Esta 2:5 - Godigo dwagi yai po buku

⁵ Te gavmango moni hanu Susade te Juda bidi me deli bidai, te aga nogi Mordekai. Te aga Jairgo ogwa dao, tama Kis de Simei dali sigo hani, te Benjamin genuai hani dao.

Esta 2:5 Referans Kwoze

Esta 10:3

Tama te Juda bidi Mordekai aga te gavman king bidi Serksisgo kisalubo tomo bidi bidali. Tuni bidi naga aga daide ugwadu elaluali. Tama Juda dabego aga godolo mu elama, tama augwali genuai nogi agabolo mawai. Tama agai te Juda dabe augwali bugagia bidabo sę tau sali, tama augwa hani dabe nosali pedalubo bage te augwali magi nai mede wi me isąma, augwali bugagia naga bidimainu tiai dao.

Esta 5:1

Estago osogo nai sela sogo gisilama bidai. Tama sela wabo side, agai te kwin tuni wego gudubo ugwa munama, tama tuni bidi kingo be obo tomoba pelama, dologi pali, te tuni bidigo genuai dąį togwali be habu pąde teba dologi pelama, tama te tuni bidi dulalubo saiba tonono yali. Tuni bidi te saide dulalu, tama sunumiba tonono yai.

Esta 2:3

“Nago te naga tonalubo tigidali hanu bidi dabe augwali sa munama, tama augwaligo te sawi wiegi yai te wegi dabe te gavmango polalubo hanu, te Susaba odasa asomainu yao, tama nago te we dabe sisinibo beba sisinama muao. Te nago we dabe sibi tonalubo bidi, te Hegai, agai te augwali tonalumainu yao. Tama te we dabe augwa tigide wel mubadi, te augwa tigi gasa sawi yai mu pedalumainu au ilaibao.

2 Samuel 16:5

Devitgo te Siba dali po miani silibo si da, teda Devit te aga hani dabe dali te Bahurim buluba pali. Augwali te pesageba sabalubo sogo, te Solgo hani bidi me deli te buluba dįą aselama, te Devit dali deli gesabidi ununani. Aga nogi te Simei, tama aga te Gerago ogwa da. Simeigo te wado po wabo sę eyu, tama dwai po Devitba weyu, tama asidualio.

1 Samuel 9:1

Bidi me deli bidai, te bidi nogi Kis, te Benjamin hani bidi. Kis te Abielgo ogwa, tama Abiel te Serorgo ogwa, tama Seror te Bekoratgo owga, aga te Afiago ogwa dao. Kisgo doado bage hauwa elaluali, tama te gasa bidi dabe tomode te aga nogi elalubo bidi bidai.

Esta 2:4

Tialima, te we dabe augwalide te me deli nago aga godolo mu eyu da, nago aga te gavman tuni we kwin nigilama, agai te kwin bidali we Vasti bidali pesage agai somainu yaibao,” te king tau sabo bidi mebago agabolo te po wai. Te king bidigo odama, tama agai te dwagi yai po da te homu yai, tama agai te po wali pai.

Te Israel me Juda Hani Sigo Tuni Bidigo Po Elalubo Buku Si 24:12

Tama te king Jehoiakingo sualima, te king Nebukatnesar aga ami soldia bidi dabe dali asama bidibo suali, tama tialima, te king Jehoiakin ebadi, te aga ida ebadi, tama me te aga gavman ofisa bidi me, me te augwa genuai bidi dabe me, tama me te kingo be tonalubo bidi dabe me, augwali tigidali te taun tagalama, buluba pelama, te king Nebukatnesar dali sisinama, tama augwaligo Nebukatnesarbolo te po wali, “Tama dago homugo te boi ma hwįgobeo,” wali. Tama tialima, te king Nebukatnesargo te king Jehoiakin aga kalabusiba muani. Tama te sę yali sogo, te king Nebukatnesar agai kibu be te 8 kibu be te Babilon bulude king bidai.

Te Israel me Juda Hani Sigo Tuni Bidigo Po Elalubo Buku Si 24:15

Tama te king Nebukatnesargo te king Jehoiakin dali, te aga ida ebadi, me te aga we me, me te aga sę ebo gavman ofisa bidi dabe me, tama me te Juda hanigo genuai bidi dabe me, augwali tigidali te kalabus elama, tama agai augwali te Babilon buluba odasa pali.