Esta 3:10 - Godigo dwagi yai po buku

¹⁰ Te king bidigo te dodobolo pai ring elaluali, te agai ebo sę bomo mabo nai. Tialima, kingo te po oda selama, tama agai nogo danide te ring pedama, tama Hamanbolo mani, te Juda dabego boi bidi dao, te Hamedatago ogwa, te Agak hani bidi dao.

Esta 3:10 Referans Kwoze

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.

Esta 8:8

Tiali goli, te pas augwaligo eno nogide asęnama, tama eno dąį digi tede muani, te eno hasegelibo usu me egobeo. Tiali goli, nago magi po te Juda dabebolo asęainogo da, tagala, te asęyu naga yao. Nago te pas eno nogide asęnama, tama eno dąį ugwadu tede me muao,” king bidigo te po wai.

Esta 3:1

Nosali gana gavman tuni bidi Serksisgo bidi me deli nogo tų ilali, augwaligo te nogi Haman nogi yali, te polalubo gavman tiwai pedelai. Haman te bidi nogi Hamedatago ogwa, tama wąį Agakgo wai dao.

Esta 3:9

Tialima, tuni bidio, te nago homugo te tigidali we bidiba po tagala palama, tama te we bidi augwali ela muabo po wao. Te nago tama tibaso da, teda megi eno mu po nagebolo obao, te eno mone silva umabo hauwa mu, te 50 milion kina te nago mone mubo beba muaibao. Te nago gavman sę te monego yagameo,” Hamango te po wai.

Esta 3:11

Tialima, megi da, king bidigo agabolo te po wali, “Te mone da, tagalao. Nago magi sę te we bidide yainogo wida, nago te naga yao,” wali.