Esta 1:3 - Godigo dwagi yai po buku

³ Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Esta 1:3 Referans Kwoze

Dwagi Yai Gesi Po Makgo Asęani 6:21

Nosali te we Herodiasgo te tiwai sunumi elalubo pedalali. Herot aga idago aga ame nani side pedalubaso, te agai genuai nai ulaiba wali. Agai te nai da tueinu ebo te aga dali gavman sęde tau sabo bidi dabe dali tueinogo yali, tama te polalubo ami tuni bidi me, te Galili tǫde bidalubo genuai bidi dabe dali te nai da tueinogo yai.

Daniel 5:1

Te Belsasar Babilonde king bidali sogo, agai genuai nai da me deli tuali. Agai te aga gegunai bidi dabe te nai tuboba asomainu i olama, tama augwali aga dali te wain ąį tuali, te kingo wiegi yai genuai be tomode. Te sisinani gegunai bidi dabe nedali namba, te tiwai, te 1,000 bidi dabe dao.

Esta 2:18

Tialima, te king bidigo te dwagi yai homu pemene Estabolo eyu, te genuai nai daa tuaibao wali. Agai te tigidali tobolu bidi badi, te polalubo kiap dabe badi, augwali te genuai nai daa tuboba asomainu i wai. Agai te po wai, “Tigidali eno tonalubo bulude bidibo we bidi tigidali, augwali te e side toma nomainu yao,” te po wai. Tama tuni bidigo wiegi yai nai hauwa te we bidi augwalibolo olo manio, dwasianu nai mabe.

Te Israel me Juda Hani Sigo Tuni Bidigo Po Elalubo Buku Deli 3:15

Genuai Bidigo po ola silibo si da, teda Solomon hodaluali, tama te tiwai te na yali da homu eyu, te tama koneani. Tialima, nosali te aga Jerusalemba ma pelama, tama te Genuai Bidigo Dąų Walali Bomai Po Munalubo Halobage elalubo madi pąba dologi pali. Tama agai te tigidali siago domainu ulubo ofa me, tama te God dali deli homu pedalumainu ebo ofa dabe dali yalio. Tama te tudi badu nosali, agai te ofisa dabego me, te aga sę bidi dabego dali, te genuai daa tubo nai ulama, tuai dao.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Tigidali Nai Gagalama Nigali Side 40:20

Te sela sogo wali pedelama, tama Ferogo te tigidali sę ebo bidi dali te aga idago aga ame nani bodolu side te genuai nai da ulama, tuainu yali. Tama agai te wain tonaluali tobolu bidi, me te bret ulubo be tonalubo bidi me, te augwali si oda selama, tama augwali si te aga sę ebo bidi dabego geduba dolaluagasali.

Daniel 8:20

“Nago te omai sipsip me deligo te gąų kom si elalubo suali. Te bulu tǫ kantri si, Midia me Persia sigo king bidi side po wai dao.

Daniel 6:1

Darius te king pedelama da, teda agai te 120 ofisa bidi nigilama, te augwaligo agai bulu tǫ pedai kantri dabe tonalumainu yalio.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Esta 1:14

Te bidi dabego nogi e dao, Karsena, Setar, Atmata, Tarsis, Meres, Marsena, Memukan. Augwali te bidi a naga olama, nogo me badu si bidi te Persia de Midia tǫ pedai side te tuni bidigo tǫ badu te polalubo gavman tobolu bidi dabe dao. Tuni bidigo te augwaligo po wali paibao.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Esta 1:4

Te nai daa tuali te tudubadi, te polua a naga me badu nogo deli bidali, tama king bidigo tigidali doado bage, te mone tigidali badi, te aga bede munalubo tigidali au dodobage te we bidi augwalibolo ola manio. Tama augwaligo te nai dabe sulama, tama te dwagi yai naga mu dao walio.

Esta 3:7

Te kibu be 12 wabode, te tama kibu bede te Serksis king bidi bidali, te hasia polua nogi Nisan delide, Hamango augwalibolo te satu gagali yao po olama, te mena polua te side te Juda dabe dolabo side te bodolu mumainogo te satu gagali yao po wali. Augwaligo gagali ela silama, tama augwaligo te tiwai haninibo suali, te nogo si olama, sągągo si wabo polua, te dei 13, te side te polua nogi Adar, te sogode agai augwali dolaibao po wai.