Esra 9:6 - Godigo dwagi yai po buku

⁶ Tama eno gedu haluasa po te tiwai wali, “God, te ena genuai hale mu elalubao. Tama eno homugo te eno gedu haluasa po nageba wagasogobeo homu yai. Dago te dwai sę hauwa mu yalio. Tama dago sęgę te pobele bage pesage genuai moni bage me deli te dagaluba usu nainu holobo tiwai mu ebao,” wai.

Esra 9:6 Referans Kwoze

Kraisgo Geme Dualali Sę Pedelabo Po Jonbolo Ola Mani 18:5

Magi baso meni. Te agai dwai sę ebo sęgę te pobele bage deliba sisinibo tiwai mu yali, tama te dagaluba mu usu nainogo holai. Tama God agai te bulude ebo dwai dwai kolesaga tigidali agai homugo ma koneai.

Godigo Nogi Ugwaba Sabo Tęąbi Po Wabo Buku Dabe 38:4

Te ena sęgę dabego te ena mesegelama, tama te sęgę dabe te eno walu tolai sęgę tiwai elama, tama sęgę mu ebo dao.

Tuni Bidi Dabego Po Elalubo Buku Si 28:9

Tama te sogo Genuai Bidigo profet bidi me deli Samariade bididuai, agai nogi Odet dao. Tama Israel dabego ami bidi dabe ma asobode te Odetgo augwali tiąba pelama, te po wali, “Genuai Bidi, dago wąįgo God, agai te Juda dabe dali sębę elama augwali agai dagego nogoba mawai dao. Tiali goli dagego sębę mu elama, tama agai po bolama, dagego augwali ela mubo sę genuai mu yalio. Tama Genuai Bidigo dagego te dwai kolesaga yali polo sualio.

Dwagi Yai Gesi Po Lukgo Asęani 15:21

Tama te gesi bidigo aga ayabolo te po wali, ‘Aya, eno Godigo gedude dwai sę yali, nago gabidide me eno dwai sę yalio. Ena gesuai bidi menio, dwai bidi dao. Tama tibaso, nago enabolo te ogwa da po olamu dao,’ te po wali.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Esra 9:15

God, te da Israel dabego Genuai Bidi, nago te doloba pai kolesaga naga ebo dao. Da wiegi yai we bidi weyu, te da nage pąba me pogobeo. Menio. Da te dwai sę ebo we bidi naga dao, te dwai sęgę umabo elalubao,” eno te gedu haluasa po tama wali.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Jeremaia 31:19

Dago nage tagalali, tiali goli, megi da, dago haliga begelalio. Te dago dena yali dwai sę koneama, da hale mu elama, dago tobolu basi gulali. Polobadu dago hani dabe augwali te gesi we bidi tiwai bidalu, te dwai kolesaga hauwa yali. Tialima, megi da, da dena te dwai kolesaga yalide hale dwai mu ebo dao.’ Te Efraim hani bagego te po wabo eno odali.

Jeremaia 8:12

Te Israel dabe augwa yali dwai damuai kugumini tiwai ebo kolesagade dwai hale yaliwe? Mu menio. Augwa dwasianu hale me ebeo. Augwa te tobage kolesagade hale me ebeo. Tama eno augwaliba dwai dene menama, te augwali mu dolaibao, te gasa hani dolali tiwai yaibao. Te po ena Genuai Bidigo po dao.”

Jeremaia 6:15

“Te Israel dabe augwa te kugumini yai kolesaga ebode te hale me yaliwe? Mu menio. Augwa hale dwasianu me ebeo. Augwa te tobage dwai sę ebo kolesagade ge neyu, hale me ebeo. Tama tibaso, te eno augwaliba dwai dene mayu, te augwali mu dolaibao, te gasa hani dabe dolo tiwai yaibao. Ena Genuai Bidi, eno te po wai dao,” wali.

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Aisaia 59:12

“Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Jopgo Po Asęani Elalubo Buku 40:4

“Genuai Bidi, ena dolama, tama ena olo nai dao. Mena tama tilama, eno nago po wei ponaibawe? Ena nogogo pedauwali pania saibao.

