Esra 9:1 - Godigo dwagi yai po buku

¹ Dago te sę tigidali ela silama da, teda dago te polalubo bidi dabe aselama, tama enabolo te tiwai po wagasalio, “Odao. Te pris dabe, me Livai dabe, me te dago we bidi tigidali te Godigo po odisąbo bidi hani bage digibulude me bidibeo. Menio. Augwaligo te Kenan dabe, me Hit dabe, me Peres, me Jebus, me Amon, me Moap dabe, me Isip dabe, me Amor dabe, te tama hani dabego ebo dwai kolesaga wali pobao,” wai.

Esra 9:1 Referans Kwoze

Nehemia 9:2

Te we bidi augwaligo te Israel hani isąwai hani bidi dali kisasa bilali kolesaga te tagalali. Tama augwali dolalu, te augwa sęgę me, te augwa wąį nǫų dabego sęgę me pusali.

Ma Dobola Sali 33:16

Ma, nage da dali pisąwani da, te gasa bidi hani augwaligo mena tama te nago ena me, te naga we bidi dabe dali, godolo ebo te koneaibawe? Tiali goli, nage da dali pobaso da, teda te gasa bidi hani augwaligo koneama, te da we bidi te gasa we bidi hani tigidali tiwai meni, da te gasagi yai bage mu da waibao,” wali.

Jeremaia 26:16

Jeremaiago po ola silibo si da, teda te tobolu bidigo, me te tigidali we bidigo te pris dabeba me te profetba te tiwai po wali, “Te bidigo te dago God Genuai Bidigo nogide te po pusalio. Agai dwai sę me elalubeo, tama tialima, dago aga me ela mugobe dao,” te po wai.

Jeremaia 26:10

Te sogo Juda tobolu bidi dabe te kingo bede bidalu, te sę yali po odalio. Tialima, augwali hogodasa pelama, te Genuai Bidigo beba ugwa holali. Tama augwali te augwa bulu pesagede dugawali, te nogi Gesi Sunumi da wabo sunumi pąde elaluai dao.

Aisaia 52:11

Dage tigidaligo te Babilon tagalama, asiąo. Te bugagia dua dao, tiyu dage te God gedude wiegi yai isąwani naide pania sabuo. Dage te hanigo te pou dis dabe, me pou dabe, te Genuai Bidigo bede nai sela paibao, dagego duga digi te God gedude wiegi yai pedalubo kolesaga wali pao. Dage tigidali te magi meda meni yai bidama, asiąo.

Godigo Nogi Ugwaba Sabo Tęąbi Po Wabo Buku Dabe 106:35

Te Israel dabego te Godigo po odisąwani hani bagede we sali, tama augwaligo ebo dwai kolesaga wali palio.

Nehemia 4:3

Te bidi Tobia te Senbalatgo te po wabo sogo te pąde dolaluali. Tama Tobia te tiwai po wali, “Tagalao, te augwa nigimainu ilao. Tiali goli, augwaligo te obo banis bomonama me dulalubaso, usu me egobeo. Te uni yowi me deli te daiba ugwadu samanobaso da, te obo banis tigidali gisigasa dulaibao,” wai.

Tuni Bidi Dabego Po Elalubo Buku Si 33:2

Manase agai wiegi yai kolesaga wali pabeo. Menio. Agai te tǫde polobadu bidali te we bidi hanigo dwai dwai haniani kolesaga wali pali, te Genuai Bidigo augwali sela sąnama tama te tǫ Israel dabebolo mawai dao. Manase agai te hanigo kolesaga wali pelama, agai Genuai Bidigo gedude dwai kolesaga mu yali.

Te Israel me Juda Hani Sigo Tuni Bidigo Po Elalubo Buku Deli 11:1

Solomongo te gasa bulu we dabe hauwa te wei eyu, godolo homu yai. Agai te Isip king bidigo wegi sali, tiali goli agai te gasa bulu te Moap, me Amon, me Idom, me Saidon, me Hit, te tama bulu we dabe me te sali.

Bomai Po 18:9

Tama Mosesgo po geninama weyu, te po wali, “Dage te Genuai Bidi dago God agai dage mawainogo yali te buluba sabalobo sogo da, teda dagego te bulu we bidigo ebo dwai kolesaga konea siyu, mu wali me pelamuo.

Israel Hanigo Namba 23:9

Ena te masigi bulu du te bulu dude dolaluyu, eno augwali suali. Ena ugwadu bidiyu suali, te we bidi augwali tedali bugagia bidibo suali. Godigo augwali bugagia tau siyu, tama augwaligo koneani, augwali gasa we bidi hani dali deli menio homu yalio.

