Esta 1:12 - Godigo dwagi yai po buku

¹² Te nai ulubo bidi dabego te tuni bidigo po te kwin Vastibolo wali, tiali goli te tuni we te asobo hagela yai. Tama te tuni bidigo wado po mu weyu, moni sębę yalio.

Esta 1:12 Referans Kwoze

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

1 Pita 3:1

Te da te tigidali tuni bidi dologode bidabo po tama wali peyu, tama dage we dabe sibi dage deli deli duga bidi dologode bidiyu aga po odao. Tama tiyu, te bidi meba augwaligo Godigo dwagi yai po odobo hagela yai digi, augwaligo wego wiegi yai kolesaga ebo suyu, te wego po mobo masiąwaį goli te bidi augwa homu begelaibao.

Efesus 5:24

Tama tibaso agai po wali pabo we bidi te Krais aga dologode bidibo gilama, te tiwai dage we dabego me tama naga tiyu, sesemane sogo dagego duga bidigo po bugagia wali peyu duga bidi dologode bidao.

Efesus 5:22

Tama tiyu, te we dabe sibi deli deli dagego duga bidigo po bugagia wali peyu, te dagego te Genuai Bidi Kraisgo po wali pabo tiwai gilama te duga bidigo wabo po wali pao, augwali dologode bidiąo.

Nahum 1:6

Te aga haliga sębę ebo sogo da, de mu te bugagia bidaibawe? Te de aga me dologobe dawe? Mu menio. Agai te we bidi dabeba wado eyu, te agai gedu te sia bogoli tiwai penelą pelama, te masigi dabe pepeda pelama, te hogomu pobele bage pedalubo dao.

Daniel 3:13

Kingo te tama po odolama, tama aga wado po dwai mu olama, tama te po weyu, augwaligo te bidi sela agaba odasa asao wai.

Daniel 2:12

Kingo te po odolama, te aga sębę eyu, agai wado po dwai mu wali. Tama agai te ami bidi dabeba po ola tolama, te augwaligo te Babilonde te po page koneai bidi tigidali ela silaibao, wali.

Bugagia Bidibo Kolesagade Po Asęai Buku 20:2

Te kingo wado eyu, te haliga sębę ebogo te bidi wi ilaibao, te laiongo genuai gaa wabo tiwai yaibao. Nago te king haliga sębę yabo sę ebaso da, teda nago bidibo ula te hagawaibao.

Godigo Nogi Ugwaba Sabo Tęąbi Po Wabo Buku Dabe 79:5

Genuai Bidio, nisu naga sogo nago dade wado po wabo me elalu, elaibawe? Te nago wado po wabo te sesemane elaluabo homu eba, agawe? Te nago wado ebo me elalu, tama te sia bogoli elalubo tiwai eyu, tama me sula sogobe da, agawe?

Godigo Nogi Ugwaba Sabo Tęąbi Po Wabo Buku Dabe 74:1

God, magi baso nago da tudiba mubawe? Te nago wado po sesemane te naga we bidi daba ududa, agawe?

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

Ma Dobola Sali 32:22

Tialima, Arongo po wei ponoyu, te po wai, “Genuai bidio, nago ena dali sębę igio. Nago te we bidi hani augwaligo ebo kolesaga koneai dao. Augwaligo dwai kolesaga yainogo bomo mu ebo dao.

Ma Dobola Sali 32:19

Tama Moses te we bidi bidibo pesage pąba sabolama suali, te bulmakau gol, me te we bidi augwali tęąbi idubo suali, tialima tama aga sębę mu yai. Tama agai te tolasa asali te masigi si, agai te bulu du pageba sąnama, tama te masigi si pepeda pai.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Daniel 3:19

Nebukatnesargo haliga sębę te Satrak, me Mesak, me Abetnego, te bageba eyu, tama agai guni buyu, gedu me gesabidi me pęgo sela pali. Tama agai te aga sę bidi dabeba olama, te sia nogonama, te bogoli mu dwai pedalumainu ilao wali. Polobadu augwaligo sia nogani posolo ebo te tiwai posolo yai me pedalubeo, te genuai mu.

Esta 1:11

Tama tuni bidigo augwalibolo po weyu, te tuni we kwin Vasti sela asao wali. Te kwin Vasti aga te tuni we sę ebo madi tobolude munasa asao wali. Tuni we aga te sawi yai we mu, tama tiyu tuni bidi agai te kiap dabe augwalibolo me, te agai genuai nai daa tubo madi asali tigidali bidi dabebolo aga ola mawainogo yai.

Esta 1:13

Tama agai te po page koneai bidi dabe i olama asobo si, te po augwaligo agabolo pusubode te agai magi sę te tuni we dali yagasomainu yali. Te tuni bidigo te tiwai kolesaga elalubo te po page koneai bidi dabe aselama, te agai te bomai po me te we bidi augwali bidibo homu kolesaga dodolobo sę elaluai.

Esta 7:7

King bidigo odama, tama haliga sębę mu elama, tama te nai tudali tagalama, te be bulu badu plaua gi elalubo badu buluba teda pali. Hamango te tama sulama, tama koneani, te tuni bidigo aga dolaibao homu yai. Tama Haman te be tomode bidali, te kwin Estabolo te aga tuni bidigo dolainu ebo te olo tau siyu te gogolama, sula tagalalumainu yabo po te Estabolo hanalu wai dao.