Esra 5:2 - Godigo dwagi yai po buku

² Serubabel, te Sealtielgo ogwa, me te Josua, te Jehosadakgo ogwago, te profet sigo ebo sę po odolama, teda augwali sigo te bidi dabe selama, tama augwa te Godigo tempel be Jerusalemde ma sę ebo gagalali, tama te profet sigo augwali tau salio.

Esra 5:2 Referans Kwoze

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.

Esra 6:14

Tama tibaso, te Juda dabe tobolu bidigo te Godigo be sę ebo sę te bugagia dolasa mu yalio, tama profet Hagai me profet Sekaraia augwali sigo te augwaliba wiegi yai po weyu, te augwali sę bomo emainu yai. Tama augwali te sę ela pidubadi genama, te be sę siligi paboba usu nanio, te augwa Godigo wali po tiwai gilama yali, tama Sairus, me Darius, me Artaserksis, te Persia tǫ pedai king bidi sela, augwaligo me te tiwai bomai po wai dao.

2 Korin 1:24

Te dagego Kraisde konealubo po dąų olama, agaba homu tialubo te dago tonalubo tiwai me egobeo. Menio. Te agaba tialubo kolesagade dage bomo elama dolalubao. Tama dago sę dage dali eyu te dagego wiegi yai homu pemene ebo te pedalomainogo tebo dao.

Sekaraia 6:11

Tialima augwaligo nagebolo te mani te silva me gol selama, tama nago kingo hadi me deli geselao. Tama nago te hadi sela pelama, tama nago het pris Josuago toboluba buligi pao, te Jehosadakgo ogwa dao.

Esra 10:18

Te bulu badu we dabe sali pris dabego nogi e tiwai dao, Masea, me Elieser, me Jarip, me Gedalia. Augwali te Josuago hani da, te Jehosadakgo ogwa, te bidalio.

Hagai 2:18

Megi e 9 polua, dei 24 wabode, te dagego te tǫ dodola silama, tama eno be sę ebo sę yaibao. Tama teyu, te megi dagego suao, eno homugo te eno dwagi yai sę dage dali yaibao.

Esra 1:8

Tialima, king Sairusgo te nai dabe te Mitredatba mani, te kingo mone mubo be tonalubo bidibolo menama, tama Mitredatgo te augwali nedelama, tama te Sesbasarba mani, te Juda dabe augwa tonalubo polalubo tobolu bidi dao.

Esra 3:8

Tama tialima, te polua 2 mun, te si wabo kibu bede te nosali augwali te Jerusalemba ma aselama, augwaligo te Godigo tempel be sę ebo ma gagalali. Te tobolu bidi Serubabel, me pris Josua, tama augwa si abagi dabe tigidali, te augwali pris, me Livai, tama tigidali bidi augwali te Jerusalemba ma aselama, augwaligo te sę hodolama yali. Tama augwaligo te Livai hani bidi dabe te kibu be bidi sese deli, te 20 yia yali bidigo te sę tonalubo bidi nigilali.

Sekaraia 4:4

Eno sulama tama eno enselbolo e tama po hanalu wali, “Genuai Bidi, eno te suali nai page magi nai mu dawe?”

Sekaraia 4:14

Tialima agai te po wali, “Te da, te Genuai Bidigo bidi si tigidali tǫde genuai bidi si te tǫde agai sę emainu magi ilai bidi si tiwai dao, te augwali si tobolude wel gelama, magi ilai bidi si tiwai dao, te agai sę emainogo,” te ensel bidigo te po wali.

Sekaraia 8:9

Te Tigidali Bomo Elalubo Genuai Bidigo e po me wali, “Dage dilibi budulama, sę bomo yao. Te eno be sę hodolobo sogo, te eno po pusubo bidi profet dabego eno po pusali. Augwaligo pedauwalide wali po homu kone palao. Tialima, megi me te tobage deli po naga odobao.