Esta 6:1 - Godigo dwagi yai po buku

¹ Te sogo hulide digi, te king bidi aga godege bugagia piabo ąǫ ebeo. Tama agai augwalibolo po olama, augwaligo agai te tonalubo tǫ pedaide ebo po tigidali asębo te buku sesao po wali, tama augwaligo po meba te bukude asęani nedainogo tialio.

Esta 6:1 Referans Kwoze

Daniel 6:18

Nosali king te aga beba ma pali. Tama te sogo hulide aga te nai me tusiąma tama agai te we bidi dabe i olama, aga wiegi yai homu pemene ilagasomainu me ebeo. Tama me, te aga godege piabo ąǫ me ebeo. Mu menio.

Daniel 2:1

Te me deli sogo hulide te si wabo kibu bede te Nebukatnesar king bidibadi, agai na yai. Te na yaligo te aga haliga sęgę mu ilama, tama aga piabo ąǫ ma ebeo.

Esta 2:23

Augwaligo te po page gegelama, tama augwaligo koneani, te mu po da wai. Tama tibaso, augwaligo te bidi si te ni pedaide walama, tama augwali si isali. Nosali king bidigo te po wai, “Te tiali po te dago dena gavmanigo hasia yali sę po buku, te bukude te po asęao,” wali. Tialima, augwaligo tama tiwai yalio.

Polgo Po Pas Rom Dabeba Asęani 11:33

Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.

Esta 10:2

Te tigidali dwagi yai me genuai sę me, tama tigidali po wabo kolesaga ebo me, te gavman tuni bidigo te genuai nogi Mordekaibolo mayu tama tiali, te tigidali sę yali augwaligo te Persia de Midia genuai tǫ tonalubo king bidi dabego buku dabede te sę yali po asęanio.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Esta 5:8

“Tuni bidio, te nago eno hanalubo po tigidali awe po waibao homu ebaso da, teda nage me Haman dage si te do gasa nai eno dage sibolo sisi ilibo madi do ma asao. Te sogo eno nagebolo eno homude elalubo po waibao,” Estago te po wai.

Esta 2:22

Tama Mordekaigo augwali sigo po odama, tama agai te gavman tuni nigali we Estabolo te po wai. Nosali Estago te king bidibolo te po Mordekaigo te bidi sigo wabo odali po pusai.

Esta 2:21

Te Mordekaigo te king Serksisgo sę tuali sogo, te bidi sigo te tuni bidi dali wado yabo homu elaluali, tama augwali sigo aga ela muabo po miani. Te bidi si nogi Biktana de Teres si dao. Te bidi sigo te gavman tuni bidi kingo be dąį togwali sunumi tonalubo sę elaluai.