Esra 9:12 - Godigo dwagi yai po buku

¹² ‘Tama tialima, dagego te hani bidiba te dagego wegi mayu, te we te hanide siyu me igio. Tama dagego te augwali bugagia bidimainu tau me sigio, tama dagego te augwaligo mena sę yainu ebo te tau me sigio,’ wali. ‘Te dagego eno po wali pobaso da, teda duga digi te tǫde bugagia bidiyu, tama bomai hani pedelama, tama nosali te duga wąį nǫų dabe, augwa te tǫde bugagia sesemane bidada pomainogo ebo dao,’ nago te po wai.”

Esra 9:12 Referans Kwoze

Bomai Po 7:3

Tama me dagego augwali dali we si me abelamo dao.

Bomai Po 23:6

Tama tialima, dagego tigidali sogo te we bidi augwali dali abagi dao weyu, dwagi yai bidabo bomai po augwali dali dąų wagimio.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Aisaia 1:19

Ma, dagego eno po mu odama, tama te homu kolesaga wali peyu da, teda dage bidibo me bugagia bidiyu, me duga gide bulubo wiegi yai nai dagego tuyu, bidaibao.

Bugagia Bidibo Kolesagade Po Asęai Buku 20:7

Te doloba pai bidigo te dwai sę me deli isiąyu, bididu dao. Tama tibaso, aga wai dabe nosali bugagia bidaibao.

Esra 9:2

“Da te Juda bidi dabego te hani bidi dabego wegi sobao, tama te da Godigo dolo mu sa muani tedali gasagi yai we bidi hani te Godigo bomai po odisąbo bidi hanigo kolesagaba palio. Te polalubo bidi dabe me, te ofisa dabego me, te tiwai e hasia bolo ebaso, tama te gasa we bidi dabego augwa me te dwai kolesaga ela palio,” augwaligo te po wai.

Ma Dobola Sali 23:32

Tama dagego augwali dali po dąų weyu, me ma augwaligo tibo god dali me te tiwai kolesaga igio.

Tuni Bidi Dabego Po Elalubo Buku Si 19:2

Tama asidubadi te sogo profet Jehu te Hananigo ogwago te Jehosafat tiąba pelama, e tama po walali. “Nago homugo te dwai bidi dabe tau siyu, tama Genuai Bidi godolo isąma ebo bidi dali kisabo, te usu da, agawe? Nago te tama kolesaga yaligo da, Genuai Bidigo nage dali sębę homu yalio.

Bomai Po 23:7

Tama te Idom me Isip dabe meba dage dali bidaibao. Tialima, dagego te Idom dabe dali dwai homu me elamo dao. Magi baso meni, augwali te duga deli kaneme dao. Tama me ma, dagego te Isip dabe dali me dwai homu me elamuo, magi baso meni, polobadu dage augwaligo bulude te bulu meni yai bage tiwai tede bidai dao.

Tuni Bidi Dabego Po Elalubo Buku Deli 28:8

Tama Devitgo te we bidi augwaliba te tiwai po ma walio, “Tialima te dena Godigo gedude me, te dage tigidali Israelgo gedude, dage te Genuai Bidigo we bidi dabe, eno te tiwai po dolo mu dagebolo obao. Dagego te bomai po tigidali bugagia wali pao, aga te God, dago Genuai Bidigo dabolo manio. Dagego te tiwai ebaso da, teda dage te wiegi yai tǫde bidaibao, tama te tǫ te dagego tǫ mu elalueibao. Te nosali dagego hanigo wai dabego me te tǫde sesemane bidada pidu, bidada paibao,” te po wai dao.