Esta 2:16 - Godigo dwagi yai po buku

¹⁶ Te sogo te king Serksis te tuni bidi bidali te 7 kibu be bidai. Tama te kibu bede te polua nogo si, te polua nogi augwaligo Tebet nogi yali, te poluade augwaligo Esta te king bidi bidibo digi odasa pai.

Esta 2:16 Referans Kwoze

Esta 8:9

Augwaligo te tiwai sę te polua Sivan te 23 dei, tede te kibu be te sela poluade te tiwai yali. Tama Mordekaigo te tuni bidigo sę ebo kuskus bidi dabe tigidali i olama, tama augwali asai. Agai po augwalibolo menama, tama te po augwaligo te pas dabede asęai. Agai te pas dabe te Juda dabebolo me, te polalubo kiap dabebolo badi, te polalubo gavman dabebolo badi, tama te tigidali 127 tǫ pedai provinsde bidibo ofisa dabebolo me, te tǫ pedai provins Indiade gagalasa, te Itiopia teba usu nagaselama, te tǫ pedai tigidaliba te asęani. Te asęani pas dabe augwaligo te augwali tigidali tǫ pedai pogo naga asęnama, tama Juda dabego pogo me asęai dao.

Esta 2:3

“Nago te naga tonalubo tigidali hanu bidi dabe augwali sa munama, tama augwaligo te sawi wiegi yai te wegi dabe te gavmango polalubo hanu, te Susaba odasa asomainu yao, tama nago te we dabe sisinibo beba sisinama muao. Te nago we dabe sibi tonalubo bidi, te Hegai, agai te augwali tonalumainu yao. Tama te we dabe augwa tigide wel mubadi, te augwa tigi gasa sawi yai mu pedalumainu au ilaibao.

Esta 2:1

Nosali te gavman tuni bidi kingo wado po wali silama da, teda agai te gavman tuni we Vastigo agabolo yali kolesaga te agai homugo ma kone yagasalio. Agai te kwin we Vasti sela sąnama, te kwin we ma bidigobeo wali po te homugo ma kone yagasalio.

Esra 7:8

Augwaligo te bulu Babilon te deli wabo polua, dei deli wabode, te taga soalio. Tama Godigo augwali tau sobaso, tama augwali te Jerusalemba te a naga polua, te 5 mun, dei deli, te sogo te Jerusalemba sabolali, magi baso meni, te digibulu mu pai dao.

Esta 2:15

Megi da, te Estago te king bidi sugi pabo sogo bodolu te pedelai. Esta aga te Abihailgo wegi, tama Mordekaigo hai dao. Mordekaigo Esta aga selama, tama aga wai bǫų negebo tiwai gilama yai. Tigidali bidigo Esta sulama godolo ebaso, tama augwali agade mu tulaluai. Tama agai te tuni bidi sugi painu ebo sogo gudali ugwa, te we dabe sibi tonalubo bidi Hegaigo te nogo tų ilali ugwa gudali. Agai te gasa ugwa me gudubeo.

Esta 2:17

Tama king bidigo aga godolo mu yali. Tuni bidigo te gasa we dabe godolo ebo usu tiwai gilama te Esta godolo ebeo. Agai homugo Estago augwali aiyaba elaluali homu elama, tama gasa sawi yai we mu dao. Te king bidigo Esta sulama, tama agade mu tulaluai. Tama tibaso, te king bidigo te tuni wego au yai madi te aga toboluba muani. Tama Estago te tuni we Vasti hasegelama, tama aga te gavman tuni we kwin pedelai.

Esra 4:6

Te king Darius isai madi, tama Serksis te bidi te Persia bidi dabego king bidai. Tama te sogo te boi bidi dabego te pas me deli asęnama, tama te Jerusalemde bidibo we bidi dabe me, te Juda gasa badu bidibo bage me, po tų ilai dao.