Esra 4:5 - Godigo dwagi yai po buku

⁵ Augwaligo te Persia gavman bidi dabeba mone mani, te augwaligo homu augwaliba muagaselama, te Juda dabego sę dolomainu wialubo tiwai yalio. Augwaligo te kolesaga yali te king Sairus bidibo sogo tiali, te bidada pali te king Dariusgo aga hasegelama, te king pedalubo sogoba usu nanio.

Esra 4:5 Referans Kwoze

Nahum 1:11

Dage Ninive bidi dabe me deligo te dwai homu kolesaga elalu, tama agai te Genuai Bidiba dwai sę yabo po mianio.

Esra 5:5

Tiali goli, Godigo te Juda tobolu bidi dabe tonaluali, tama te Persia gavman ofisa bidi dabego te augwaligo sę ebo me panibeo. Menio. Te ofisa dabe augwaligo konesiąyu, te augwaligo mena tama tegowe homu yali. Tama tibaso, augwaligo te pas asęnama, te king Dariusba toloyu, agabolo te tiwai po waliyu, te Juda dabego ebo sęde menagi egowe po wali.

Esra 4:24

Polobadu te king Sairus bidali sogo, te boi bidi dabego te Juda dabego sę dolobaso, tama te Juda dabego te Godigo tempel be sę yali te tagalali. Tama te be sę olo elaludubadi, te Persia tǫde te Darius te king bidi pedelama tama bidiyu, te si wabo kibu be, teba usu nagasali.

Tuni Bidi Dabego Po Elalubo Buku Si 22:4

Tama agai Genuai Bidigo gedude dwai kolesaga yali, te Ahapgo hanigo ebo kolesaga tiwai mu tama yali. Magi baso meni, aga isai tudi badu agai te Ahapgo hani bidi aga kolesaga ola momainu sali. Tama agai augwaligo dwai kolesaga wali peyu, te dwai kolesaga tama yali.

Esra 4:4

Tialima, te tǫde sesabi gana elama bidali bidi dabe, augwaligo te Juda dabe wi elama, te augwa haliga dwai ebaso, te sę tagalomainao wabo sę usu salio.

Esra 4:6

Te king Darius isai madi, tama Serksis te bidi te Persia bidi dabego king bidai. Tama te sogo te boi bidi dabego te pas me deli asęnama, tama te Jerusalemde bidibo we bidi dabe me, te Juda gasa badu bidibo bage me, po tų ilai dao.

Daniel 10:13

Ena polo asainu homu yai, tiali goli te bulu tǫ kantri Persia tonalubo dwai enselgo te ena geąlubadi, te dei tolaluai. Agai te tama tiali, tama te polalubo ensel me deli, Maikel, te ena tau sagasu asainu yali, magi baso meni, agai te enaduba deli naga te bulu tǫ kantri Persia king dabe dali bidibo suali, tama ena tau sabo bidi me meni yai.