Esta 4:5 - Godigo dwagi yai po buku

⁵ Tama Estago Hatak i olama, asali. Hatak te we dabe tonalubo bidi me deli, king tuni bidigo te Estago sę emainu nigilali. Tama Estago Hatak te Mordekai bidibo madi tagala palama, tama mena sę mu agaba pedelali te konemainu, tama magi elama te tiwai pedelali te konemainu, te Hatak tagala palai.

Esta 4:5 Referans Kwoze

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

Esta 1:12

Te nai ulubo bidi dabego te tuni bidigo po te kwin Vastibolo wali, tiali goli te tuni we te asobo hagela yai. Tama te tuni bidigo wado po mu weyu, moni sębę yalio.

Esta 1:10

Te Sadede deli da wabode te genuai nai daa tubode, te tuni bidi te wain ąį tuali madi te aiyoge gana dwasianu yalio. Tama aga te nai ulubo bidi dabe a naga olama, me badu nogo si te augwali asomainu i wali. Te augwali nogi e dao, Mehuman, me Bista, me Harbona badi, Bikta badi, Abakta badi, Setar me, Karkas badi, tama dao.

Filipai 2:4

Tama tiyu, dagego duga digi naga tau siyu, duga nai naga bugagia tonalugimio. Gasa we bidi augwali me tau siyu, augwaligo nai me dagego bugagia tonaluiąo.

Esta 4:4

Te Estago sę ebo we dabe, me te aga tonalubo bidi dabe, augwaligo te Mordekaigo yali kolesaga po agabolo obaso, tama Esta homu sęgę mu yai. Agai te gudubo ugwa meba te Mordekaibolo tolali, te agai dwai hasegelama, te dwagi yai ugwa gudumainu yali. Tiali goli, Mordekaigo te ugwa sabo hagela yai.

Esta 4:6

Tialima, Hatak te Mordekai bidibo madi pali, te bidi sisinibo pesageba, te tuni bidigo genuai be sunumi pądeo.

Esta 4:9

Tibaso, Hatak pelama, Estabolo te po wagi palio.

Esta 4:10

Tama Estago te Mordekaibolo wagi pabo po me deli mawai.