Esra 9:13

“Te mu tama nago te tiwai po dabolo mu tama obadi, tiali goli dago nago po sela sąyu, tama te dwai sę ebo genuai mu yai. Tama tiyu, nago da sesanobo po obao. Dago te dwai sę hauwa mu yali, tama te nago da tigidali mu doligi sogo da, te dolo igi dao. Tiali goli, te menio, nago te olo tau mabo wiegi yai kolesaga daba eyu, tama nago te dwasianu hani bidimainogo ilalio.

Tigidali Nai Gagalama Nigali Side 13:13

Tama te hanude bidalubo we bidi dabe augwaligo te dwai sę genuai mu te Yawe gedude yalio. Te augwaligo agai bomai po te wali me pabeo.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Te Israel me Juda Hani Sigo Tuni Bidigo Po Elalubo Buku Deli 8:47

tama nosali augwali te boi bidi dabego bulu tǫde bidiyu, tama augwaligo te augwa yali dwai sęde homu hauwa kone paliyu, te augwaligo homu begelibaso da, teda Genuai Bidi, nago augwaligo te gedu haluasa po wabo odao. Mu tama, augwali te boi bidi dabego tǫde kalabuside bidiyu, tama augwaligo nageba konealubo homu dąų weyu, te nageba naga homu koneyu, tama ge nenama, homu mu begelama, tama augwaligo te nago augwaligo wąį nǫų dabeba sa muyu mani te tǫba tonalu, te e hanuba dali te nago eno sę yani beba tonalu, te we bidi dabe nage pąba asainu ebo homu elama, tama te augwaligo gedu haluasa po te tama waibao, ‘Te hobede mu da, da te dwai sę ebo kolesagade biliyu, tama te dwai kolesaga haniani yali dao,’ te po obaso da, teda nage te naga bulu dagalude bidiyu, tama te nago augwaligo gedu haluasa po wabo odolama, te nago olo tau mabo wiegi yai kolesaga eyu, te augwali tau sao,” po wai.

Jeremaia 51:9

Te Israel me Juda augwaligo e tiwai po waibao, “Da te kalabus bidi dabego te Babilon usu ma ilabo homu yali, tialima, aga usu yai me pedalubeo.” Nosali augwa te po wali, “Tagalao, dago te Babilon tagalama, da deli deli te dena page buluba ma pinao. Magi baso meni, te Babilongo yali dwai sę genuai mu elalu, te dagaluba usu nigi holali. Tibaso, Genuai Bidigo te Babilonba dwai dene mabo sę umagia mu yai dao.

Ma Dobola Sali 32:31

Tialima, Moses te bulu duba ugwa holama, tama Genuai Bidibolo te tiwai po wai, “Homu dene mu ebao. Te e we bidi augwaligo te genuai sęgę sabo sę mu yalio. Augwaligo te tibo god me deli nigilama, tama augwaligo lotu po agaba wai dao.

Pris Sę Ebo Bomai Po 26:40

“Tiali goli, nosali dage te hani dabe te augwa yali sęgę homu kone palama, te augwaligo enaba pusaibao. Augwaligo te tama po waibao, ‘Dena digi me te sęgę siyu, te wąį nǫų dabego me sęgę salio. Dago hagoma elama, te nago po sela sąwai dao.’

Nehemia 1:6

Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Godigo Nogi Ugwaba Sabo Tęąbi Po Wabo Buku Dabe 38:5

Te eno tigide elalubo kenide te keni bole hauwa elalu, tama te kugumini mu ebao. Eno te geda mubo kolesaga mu eyu, tama te sę enaba pedelai.

Te We Bidi Dabego Jerusalem Hagede Gela Wali 3:42

“Dago nage dali hagoma elama, tama dago sęgę sai dao. Tama nago dago sęgę sela sąsiąyu, tama da te nago gedude dwagi yai ma pedalubeo.