nage wi munu me igio. Nage ena dali bidao. Te mu tama, Solgo te nage me, ena me, da si elainu ebao. Tiali goli, nage ena dali bidibaso da, teda eno nage tonalu, tama nage bugagia bidaibao,” wali.

Josua 9:23

Dagego tibo po waligo da, teda dagebolo Godigo dwai sę ilaibao. Tama tibaso, sesemane sogo dage te eno Godigo lotu beba te isi me wę me sela mabo sę bidi bidagameo,” wali.

Dwagi Yai Gesi Po Lukgo Asęani 12:45

Tialima, te sę ebo bidigo aga homude te tama homu yali, ‘Eno genuai bidi polobadu pai goli, gesege ebo’ olama, agai te gasa sę ebo bidi dabe me, gasa sę ebo we dabe me elu yali, tama agai nai hauwa tubadi, te bomai ąį me hauwa tuyu elama, te aga tobolu gęǫ elama, te esela pai bidi tiwai eyu, te tama sę idubadi da,

Esta 7:5

King Serksisgo te po odama, kwin Estabolo te tiwai po hanalu wali, “Niwai dwai bidigo te tiwai sę wi isiąyu yaliwe? Te bidi mena bidibowe?”

Esta 8:6

Te dolabo dwai kolesagago te eno hani we bidi dabe augwali silidali te homu hagela mu eno ebao. Tama augwaligo te deli kaneme dabe augwali ela mubaso da, teda ena magi elama bugagia bidigowe?” Estago te po wai.

Esta 9:25

Tiali goli, Esta te king bidi bidibo madi pobaso, tama tuni bidigo te tiwai po asęani, “Polobadu Hamango te Juda dabe dolaibao po wali, tiali goli megi da, aga digi te dolobao,” te tiwai po asęani. Tama augwaligo aga te nide walama, tama nosali augwaligo te aga ogwa dabe me te ni posde walai.

Daniel 6:2

Tama agai Daniel me, gasa bidi si dali, te sela bidigo te ofisa dabe tonalumainu yali, me te kingo sę bidi dabego sę tonalumainu yai dao, te aga gavmango mone te olodali hagaidali weyu yali.