Esra 9:10 - Godigo dwagi yai po buku

¹⁰ “Te dago God, mu tama, nago te wiegi yai sę dabe daba yali, tiali goli dago te nago bomai po dabe wali pisąbaso, tama dago te sę bolobaso, te da hale dwai mu ebo dao,” wali.

Esra 9:10 Referans Kwoze

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Josua 7:8

O Genuai Bidio, te Israel dabego te boi bidi dabe augwali tudiba ilama, tama augwali wi eyu, ma geasa asalio. Te eno magi po wagawe?

Tigidali Nai Gagalama Nigali Side 44:16

Tama Judago po wei ponoyu te po wai, “Genuai bidi, te dago po mena tama wei ponagawe? Godigo te dago sęgę haninani. Genuai bidi, te nago kap elalubo suali naga, aga te nago olo sę ebo bidi me pedalugobeo. Menio. Da tigidali hodobo tiaibao,” wali.

Esra 9:9

Te mu tama da, te olo sę bidi tiwai yali, tiali goli te nago dade homu kone ebo te me tagalogobeo. Menio. Nago daba te olo tau mabo wiegi yai kolesaga eyu, tama nago te Persia king dabego dabolo wiegi yai haliga emainu ilali. Tama nago te augwaligo da te ma somainu elama, te nago be dolali elalubao te ma sę egi somainogo ilali. Tama nago te augwaligo da tau somainu ilama, tama augwaligo dabolo te be sę yabo doado bage tigidali mawai. Tama megi da, da te Jerusalemde bugagia dugulalu, tama te Juda gasa pedai badu me, te nago da tonalubo dao,” wai.

Esra 9:11

“Te profet dabe, te augwali nago sę bidi dao, te bomai po nagade digi selama, tama augwaligo dabolo pusai dao. Tama augwaligo pedauwalide nago dabolo te tama po wali, ‘Te tǫ megi dagego sabo te eno gedude wiegi yai me ebeo,’ wali, ‘magi baso meni, te tǫ pedai we bidi hauwago te dwai kolesaga eyu, tama te tǫ badu tigidali te dwai meda yai kolesaga usu nai elalubao,’ wai.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Nehemia 9:34

“Mu tama, te dago wąį nǫų dabe, me king dabe, me tobolu bidi dabe, me pris dabe, augwaligo te nago bomo yai po wali me pisąwai. Te nago bomo yai po augwaliba weyu, te nago po tigidali augwaligo wali pomainu yali, tiali goli te augwaligo te po odobo hagela homu eyu yai dao.

Godigo Nogi Ugwaba Sabo Tęąbi Po Wabo Buku Dabe 106:6

Dago te dwai sę yalio, te polobadu dago wąį nǫų dabego yali tiwai sę yalio. Dago te dwai sę haniani yai.