Esta 3:12 - Godigo dwagi yai po buku

¹² Te hasia nanobo polua deli te 13 deide, Hamango te tuni bidigo sę ebo kuskus bidi tigidali i wai. Tama agai po tigidali augwalibolo olama, tama augwaligo asęanio. Augwaligo te po te tǫ pedaide bidalubo we bidi tigidaligo po deli delide asęani. Tama agai te pas te tigidali tobolu bidi dabeba me, te tigidali gavmanba me, te tigidali kiap dabebolo badi, tama tolali, tama tigidali paside te king bidi Serksisgo ring masalu naga elaluali, tama te tuni bidi aga digi asęai pas tiwai gilama yalio.

Esta 3:12 Referans Kwoze

Te Israel me Juda Hani Sigo Tuni Bidigo Po Elalubo Buku Deli 21:8

Tialima, Jesebelgo te pas dabe asęnama, te Ahapgo nogi me dąį te ugwadu te pas daide muani. Tama agai te Jesril taun tobolu bidi dabeba, me te genuai bidi dabe augwaliba tolai dao.

Esta 1:22

Tialima, gavman tuni bidi kingo te aga tonalubo hanu tigidaliba pas asęna toliyu, tama agai te tigidali we bidigo wabo po deli delide te pas asęai. Agai tama tiwai po wai, “Bidigo naga te aga we wai puluba tonaluaibao,” te po wai.

Daniel 6:15

Te be pio igi pabode, te ofisa dabe te kingba ma begasa aselama, tama agabolo te tiwai po wagasali, “King, nago te da Midia me Persia dago ebo kolesaga koneani. Te kingo te po me deli dąų walai ebaso da, te dąų wali po me hasegeligobeo,” wali.

Daniel 6:12

Tama subaso, augwali kingba pelama, te tiwai po wali, “King o, nago te tama po wali, te 30 dei, te tama side te tigidali we bidigo nageba lotu po waiyąo po wai. Tama te augwaligo god me deliba, ma gasa bidiba, te lotu po obaso da, teda nago augwali te laion bidibo tǫ dedageba tula palaibao wai,” augwaligo kingbolo te po wai. Tama kingo te po wai, “Te dolo po dao. Te muani po te boma pai mu elama, te hasegelabo usu isąwai, magi baso meni, te da Midia me Persia dabego dąų walali po dao,” te po wai.

Daniel 6:8

Tialima, king, nago te bidi dabeba walama, te bomo yai po te pepaba asęao olama, tama te nago nogi me asęao, te muani po dąų waliyu tiao, tama te tigidali we bidigo wali pomainu yaibao. Te bomai po te da Midia me Persia bagego bomai po me deli pedalaibao, tama te bidi me deligo hasegelimainu ebaso, usu me egobeo,” augwaligo te po wai.

Esta 9:27

Te Juda dabego te tiwai kolesaga ilali, te augwa digi me, te augwa wąį dabe nosali pedelabo bage dali, augwa bomai po muani, tama mena bidi te Juda hani tomoba asobo bidigo me te bomai po wali pai. Te si sogode te tigidali kibu bede, augwaligo te sę pedelali te homugo kone palao, te tiwai po Mordekaigo wai dao.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

Esra 8:36

Tama eno te kingo enabolo mani pas te selama, tama eno te polalubo gavmanba me te wę Yufretis e badu tǫ pedaide bidibo te gasa ofisa dabeba me, te pas tolali. Augwaligo te pas selama, teda augwaligo daba wiegi yai homu bugagia eyu, tama te Godigo be sę ebo tau salio.

Esta 3:11

Tialima, megi da, king bidigo agabolo te po wali, “Te mone da, tagalao. Nago magi sę te we bidide yainogo wida, nago te naga yao,” wali.

Daniel 3:10

King o, nago bomo yai po te tiwai ilali, te augwaligo musik wabo sogo, tigidali we bidigo te kidu sugunama, tama nago te dodolali piksaba lotu po waiyąo po wai.

Daniel 6:25

Tama nosali king Dariusgo te tigidali bulu tǫ pedai we bidi dabe, me te tigidali haniba, me tigidali haniani po wabo hani we bidi te pas asęna tolalio. Agai te tama po wai, “Dage tigidali te bugagia bidiąo,” wali.