Esta 3:7 - Godigo dwagi yai po buku

⁷ Te kibu be 12 wabode, te tama kibu bede te Serksis king bidi bidali, te hasia polua nogi Nisan delide, Hamango augwalibolo te satu gagali yao po olama, te mena polua te side te Juda dabe dolabo side te bodolu mumainogo te satu gagali yao po wali. Augwaligo gagali ela silama, tama augwaligo te tiwai haninibo suali, te nogo si olama, sągągo si wabo polua, te dei 13, te side te polua nogi Adar, te sogode agai augwali dolaibao po wai.

Esta 3:7 Referans Kwoze

Esra 6:15

Augwaligo te sę silali te polua Adar, dei sela wabo side, te kibu be 6 wabo kibu bede te Darius king bidali sogo dao.

Bugagia Bidibo Kolesagade Po Asęai Buku 16:33

Te bidi dabego te satu gagali eyu, te augwaligo mena sę yabo te hanilibo sę ebao. Tiali goli, Genuai Bidi deligo da, te satugo augwaligo te hanalubo po wei ponobo dao.

Matyu 27:35

Augwaligo Jisas aga te ni pedaide elama daganai madi, tama agai gudali ugwa dabe augwa dobola sainogo augwa hasi satu gagali bolo yalio.

Esta 9:21

Agai augwalibolo weyu, augwaligo te polua Adar, dei 14; 15 dei, te side te tigidali kibu bede te olo bidiyu, toma nabo si bodolu muao po wai dao.

Esta 9:5

Tama te Juda dabego te augwa boi bidi dabebolo umabo sę eyu, te augwali mu dolali. Augwaligo te bobobage hwą ge bainat tulama, tama te boi bidi dabe dali hwįnama, tama bidi hauwa ela muai dao.

Esta 9:1

Megi da te polua Adar, dei te nogo si olama, sągągo sela, te bodolu muani sogo te pedelalio. Hasia bolo king bidigo te po wali, te sogode digi te boi bidi dabego te Juda augwali dolama, tama augwali mu silaibao po wai. Tiali goli, megi da, te Juda dabe hogodaluyu, augwali geanama, tama augwali aiyaba elaluai dao.

Esta 2:16

Te sogo te king Serksis te tuni bidi bidali te 7 kibu be bidai. Tama te kibu bede te polua nogo si, te polua nogi augwaligo Tebet nogi yali, te poluade augwaligo Esta te king bidi bidibo digi odasa pai.

Esta 1:3

Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Nehemia 2:1

Te polua me si me si bidama, tama me sogo side deli te king Artaserksis te nai tudubadi, tama eno wain agaba sesali. Tigidali sogo eno te sę iduali te bugai haliga elama, te eno gesabidi wiegi yai pisigina pelama te sę iduali. Tiali goli, te sogode digi eno haliga sęgę mu elama, tama eno gesabidi te wiegi yai me pisigina pabeo.

Esra 4:6

Te king Darius isai madi, tama Serksis te bidi te Persia bidi dabego king bidai. Tama te sogo te boi bidi dabego te pas me deli asęnama, tama te Jerusalemde bidibo we bidi dabe me, te Juda gasa badu bidibo bage me, po tų ilai dao.