Esta 10:2 - Godigo dwagi yai po buku

² Te tigidali dwagi yai me genuai sę me, tama tigidali po wabo kolesaga ebo me, te gavman tuni bidigo te genuai nogi Mordekaibolo mayu tama tiali, te tigidali sę yali augwaligo te Persia de Midia genuai tǫ tonalubo king bidi dabego buku dabede te sę yali po asęanio.

Esta 10:2 Referans Kwoze

Esta 8:15

Tama augwaligo te tuni bidigo tedela ugwa me te sisi ugwa te Mordekaigo tigiba munama, tama aga te mama bobobage ugwa me deligo aga banulai. Tama nosali augwaligo te genuai gol madi te wiegi yai au elalubo te aga toboluba muai. Aga te au ela selama, tama te tuni bidigo be tagalama, buluba teda soalio. Tama Susa moni hanude bidalubo we bidi augwaligo sulama, tama augwali wiegi yai homu pemene eyu, tama genuai po dągą olama, i wai.

Esta 9:4

Te tuni bidigo provins dabede bidibo tigidali bidigo koneani, te king bidigo te genuai nogi me te genuai bomo te Mordekaibolo mawai. Tama agai bomo genuai geninama, tigidali sogo pedaliyu yalio.

Esta 2:23

Augwaligo te po page gegelama, tama augwaligo koneani, te mu po da wai. Tama tibaso, augwaligo te bidi si te ni pedaide walama, tama augwali si isali. Nosali king bidigo te po wai, “Te tiali po te dago dena gavmanigo hasia yali sę po buku, te bukude te po asęao,” wali. Tialima, augwaligo tama tiwai yalio.

Esta 6:1

Te sogo hulide digi, te king bidi aga godege bugagia piabo ąǫ ebeo. Tama agai augwalibolo po olama, augwaligo agai te tonalubo tǫ pedaide ebo po tigidali asębo te buku sesao po wali, tama augwaligo po meba te bukude asęani nedainogo tialio.

Daniel 2:48

Tama kingo Daniel dąį ilama, te Babilon Provinsde polalubo tuni bidi nigali, tama aga te kingba wiegi yai homu mabo bidi tigidali tonalubo bos bidi nigilali. Tama me te kingo te wiegi yai homu pemene ilibo nai hauwa te Danielba menama, tama Daniel genuai nogi elaluai dao.

Godigo Nogi Ugwaba Sabo Tęąbi Po Wabo Buku Dabe 18:35

Genuai Bidi, nago ena tonaluama, tama ena ma dobola sabo dao. Awe, nago dolo nogogo bomogo ena tau sabo dao. Nago ena tau selama, tama ena te we bidi dabego gedude genuai nogi elalubao.

Te Israel me Juda Hani Sigo Tuni Bidigo Po Elalubo Buku Deli 22:39

Te king Ahapgo gasa sę dabe tigidali yali po, te tiwai nogi wabo bukude te po elalubo, Te Israel King Dabego Yali Sę Po Buku Dao. Te bukude te wiegi yai genuai be agai sęnama, te elefan hasa kelego au ilali po wali, te me agai te taun dabe obo masigi banis dąų walobo sę me yali po wai dao.

Te Israel me Juda Hani Sigo Tuni Bidigo Po Elalubo Buku Deli 14:19

Te tigidali po te king Jeroboamgo gasa haniani sę agai yali po da, te po gasa bukude elalubo, augwaligo e tama te buku nogi ebo da, Israel Hani King Bidi Dabego Po Dao. Te buku da te agai te boi hwįyu, te boi bidi hani dali yali sę yali po me, me te aga bidibo bulu tǫ tonaluali kolesaga po me elalubo buku dao.

Te Israel me Juda Hani Sigo Tuni Bidigo Po Elalubo Buku Deli 11:41

Te tigidali gasa sę Solomongo yali me te agai koneai wiegi yai homu kolesaga tigidali, te augwaligo te bukude asęani, augwa te nogi tama nogi yai, Te Solomongo Po Dabe Da Asęani Po dao.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.