Esta 1:7 - Godigo dwagi yai po buku

⁷ Te bidi dabe augwaligo wę selama, tudu pali te haniani gasagi gasagi yai gol kapde wę tudu pai. Tama tuni bidigo te bidi dabebolo te wain wę hauwa mawai.

Esta 1:7 Referans Kwoze

Esta 2:18

Tialima, te king bidigo te dwagi yai homu pemene Estabolo eyu, te genuai nai daa tuaibao wali. Agai te tigidali tobolu bidi badi, te polalubo kiap dabe badi, augwali te genuai nai daa tuboba asomainu i wai. Agai te po wai, “Tigidali eno tonalubo bulude bidibo we bidi tigidali, augwali te e side toma nomainu yao,” te po wai. Tama tuni bidigo wiegi yai nai hauwa te we bidi augwalibolo olo manio, dwasianu nai mabe.

Tuni Bidi Dabego Po Elalubo Buku Si 9:20

Te sę bidi dabe augwaligo gol selama, Solomongo ąį tuabo kapu nigali. Tama me te be nogi Lebanon Ni Sili Bede elaluali nai dabe augwaligo wiegi yai golgo naga geselali. Te Solomongo silva hauwa mu elalubo sogo augwaligo te po weyu yali, te silva te olo nai dao po olama, augwaligo te silvago wiegi yai nai dabe me geseliyu me ebeo.

Te Israel me Juda Hani Sigo Tuni Bidigo Po Elalubo Buku Deli 10:21

Te sę bidi dabego te gol selama, tama te Solomongo wę tubo kap dabe nigali. Tama te tigidali plet pou te Lebanon Genuai Ni Sili Bede munaluali, augwa te wiegi yai golgo naga nigai. Augwaligo te nai dabe me deli te silvago me nigibe, magi baso meni, te Solomon bidali sogo augwaligo homugo te silva te olo nai tiwai da homu yali.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Esta 1:8

Te augwaligo nisu naga wain tumainogo te dąį me ilibeo. Tuni bidigo te aga bede sę ebo bidi dabe augwalibolo te po wali, augwaligo te deli deli bidi dabebolo te augwa homu usu nama te ąį mao po wali.