Esra 10:1 - Godigo dwagi yai po buku

¹ Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.

Esra 10:1 Referans Kwoze

Daniel 9:20

Ena Daniel, eno gedu haluasa po odubadi, tama ena sęgę, me eno we bidi dabego sęgę, te hania pusubo sę yali, te Israel dabe dao. Tama eno Godiba hanalu wali, ena Genuai Bidi, te aga be te bulu dude ma sę emainu yali.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Polgo Po Pas Rom Dabeba Asęani 9:2

E tiwai dao, eno homu sęgę mu elama tama sesemane sogo ena dwai dene ebo dao. Magi baso meni, te eno hani Juda bage augwali meba hauwago Krais tudiba muanio.

Te Israel me Juda Hani Sigo Tuni Bidigo Po Elalubo Buku Deli 8:30

Genuai Bidi, nage te naga bulu te dagalude bidibao. Tiali goli, te ena nago sę ebo bidi me te Israel dabe, te naga we bidi hani dabego, te beba tonalu, te nageba gedu haluasa po obaso da, teda nago dago te gedu haluasa po wabo odolama, tama te dago sęgę sela sąyao,” po wai.

Dwagi Yai Gesi Po Lukgo Asęani 19:41

Te Jisas te Jerusalem moni be nani pąba asiyu, te be nani suyu, agai te be nanide bidibo we bidide homu dene eyu, gela wali.

Nehemia 8:9

Te we bidi dabego te bomai pogo wabo po odolama, tama augwali haliga sęgę mu elama, tama augwa gela walio. Tama te polaluali gavman bidi Nehemia, me pris Esra, tama te Livai dabego te we bidi augwaliba te tiwai po wali, “Megi te dago Genuai Bidi Godigo te genuai bodolu muai side dao. Tama tiyu, dagego te homu dene eyu, gela weyu me igio,” wali.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Nehemia 10:28

“Da Israel we bidi dabe dago te po dąų walobo kontrak po asębao. Da te pris dabe, me Livai dabe te Godigo tempel be tonalubo bidi, tama te Godigo bede sę ebo bidi dabe me, te Godigo bede musik wabo bidi dabe, tama te tigidali gasa we bidi dabe me, da tigidaligo te Godigo bomai po wali pelama, tama dago te bulu badu bidi dabe, te Israel hani isąwai bidi, te dago tǫ pedaide bidalubo bidi dali kisasa me biligobeo. Da te dena we dabe dali, tama te dago wai dabego dali me tama te poba olo bugagia munama, te koneainu yali,

Tuni Bidi Dabego Po Elalubo Buku Si 20:9

‘Genuai Bidi, te da dolabo sęgo da gegebaso, o te boi bidi dabego da dali hwįainogo asobaso, o nago da dene mobaso, o te dwai gasi genuai me pedalobaso, o genuai nasi ebo sogo pedalobaso da, teda da te be gesabidi badu te nago geduba dolagasaibao. Magi baso meni. Te be da, te da nage pąba asabo pesage mu dao. Tama dago te sęgę asoboba kone palama, tama dago gedu haluasa po weyu, nagebolo da tau sao po hanalu waibao. Te tama tialima, nago dago gedu haluasa po wabo odama, da ma oda saibao,’ dago wąį dabego te sogo te po wai dao.”

Hosea 14:2

Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Godigo Sęba Tagala Palai Bidigo Po 10:30

Te Korniliusgo te po wei ponoyu te po wali, “Te polobadu sela sogo polo walio, pioba poloba nai po sela wabode, eno Godibolo po weyu bidibadi, polo te bidi me deli ena pagede dolalubo suali. Agai ugwa ula genuai mu yali.

Tuni Bidi Dabego Po Elalubo Buku Si 20:13

Te Juda bulu bidi dabe me we wai dabe augwali Genuai Bidigo gedude doligiluali, te Genuai Bidigo tempel be pąde.

Bomai Po 31:12

Te bidi, me we, me wai, me gasa bulu bidi dagego hanude bidalubo sese tama i olama, tama dage sese tama aselama, te po odagameo. Augwaligo odama, tama Genuai Bidi dago God wi eyu, aga dologode bidimainao, tama agai tigidali bomai po bugagia wali pomainogo tama tiao.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Esra 10:6

Tama Esrago te Godigo be sunumide bidali tagalama, tama te Jehohanango be habu tomoba pali, te Eliasipgo ogwa da. Tama aga te be habude bidiyu, tama aga te Israel dabego yali dwai kolesagade homu dene ebaso, tama gela hauwa mu wali. Tama te sogo aga nai me wę me tubeo.

Nehemia 1:4

Eno te po odama da, teda ena duagulama, tama ena gela hauwa mu wali. Tama ena haliga sęgę me elaludu, tama si sela sogode eno te nai osogo habu selama, tama eno Godiba gedu haluasa po weyu iduali.

Nehemia 1:6

Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Josua 7:6

Josua te homu sęgę mu elama, tama aga gudali ugwa pisąwai. Tama aga te Genuai Bidigo bomai dąų wali po halobage munalubo pąba te aga gesabidi te tǫba degasa dulama, munaluai. Tama te Israel dabe tonalubo bidi dabe augwali me te Josua dali tǫba degasa dulama, tama augwali tede bididubadi, te giliga aiyaba dega sigi pai. Augwaligo homu sęgę ebo te sa muyu, te augwa tobolude te tǫ hogomu muanio.

Josua 8:35

Megi da, Josuago te Mosesgo asęani bomai po tigidali mu nedama, tama tigidali Israel we bidigo odai. Te we dabe sibi me, te wai puluba me, te gasa buludu aselama augwali dali bidibo we bidi, augwaligo me te nedali po odai.