Esra 4:1 - Godigo dwagi yai po buku

¹ Te Judago hanigo me Benjamingo hanigo boi bidi dabego te Israel dabe te Jerusalemba ma aselama, tama te augwa God Genuai Bidigo tempel be ma sę ebo wabo po odali.

Esra 4:1 Referans Kwoze

Esra 1:11

Te tigidali dis gol pou me, silva dali, te gasa nai dali deli taluyu, te namba e dao, 5,400 dao. Tama Sesbasargo te nai doado bage dabe sali, tama aga dali te gasa Israel bage dali augwaligo te bulu Babilon tagalama, te Jerusalemba soali sogo, tialima augwaligo te nai dabe selasa peyu pai dao.

1 Korin 16:9

Magi baso meni, Godigo eno sunumi dalobaso, tama eno te we bidi hauwa te Godigo po wali pomainogo tau sabo sę genuai elalubao. Tama ena dali boi bidi homu ebo bidi dabe me hauwa ede elalubao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Daniel 5:13

Tama tialima, augwaligo Daniel te tomoba sela aselama, tama aga te king pąba doligi pali. Tama kingo agabolo te tama po wai, “Nage Daniel, nage te Juda bidi me deli da, agawe? Nage te eno wąį king Nebukatnesargo polobadu sela asali hani bidi me deli da homu ebao.

Esra 10:16

Te bidi me si me sigo naga te usu egobeo, tiali goli tigidali gasa bidigo te usu da olama, te sęgę dodolabo polalubo bidi meba nigilao wali. Tama tialima, Esrago te tobolu bidi nigilama, te augwali nogi buku me delide asęani. Tama te nogo si polua dei delide, augwali te bulu badu hani we dabe sali bidi dabe te asomainu gagalama i wali, te augwali aselama, te sęgę dodolagasomainogo yalio.

Esra 10:7

Tama te Juda polalubo bidi dabe, me te tobolu bidi dabego te bidi meba tagala palama, te Jerusalemba ma asali bidi dabe, me te Juda meba bidi dabe te sugi pomainu yai. Augwaligo te bidi dabeba te tiwai po wali, “Te sela sogo silisąma, te elalubadi tama dage te Jerusalemba sisinagasao,” wai. “Tama te bidi me deli sabalisiąbaso da, teda augwaligo te agai doado bage tigidali te augwa selama, tama te tempel be sę eboba munama, tama agaduba digi naga te da Israel hani we bidi tomode sela sąwaibao,” te po wali.

Esra 6:16

Tama tialima, te pris dabe me, te Livai dabe me, tama gasa Israel we bidi tigidali te Juda tǫba ma asalio, tigidali te wiegi yai homu pemene elama, tama te be te Godigo be da olama, te tedali gasagi yai be sa muai dao.

Esra 3:13

Te i hai weyu gela wali te genuai mu pedelama, tama te digibulu bidali bidi dabego te odabo usu yai. Tiali goli, augwaligo te bidi dabego te homu dene eyu, te gela wabo, ma te wiegi yai homu pemene eyu i hai oba, te homu me egobeo. Augwaligo te genuai posolu kulukulu wabo naga odai dao.