Esra 10:6 - Godigo dwagi yai po buku

⁶ Tama Esrago te Godigo be sunumide bidali tagalama, tama te Jehohanango be habu tomoba pali, te Eliasipgo ogwa da. Tama aga te be habude bidiyu, tama aga te Israel dabego yali dwai kolesagade homu dene ebaso, tama gela hauwa mu wali. Tama te sogo aga nai me wę me tubeo.

Esra 10:6 Referans Kwoze

Bomai Po 9:18

Tama deli sogo ma deli ena Genuai Bidi pageba pelama, tama ena gesabidi tǫ aiyaba ilama, pila muani. Ena pila mudubadi, te giligade me hulide te bidi sese si 40 dei tama yali. Tama eno magi nai me wę me tuai menio. Eno te tama tiali, magi baso meni, dagego Genuai Bidigo gedude dwai kolesaga elama, agabolo sęgę selama, tama aga sębę ilai baso.

Nehemia 12:22

Te polalubo pris bidi Eliasip, me Joiada, me Jonatan, me Jadua bidali sogo, augwaligo te pris dabego tobolu bidi dabe nogi te buku me delide asęai. Augwaligo te tama tede asali te king Darius te Persia king pedelali sogoba usu nagasai. Tama augwaligo te Livai dabego tobolu bidi dabe nogi me asęani, tialima te bukude te Juda tǫ pedaide yali sę dabe po dodolama asęai. Tiali goli, augwaligo te tiwai ela asidubadi, te polalubo pris Jonatan bidali sogoba usu nagasai, te Eliasipgo wąį te ogwa, tama nosali augwaligo munu me asębeo.

Nehemia 3:1

Tialima, tigidali bidigo te Jerusalem moni masigi obo ma geselebo sę gagalali. Polalubo pris Eliasip dali, te gasa pris dabe dali, augwaligo te obo dage me badu te augwaligo te Kibu Sipsipgo Sunumi nogi poali, te badu te obo nigibo sę yali. Augwaligo te sę silama, tama augwaligo te me badu obo dage sa muyu, te Godigo masigi obo mu da olama, te lotu po wai. Tama nosali augwaligo te sunumi palibo sunumi dabe muani, augwaligo te nogi te Kibu Sipsipgo Sunumi dao wali. Tama augwaligo te obo ugwanu holama nigali te usu nigulali, te Bidi Sese A Naga te 100 Tonalubo Bidi bobobage beba peyu nigali, tama te Hananelgo Tauaba usu nai, te bobobage be mu dao. Augwaligo silama, tama te Godigo obo da olama, te lotu po wali.

Daniel 9:3

Tialima, eno gedu haluasa po te God Genuai Bidiba wabo gagalali. Eno haliga hobede mu yali, tama eno nai munu me tusiąma, tama eno te homu dene ebo ugwa bea selama, tama sia keli eno tigide muani. Ena te tiwai bidiyu, tama eno gedu haluasa po bomonama te Genuai Bidiba wali.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Jopgo Po Asęani Elalubo Buku 23:12

Tama eno agai te tiwai ya wali po me sela sąbeo. Menio. Eno agai enabolo mani po wali peyu yai dao. Agai po pusu mu elama, tigidali deli deli sogo tuabo naigo pusu edelalio,” wali.

Nehemia 13:28

Joiada aga te polalubo pris Eliasipgo ogwa. Tiali goli, te Joiadago ogwa me deligo te gasa bulu tǫ pedai we me salio. Te we te Senbalatgo wegi dao. Tama eno te Joiadago ogwa sela sąnama, tama eno aga te Jerusalemba bidimainogo me ebeo.

Nehemia 13:5

Eliasipgo Tobia te genuai be habu me delide bidimainu ilali, augwaligo te ofa yabo wit sisinani madi nigilai, tama te wiegi yai denami pedalubo pauda hano elalubo digi, te Godigo bede sę ebo doado bage mubo madi, te we bidigo ofa te pris dabeba mabo me, te nai dabe me wain, me oliv wel, te we bidi dabego Godiba mabo te pesage habu me deli te nigilali. Godigo te nai dabe te Livai dabe, me te musik wabo bidi dabe, me te Godigo be tonalubo bidi, te augwaligo tuabo nai te nigilama, sa muai.

Nehemia 12:10

Josua te Joiakimgo aya, tama Joiakim te Eliasipgo aya, tama Eliasip te Joiadago aya dao.

Nehemia 3:20

Tama Baruk, te Sabaigo ogwa, dali te gasa Livai dabego dali te obo banis sę ebo te Esergo hani sę ebo pąde sę wadolama yali. Augwaligo bomo eyu, te obo sę ela pali, te polalubo pris Eliasipgo be sunumi elaluali pąba usu nigi pai dao.

Esra 10:1

Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.

Esra 9:4

Ena dugulaludubadi, te pio ofa eboba usu nanio. Tama te we bidi dabego koneani, te da Israel dabego Godigo te dwai sę ebo we bidi dabeba te haliga sębę ebao weyu, tama augwali wi dwai mu yai. Tama hauwa te ena dulalu bidibo madiba aselama, sisinagasalio.

Ma Dobola Sali 34:28

Tama Moses te Genuai Bidi dali te bulu dude te bidi sese si, 40 sogo bidai. Tama agai nai deli me, ąį me, te me tubeo. Mu menio. Tama Genuai Bidigo te bomai po te Mosesgo te sela holali masigi side asęai. Te po te Godigo bomo yai nogo si po dabe dao.

Esra 10:7

Tama te Juda polalubo bidi dabe, me te tobolu bidi dabego te bidi meba tagala palama, te Jerusalemba ma asali bidi dabe, me te Juda meba bidi dabe te sugi pomainu yai. Augwaligo te bidi dabeba te tiwai po wali, “Te sela sogo silisąma, te elalubadi tama dage te Jerusalemba sisinagasao,” wai. “Tama te bidi me deli sabalisiąbaso da, teda augwaligo te agai doado bage tigidali te augwa selama, tama te tempel be sę eboba munama, tama agaduba digi naga te da Israel hani we bidi tomode sela sąwaibao,” te po wali.

Godigo Nogi Ugwaba Sabo Tęąbi Po Wabo Buku Dabe 102:4

Godigo ena elalubo, te bidigo wa pai nosa agabo tiwai yali. Tama eno haligago te nai tuabo wei me ebeo.