Esta 3:5 - Godigo dwagi yai po buku

⁵ Hamango suali, Mordekaigo te kidu sugunama, tama agaba genuai nogi masiąbaso, tama aga haliga sębę dwai mu yalio.

Esta 3:5 Referans Kwoze

Daniel 3:19

Nebukatnesargo haliga sębę te Satrak, me Mesak, me Abetnego, te bageba eyu, tama agai guni buyu, gedu me gesabidi me pęgo sela pali. Tama agai te aga sę bidi dabeba olama, te sia nogonama, te bogoli mu dwai pedalumainu ilao wali. Polobadu augwaligo sia nogani posolo ebo te tiwai posolo yai me pedalubeo, te genuai mu.

Esta 5:9

Te Hamango te nai daa tuali be habu taga soyu, tama aga wiegi yai homu pemene me dwagi yai homu mu ebadi yai. Aga peyu, suali, tama Mordekai te tuni bidigo be sunumi pąde dulalubo suali. Tiali goli, Mordekaigo aga sulama, tama aga dolugulama, agabolo siade da po wabeo. Tama tibaso, Haman haliga sębę dwai mu yali.

Bugagia Bidibo Kolesagade Po Asęai Buku 21:24

Te gana pabo bidigo te hagoma eyu, tama te posobo po gasa bidiba waibao. Sesemane sogo te aga digi aga nogi ugwaba sabo bomo ebo dao.

Esta 3:2

Tama king bidigo te tigidali kiap bidibolo po olama, te Hamanba kidu sugunama, tama genuai nogi agaba mao po wai. Tigidaligo te kingo wali po gilama yali, tiali goli Mordekai deligo te tiwai sę me isiąwai. Mordekaigo te Hamanba kidu sugunubo te hagela mu yalio.

Bugagia Bidibo Kolesagade Po Asęai Buku 19:19

Te wado po polo weyu ebo bidi da, teda aga dwai sę yali sęgę te aga tolomainao. Te nago aga tau selama, tama te sęgę silibo si da, teda nosali te nago aga ma tau somainu homu yaibao.

Bugagia Bidibo Kolesagade Po Asęai Buku 12:16

Te wiegi yai homu kolesaga elalusiąbo bidi dabego te bidi mego magi sę me deli augwaliba ebo si, te augwali haliga sębę polo eyu yaibao. Tiali goli, te wiegi yai homu elalubo bidiba te dwai po obaso da, teda agai te pode homu elama, sula tagalobo dao.

Jopgo Po Asęani Elalubo Buku 5:2

Ma, kolesaga meni yai bidigo da, teda dwai kolesaga wali paibao. Tama homu sęgę eyu, sębę ebo sę tigidali sogo yaibao. Tama aga te kolesagago aga digi aga ma isilaibao.

Esta 1:12

Te nai ulubo bidi dabego te tuni bidigo po te kwin Vastibolo wali, tiali goli te tuni we te asobo hagela yai. Tama te tuni bidigo wado po mu weyu, moni sębę yalio.

Esta 3:4

Hauwa sogo augwaligo Mordekaigo te tebo kolesaga ebo po wali, tiali goli Mordekaigo augwaligo te po odobo hagela yali. Mordekaigo augwalibolo te po wai, “Ena Juda dao, tama tibaso eno Hamanba kidu sugunubo usu egobeo.” Tialima, te kiap dabego Hamanbolo te Mordekaigo wali po wai. Augwaligo homugo, “Te Hamango te Mordekaigo te tiwai idumainu gogolama sula tagalobowe,” ma suainu yai dao.

Kolesaga Koneai Bidigo Pusali Po Elalubo Buku 10:6

Te tobolu bidi dabego te genuai sę te wiegi yai homu kolesaga elalusiąbo bidi dabeba mawai, tama te mone hauwa elalubo bidi dabego sę sali, te wiegi yai sę me sabeo.

Godigo Nogi Ugwaba Sabo Tęąbi Po Wabo Buku Dabe 37:12

Te dwai sę ebo bidigo te wiegi yai bidi dolabo homu eyu, te wado po wabo dao.