Esra 6:8 - Godigo dwagi yai po buku

⁸ Tama tialima, eno megi po bomo elama, dagebolo obao. Dagego augwali te be sę ebo sę tau siąo. Dagego te sę ebo bidi dabe maiabo mone dodoliyu, tama augwali te sę yabo nai dabe abelainu ebaso da, teda dagego mone augwalibolo polo mayu yao. Dagego te mone te duga te wę Yufretis u badu provins dabede bidibo bulu bidi hanigo te mubo takis mone selama, tama te sę yao. Dagego te tama tiyu da, tama te sę me tulalugobeo.

Esra 6:8 Referans Kwoze

Esra 6:4

Augwaligo te be daga dabe te tiwai nigao wali. Augwaligo te masigi ugwaba pesage nani ilibo sela holoyu, tama te masigi muani daide te bǫ nami nani deli muao wali. Augwaligo te tama tede holodubadi gęnama, tama te dąį igulaboba usu nigulao po wai. Tama augwaligo mone te kingo mone sabo bede selama, tama te be sę yabo tigidali nai me abeliyu, tama te sę ebo bidi dabe mone mayu yao po wai dao.

Hagai 2:8

Tama te silva me, tama me te gol me, te nai dabe me te tigidali bulude muani nai me, te eno nai naga dao.

Esra 5:5

Tiali goli, Godigo te Juda tobolu bidi dabe tonaluali, tama te Persia gavman ofisa bidi dabego te augwaligo sę ebo me panibeo. Menio. Te ofisa dabe augwaligo konesiąyu, te augwaligo mena tama tegowe homu yali. Tama tibaso, augwaligo te pas asęnama, te king Dariusba toloyu, agabolo te tiwai po waliyu, te Juda dabego ebo sęde menagi egowe po wali.

Esra 4:23

Augwaligo te king Artaserksisgo pas selama, tama te selasa peyu, te gavman bidi Rehum me Simsai, tama augwa deli sę ebo bageba selasa pelama, tama augwaligo te pasde asęani po augwaliba nedalio. Te gavman dabego te kingo po odama, tama augwaligo te ami bidi dabe selama, tama asesa polo te Jerusalemba pelama, tama bomo eyu, te Juda dabego te sę tagalomainu ilalio.

Esra 4:16

Tama tialima, king, dago te tama po nagebolo wainogo ebao, augwaligo te taun dali te obo dali ma nigibaso da, teda nago te wę Yufretis e badu pedai badu te tǫ pedai ma tonalubo te usu me egobeo.” Te pasde po augwaligo tama asęna tolali.

Esra 6:7

Dagego augwali genama me panigio. Te Juda polalubo gavman bidi dali, te aga tobolu bidi dabe dali, augwa te Godigo be te polobadu sę yaluali madi ma sę emainao.

Esra 6:9

Te Juda pris dabego dagebolo te magi nai augwaligo dagebolo te dagalude bidibo Godiba ofa yabo nai mao po obaso da, teda dagego augwaliba te tigidali sogo maiąo. Te augwaligo te bulmakau ogwa bidi, me te sipsip, ma te sipsip wai ma wit, me te tamu dabe, me ma te wain, ma te oliv ni du wel me, te sabo homu wei ebaso da, teda dagego augwaligo te ofa emainu maiąo.

Esra 7:14

Ena dali, te enaba wiegi yai homu konebo kolesaga ola mabo bidi te a naga olama, me si, te 7 bidi, dago nage tagala palama, te nago Jerusalemde bidalubo we bidi, me te Juda tǫ pedai gasa badu bidibo we bidi, te sugi pomainao wali. Nago te Godigo bomai po elalubo buku tolalubao, tama tiyu, nago te we bidi dabego te bomai po wali pabowe naga te nago sugi pao.

Nehemia 11:23

Kingo te bomo yai po me deli muyu, te mena mena hanigo te tigidali side Godigo be tomode musik elibo sę tonaluabo bidi nidigili pai dao.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Esra 6:14

Tama tibaso, te Juda dabe tobolu bidigo te Godigo be sę ebo sę te bugagia dolasa mu yalio, tama profet Hagai me profet Sekaraia augwali sigo te augwaliba wiegi yai po weyu, te augwali sę bomo emainu yai. Tama augwali te sę ela pidubadi genama, te be sę siligi paboba usu nanio, te augwa Godigo wali po tiwai gilama yali, tama Sairus, me Darius, me Artaserksis, te Persia tǫ pedai king bidi sela, augwaligo me te tiwai bomai po wai dao.

Nehemia 2:8

Tama eno kingba te Asapba te pas me deli asęa mao po hanalu wai, te bidigo te kingo ni sili elalubo tǫ tonaluai. Te pasgo agabolo te po waliyu, te pedabo ni nami meba enabolo mao wabo po pas asęani. Te ni nami dabego te Jerusalem moni masigi obode sunumi dabe nigiyu, te ami bidi dabego te Godigo tempel be tonalu bidabo bomai be obo sunumi, te me nigabo ni nami sao po wabo pas asęai, tama eno be sę yabo ni nami me dao. Tama God ena dali bidiyu, tama ena tau sai, tama tialima, kingo eno te hanalu wali nai dabede te usu da po walio.