Esta 10:3 - Godigo dwagi yai po buku

³ Tama te Juda bidi Mordekai aga te gavman king bidi Serksisgo kisalubo tomo bidi bidali. Tuni bidi naga aga daide ugwadu elaluali. Tama Juda dabego aga godolo mu elama, tama augwali genuai nogi agabolo mawai. Tama agai te Juda dabe augwali bugagia bidabo sę tau sali, tama augwa hani dabe nosali pedalubo bage te augwali magi nai mede wi me isąma, augwali bugagia naga bidimainu tiai dao.

Esta 10:3 Referans Kwoze

Nehemia 2:10

Tiali goli, Senbalat, te Bethoron taun bidi, me Tobia, te Amon provins ofisa bidi me deli, augwali sigo odali, ena aselama, te Israel we bidi augwali bugagia bidimainogo eyu, ena augwali tau sainu asali po odali. Tama tibaso, augwali sigo haliga dwai mu yalio.

Polgo Po Pas Rom Dabeba Asęani 14:18

Tama bidi te tobage kolesaga ebogo te Kraisgo sę bidi bidiyu da, teda aga Godigo usu niba kadu waibao, tama te bidi dabe augwaligo homugo te aga wiegi yai bidi da te homu yaibao.

Polgo Po Pas Rom Dabeba Asęani 10:1

Eno ama dede dabeo, eno homu dene eyu tama te Godigo te eno hani Israel bage augwali ma dobola somainogo ebo homu godolo mu elama, tama sesemane sogo eno Godibolo gedu haluasa po tede bomonama wabo dao.

Daniel 5:29

King Belsasargo te po odolama, tialima agai te bidi dabeba walama, te mama yai ugwa name te Danielba munama, tama te sen gol aga mageba muao, wali. Tama kingo Daniel te gavman ofisa bidi te sela wabo bidi nigilali.

Tuni Bidi Dabego Po Elalubo Buku Si 28:7

Tama Sikri te Israel bomai ami bidi me deligo Juda dabego genuai bidi sela ela muani. Augwaligo nogi e dao, king Ahasgo ogwa Masea, me kingo be tonalubo bidi Asrikam, me te kingo namba tu bidi Elkana, tama bage ela muani.

Tigidali Nai Gagalama Nigali Side 41:40

Te tama tialima, eno nage te eno hanu tǫde te polalubo gavman bidi nigilama, tama eno hani we bidi Isip dabe tigidali augwaligo nago po wali pomainu yaibao. Ena te gavman tuni bidi te eno nogi deli naga te nago nogi aiyaba elaluaibao,” wali.

Daniel 5:16

Tiali goli, eno odali, te nago da te tobage po page koneama, tama te geme dualali po tiwai me te nago konebo dao, wali. Tialima, nago te po page nedabo usu elama, tama enabolo nago te po page pusubaso da, teda eno nageba te kingo mubo mama yai ugwa name munama, tama eno nago mageba te sen gol munama, te nago nogi genuai elalueibao. Tama nage te eno gavmande te sela wabo ofisa bidi pedalumainu nigilaibao,” te po king Belsasargo wali.

Esta 3:2

Tama king bidigo te tigidali kiap bidibolo po olama, te Hamanba kidu sugunama, tama genuai nogi agaba mao po wai. Tigidaligo te kingo wali po gilama yali, tiali goli Mordekai deligo te tiwai sę me isiąwai. Mordekaigo te Hamanba kidu sugunubo te hagela mu yalio.

1 Samuel 23:17

Jonatango agabolo te tiwai po wali, “Nage wi munu me igio. Eno ayago nage me dologobeo. Nosali nage te Israel king pedalubo side, tama ena te nage tudi badu bidi nigilama bidaibao. Tama eno ayago me te sę yabo koneai dao,” wali.

Daniel 6:3

Kingo suali, te Danielgo sę wiegi yai mu eyu, te ofisa dabego sę, me te aga dali deli sę ebo bidi sigo sę ebo te augwali agai aiyaba elaluali. Tama tibaso, kingo homugo agai Daniel te tigidali bulu tǫde te polalubo ofisa bidi nigilabo homu yalio.

Tigidali Nai Gagalama Nigali Side 45:10

Te nage ena bidibo pąde te tǫ Gosen pąde bidagameo. Nage me, naga ogomani dali, tama naga ogwa dabego wai puluba me, dage te tǫde te duga sipsip me, meme dabe me, bulmakau dabe me, duga doado bage tigidali dali, tede bidagameo.

Tigidali Nai Gagalama Nigali Side 45:11

Te nage te tǫ Gosenba bidagasobaso da, teda eno nage tonaluaibao. Te nasi yabo kibu be te a naga me elalubao, tama eno homugo nage, me nago we wai puluba, me kibu dabe dali, te nasigo dolidali homu eno hagela ebao.’ Ayabolo te po wao,” wali.

1 Samuel 18:16

Tiali goli, te tigidali Israel me Juda bagego te Devit godolo homu mu yali, magi baso meni, aga te ami dabego wiegi yai ofisa bidi dao.

Esta 2:5

Te gavmango moni hanu Susade te Juda bidi me deli bidai, te aga nogi Mordekai. Te aga Jairgo ogwa dao, tama Kis de Simei dali sigo hani, te Benjamin genuai hani dao.