Esra 3:10 - Godigo dwagi yai po buku

¹⁰ Te sę bidi dabego te genuai masigi dabe te Godigo be daga pagede mubo sogo da, teda te pris dabego te prisgo ugwa gudulama, tama te biugel selama, tama te sę ebo pesageba dolagasalio. Tama te Livai te Asap hani me aselama, augwali dali dolagasali. Tama tigidali bidi deli deligo te kapa pou si te musik ebode elainu tola sesa pali. Tama augwa te king Devitgo asęani po wali pelama, tama augwa te Genuai Bidigo nogi ugwaba sai dao.

Esra 3:10 Referans Kwoze

Sekaraia 4:10

Augwaligo sę polo siligi pisąma ebo suali, tama tibaso augwali homu sęgę yali. Tiali goli augwaligo Serubabelgo te be sę dodolabo ain yai string tolama, tama eno be sę gagalobo sulama, tama augwali wiegi yai homu pemene mu yaibao,” wali. Tama ensel bidigo enabolo e tama po wali, “Te nogo a naga olama me badu nogo si, te 7 lam te Genuai Bidigo gedu magi iliyu te yali dao. Agai tigidali tǫ sese tama subo dao,” wali.

Tuni Bidi Dabego Po Elalubo Buku Si 35:15

Tama te Asap hanigo Livai dabe, augwali te tęąbi po weyu me musik eliyu ebo bidi dabe dao. Augwali te Genuai Bidigo be tomode augwa dolobo pesagede dolaluali. Te polobadu te king Devit, me Asap, me Heman, me Jedutun te kingo profet te Asap hanibolo ya wali gilama tama tiali. Tama te Livai dabego te Genuai Bidigo tempel be sunumi tonalubo sę elaluali, augwali te deli deli sunumide dolalua pali, te Genuai Bidigo bede. Te hani augwaligo te sę ebo pesage taga pabeo. Magi baso meni, te meba Livai dabego augwaligo nai dabe dola mubaso.

Tuni Bidi Dabego Po Elalubo Buku Deli 23:5

Tama te me 4,000 bidigo te Genuai Bidigo be tonalubo bidi bidao, te gasa 4,000 bidigo te Genuai Bidigo nogi ugwaba sabo tęąbi wabo wiegi yai musik omainao. Eno te musik wabo haniani nai dabe nigali, tama augwaligo te nai dabe selama te musik elebo sę emainao,” Devitgo te po wali.

Tuni Bidi Dabego Po Elalubo Buku Deli 16:42

Heman de Jedutun sigo te biugel eliyu, te brasgo nigai pletba elali, te gasagi yai musik dabe te lotu tęąbi wabo sogo elalio. Tama te Jedutungo ogwa dabego te Gibeonde elaluali Genuai Bidigo sel ugwa be sunumi dabe tonalubo sę yalio.

Tuni Bidi Dabego Po Elalubo Buku Deli 16:37

Devitgo Asap aga deli hani dabeba dali te sę mayu, te Genuai Bidigo Dąų Wali Bomai Po Muani Halobage pagede bidao wali, te deli deli side lotu wabo tonalumainu yali. Augwa te sę sesemane sogo tonalumainu yai dao.

Tuni Bidi Dabego Po Elalubo Buku Deli 15:27

Devitgo te bobobage aiyaba tagalalubo ugwa augwaligo te gasa sawi yai nami ugwago nigai ugwa au yalio. Te Dąų Wali Bomai Po Munalubo Halobage tolobo pris dabe me te musik wabo prisgo me, te Kenaia, te sę tonalubo bidi, tigidaligo te Devitgo gudali ugwa au yali tiwai tobage au naga yalio. Te bobage ugwa daide ugwadu, Devitgo te prisgo gudubo nami ugwa me deli te muani, te augwa gasa sawi yai nami ugwago nigai dao.

1 Samuel 22:18

Tama tialima, Solgo te Doekbolo weyu, “Nage pelama, augwali ela mugi pao,” wali. Tialima, Doek pelama, te pris dabe tigidali ela muani. Te side agai te Genuai Bidigo pris bidi dabe te bidi sese me si me si olama, a naga, te 85 bidi elali, te bidi dabe augwali te prisgo gudubo ugwa mumainu nigilali bidi dabe dao.

Esra 5:16

Tama tialima, Sesbasar te Jerusalemba ma aselama, tama te be sę ebo sę ma gagalali, tiali goli te sę silibeo. Tama dago te sę megi tama tebode idubao,’ po wali.

Godigo Nogi Ugwaba Sabo Tęąbi Po Wabo Buku Dabe 150:5

Te simbol eliyu, tama te aga hwą ola peyu, tama te Genuai Bidigo nogi ugwaba sao. Te simbol bomonama weyu, te hwą wabo genuai pedaliyu, tama te hwą wabogo Genuai Bidigo nogi ugwaba siąo.

Hagai 2:15

Genuai Bidigo e tama po wai, “Dagego te duga tigiba polobadu pedelali sę te dagego bugagia ma kone palao. Te sogo dagego te eno be tomode sę gagalama, tiali goli dagego te sę ebo tagalali.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Sekaraia 4:7

Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Sekaraia 6:12

Tama nago agabolo e tama po walao, ‘Tigidali Bomo Elalubo Genuai Bidigo te po wali, Te Bidi Ni Abu wabo bidi aga bidibo pesagede wiegi yai mu pedelaibao. Tama agai eno be ma sę yaibao.

Sekaraia 7:3

Tama augwaligo te pris dabe me profet bidi dabebolo e tama tiwai po hanalu wainu pali, “Genuai Bidigo be dolai elalubadi kibu be hauwa mu pali dao. Tama dago agaba me gela udubao. Tama dago tigidali a naga poluade nai habu selama gisilabo po bodolu muyu yalio. Tialima dago me tama tiduaiba, agawe?”

Tuni Bidi Dabego Po Elalubo Buku Deli 25:25

Te namba 18 wagisu augwaligo te Hanani aga ogwa dabe me aga deli hani dabe dali dąį ilali.

Tuni Bidi Dabego Po Elalubo Buku Si 35:14

Tama nosali te Livai dabego augwa kibu mi dodola muyu, me Arongo hani pris bidi dabego kibu mi dodola muyu yali. Te pris dabe augwa digi augwa kibu mi dola muabo usu meni yai. Magi baso meni, augwaligo te ofa ebo kibu mi me ili te uludubadi te giliga dega saboba mu usu nigi pali.

Esra 2:41

Te Godigo tempel bede musik wabo hani bidi dabe augwali te Asapgo hani bidi te 128 bidi bidali.