Pris Sę Ebo Bomai Po 18:3

Te mu tama, dage Isipde bidaluyu, tialima dagego te Isip dabego kolesaga wali pigio. Te megi eno dage Kenan tǫba odasa painogo ebao, tialima dagego te Kenan dabego kolesaga wali pelamuo. Dagego te augwaligo tama tiao wabo po dabe wali me pelamo dao.

Ma Dobola Sali 23:23

Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.

Ma Dobola Sali 13:5

Tama Genuai Bidigo dago wąį dabe dali po dąų olama weyu, te Kenan dabe augwaligo tǫ, me Hit bidi dabe, me te Amor dabe, me te Hivi, me te Jebus dabe, te bidi hani augwaligo tǫ dage mawaibao. Te tǫ wiegi yai mu, tama ili hauwa elalubao. Tama Genuai Bidigo dage te tǫba odasa pabo sogo, dagego te Bo Disiąwai Nai Bret tuali te genuai side tigidali kibu be e Abip nogi wabo poluade te sę wali piąo.

Tigidali Nai Gagalama Nigali Side 15:16

Te nago wąį dabe augwali te e tǫba polo ma asogobeo. Te megi ede bidalubo Amor hani augwaligo te dwai kolesaga hauwa me isiąbadi. Te nosali mu te Amor hani augwaligo dwai sę ela silai digi, teda eno augwali dolobo sę elama, tama augwali ela gudulaibao. Tama te sogo, nosali mu, te nago wąį hani dabe augwaligo wąį hani dabe tama pedalubode, te sogo augwali ma begasa aselama, e tǫde bugagia bidaibao,” Yawego te po wai.

Nehemia 4:7

Tialima, Senbalat de Tobia si dali, te Arap dabe, me Amon, me Asdot dabego te tiwai po odali, dago te Jerusalem masigi obo sę bugagia mu ebo wali, tama dago te obo banis te alua degasa dulali te tigidali badu ma nigali po wai. Tama augwaligo te wado po umabo mu olama,

Nehemia 13:23

Te sogo me eno te tiwai konea pali, te Juda bidi mebago te tǫ Asdot pedai we dabe, me Amon, me Moap we dabe sai.

Malakai 2:11

Polobadu te Juda dabe me Israelgo te Godiba po dąų weyu, te augwaligo agai po wali paibao po wali. Tiali goli, augwaligo te dąų wali po bolalio, tama augwa te dwai sę mu me deli yalio. Te bidi dabego te tibo godiba lotu wabo gasa hani we dabe salio. Tama te tiali kolesagade augwaligo te Genuai Bidigo be meda mu ilalio.

Israel Hanigo Namba 25:6

Moses te we bidi dabe dali augwali te Godigo ugwa be sunumide bidiyu, gela odubadi yaide, tama augwaligo suali, te Israel hani bidi me deligo te Midian we me deli odasa, aga ugwa be tomoba odasa soabo suali.

Bomai Po 7:1

Te Mosesgo po geninama weyu, te po wali, “God dago Genuai Bidigo dagebolo megi sainogo ebo te tǫba odasa paibao. Tama agai te bidi hani hauwa te tǫde bidibo bidi hani sela sąwaibao. Dage tǫba pabo sogo, agai te a naga olama si, te 7 bidi hani sela sąwaibao, te tǫde bidali bidi hani. Te bage augwaligo bomogo da, dagego bomo edelai bage dao. Te hani te Hit, me Girgas, me Amor, me Kenan, me Peres, me Hivi, me Jebus, te tama hani dao.

Bomai Po 23:8

Augwaligo hani wąįgo waidu gagalasa, augwali te Genuai Bidigo we bidi hani tomoba asobo te usu yaibao,” Mosesgo te po wali.

Josua 23:12

“Tiali goli, dagego te dena God tagaliyu, tama dage te hwįbode isiąwai gasa hani we bidi te dage tomode bidalubo bage dali sisinama, tama dagego augwali dali we si ebaso da,

Tuni Bidi Dabego Po Elalubo Buku Si 8:7

Te kantri Israelde te gasa bulu we bidi me bidali. Te augwali te Hit hani, me Amor hani, me Peres hani, me Hivi hani, me Jebus hani augwali dao.

Esra 10:2

Tialima Sekania, te Jehielgo ogwa te Elam hani, aselama, te tama po Esrabolo wagasali, “Mu tama, dago te Godigo po sela sąyu, dago te bulu badu Godigo po odisąbo hani we dabe sali sogo tama tiali, tiali goli dago te dwai sę kolesaga tagalabo sunumi te elalubao, te tama tibaso, te Godigo da me dologobeo.