Esta 1:6 - Godigo dwagi yai po buku

⁶ Te obo bagulali te tedela ugwago me, te sisi ugwago badi te au ilama, tama augwaligo te dwagi yai dila pai bono baklaingo kęani. Tama te baklain bono te silva ring te bobobage masigi pos elalubo madi augwaligo kęanio. Augwaligo te obo tomode te haniani umabo masigigo te tǫ haluai, te plua tiwai te wiegi yai masigigo nigai. Te umabo mama yai masigigo me, te tedela masigi me, te sisi masigigo me mubadi, te nogo mogu me te dula ula tiwai masigi hauwago halubadi yali. Tama te golgo nigai duabo sia sai, me te silvago nigai sai dabe badi te obo tomode muna muna pai.

Esta 1:6 Referans Kwoze

Amos 6:4

Dage mone hauwa elalubo bidi dabe, te wiegi yai pibo bet sai mude olo pila mubadi, te wiegi yai nai bulmakau me nisai sipsip mi tubao, dage dua dao. Te dwai sogogo dageba gesabidi si unulaibao.

Esekiel 23:41

Te augwali sigo bet me deli au ilama, tede dugulalu, tama augwali sigo te tobage wiegi yai nai dabe te bet pąde elalubo tebolo sai me deliba muani. Tama augwali sigo te eno augwali siba mani te wiegi yai denami ilibo hano ebo pauda me, te oliv wel me, augwali sigo te tebolo saiba muanio.

Amos 2:8

Te tigidali lotu wabo bede te augwa abagi dabede negeli sali name ugwade godege piyu ebo dao. Augwa te name ugwa sabo, te augwa abagigo augwalide negeli sali wei ponomainu dąį ilibo sę tiwai eyu ebo, tiali goli augwaligo te sali name ugwa te augwa abagi dabeba ma mabo meni. Tama augwaligo te augwa negeli sali wei ponabo usu meni yai abagi dabe po tų ilama, te augwa wain wę sali, te po tų abelibo tiwai ebo dao. Tama augwa te wain wę te augwa Godigo be tomode tubo dao,” wali.

Esta 7:8

Tialima, tuni bidi te gide bidali tagalama, te nai tubo be habuba ma aselama, tama agai suali, Haman te Esta dulalu nai tubo bet sai te badu degasa dulai elalubo suai. Hamango Estabolo te aga olo tau somainu ebo po hanalu wai hagede tama tiali. Tiali goli, tuni bidi agai te tama telalubo sulama, i wali, “Ei, te bidigo ena gedude digi te tuni we kwin te eno bede penani yainu homu yalio,” te po wai. King bidigo po ola silibode, tama polo mu te sę bidi dabe asu, te Haman tobolu te ugwago haluama, te tuni bidigo elainu ebo bidi te tiwai sę augwaligo yai dao.

Esta 8:15

Tama augwaligo te tuni bidigo tedela ugwa me te sisi ugwa te Mordekaigo tigiba munama, tama aga te mama bobobage ugwa me deligo aga banulai. Tama nosali augwaligo te genuai gol madi te wiegi yai au elalubo te aga toboluba muai. Aga te au ela selama, tama te tuni bidigo be tagalama, buluba teda soalio. Tama Susa moni hanude bidalubo we bidi augwaligo sulama, tama augwali wiegi yai homu pemene eyu, tama genuai po dągą olama, i wai.

Ma Dobola Sali 26:1

Genuai Bidigo po me ma weyu, Mosesbolo te po wai, “Dagego enabolo lotu po waiabo ugwa be te nogo si wiegi yai name ugwa te sisi yai, me te mama yai, te augwaligo hobigo au ilai ugwago nigao. Tama hobi selama, te ensel mobo bidi piksa noma dabe te name ugwade hobolama nigao. Te name ugwa te hobigo wiegi yai au ebo sę mu koneai bidi, agai te tobage au ebo sę emainao.

1 Samuel 28:23

Tiali goli, Solgo te po wali, “Woo, menio. Ena nai tubo hagela ebuo,” wai. Tialima, aga te ofisa bidi si badi te wego me, augwa bomo eyu, Solgo te nai tuao wali. Tama agai augwaligo po odama, tama hogodama, te pibo bet saiba duagulali.

Amos 3:12

Te Genuai Bidigo po ma weyu, te po wai, “Te bomai hasa laiongo sipsip kibu me deli ela tubaso, te sipsip tonalubo bidigo te sipsip ma dobola sainu ebaso da, teda agai te tigi pedai naga munalubo sueibao, te sągą dili si, ma olo pedai, te tama sueibao. Te Godigo te tobage kolesaga tiwai te Samaria hanude bidibo Israel we bidiba yaibao, te hanu te Israelgo genuai tǫ kantri elalubao. Te we bidi augwa wiegi yai homu pemene elalu bidai, augwali te dolaibao. Te augwali dwasianu hani dabe naga te bugulama me bidaibao. Te taun wiegi yai doado bage tigidali dolai tiwai elalu, te pibo sai bet nigali sągą me badu naga elalubo tiwai yaibao,” wai dao.