Esta 1:15 - Godigo dwagi yai po buku

¹⁵ Tama agai te bidi dabe augwalibolo te po wali, “Ena te gavman tuni bidi king Serksis dao, eno te ena nai ulubo bidi dabe tagala paliyu, te eno we te gavman tuni we kwin Vastigo te sę dabe emainu te eno po agabolo tagala palali, tiali goli agai eno po sela sąwanio. Tama bomai pode magi po wabo dawe? Te gavman tuni we kwin dali dago magi yaibawe?” agai te po hanalu wali.

Esta 1:15 Referans Kwoze

Esta 6:6

Tialima, Haman te be tomoba asobode, king bidigo agabolo te po wai, “Te bidi me deli bidibo bidi agabolo eno te genuai nogi mawainogo ebao. Te eno mena wiegi yai sę agabolo yabo te eno konebe. Nago homugo eno magi sę emainogowe?” wali. Tama Haman agade digi te tiwai homu yai, “Te tuni bidigo te sę debolo egowe?” te homu yai. “Te gasa bidi me meni, enabolo naga yaibao.”

Esra 4:6

Te king Darius isai madi, tama Serksis te bidi te Persia bidi dabego king bidai. Tama te sogo te boi bidi dabego te pas me deli asęnama, tama te Jerusalemde bidibo we bidi dabe me, te Juda gasa badu bidibo bage me, po tų ilai dao.

Esta 1:14

Te bidi dabego nogi e dao, Karsena, Setar, Atmata, Tarsis, Meres, Marsena, Memukan. Augwali te bidi a naga olama, nogo me badu si bidi te Persia de Midia tǫ pedai side te tuni bidigo tǫ badu te polalubo gavman tobolu bidi dabe dao. Tuni bidigo te augwaligo po wali paibao.

Esta 1:16

Tialima, Memukango te gavman tuni bidibolo me, te aga tobolu bidi dabebolo dali, te po wai, “King bidi, nago odao! Te kwin we Vastigo yali dwai sę te nage delibolo naga me ebeo, menio, agai te dwai sę te nago tigidali hanude bidi tigidalibolo me, te tigidali tobolu bidi dabebolo me, te sę yalio.