Esta 3:9 - Godigo dwagi yai po buku9 Tialima, tuni bidio, te nago homugo te tigidali we bidiba po tagala palama, tama te we bidi augwali ela muabo po wao. Te nago tama tibaso da, teda megi eno mu po nagebolo obao, te eno mone silva umabo hauwa mu, te 50 milion kina te nago mone mubo beba muaibao. Te nago gavman sę te monego yagameo,” Hamango te po wai. Gade chapit la |
Tama Hamango te gavman tuni bidibolo te po wai, “Te we bidi hani me deli te nago tonalubo tǫ pedai provinsde te bidada pobao. Tama te hanigo te ede bidalubo we bidigo ebo kolesaga tiwai me ebeo. Augwali te gasagi yai tedali mu elalubo. Tama augwaligo nago te tǫ pedaide bomai po elalubo te wali me pabeo. Tama nago augwali gogolama tama sula tagalidu da, teda tego naga tau me sisąyu, tama nago tǫ pedaide ebo sę te dolasa me pogobeo.
Magi baso meni. Bidi me deligo ena dali, eno hani bage dali elabo po mia sai elalubao. Agai da tigidali dolabo homu yalio. Tama timainogo agai te mone maiabo po wai dao. Te augwaligo da tagala palama, te da kalabus sę iligi sogo da, eno po me wagi menigi da, magi baso meni, te eno sęgę nagebolo magi menigio. Tiali goli, augwaligo da mu ela silainu ebaso, tama eno po hanilibao,” Estago te po wai.