Esra 1:2 - Godigo dwagi yai po buku

² Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Esra 1:2 Referans Kwoze

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Daniel 5:23

Nago naga digi naga nogi ugwaba sabo homu elama, tama dagalude Genuai Bidigo nogi aiyaba elaluabo homu yai. Nago te sę bidi dabeba olama, tama augwaligo te nago wąįgo te Godigo bede sela asali kap dabe seselama, tama nage dali, te naga genuai bidi dabe dali, me te nago we mu dabe dali, me te nago si wali hani we dabe dali, dage tigidaligo wain ąį te kapde tuali. Tama dagego te bidi dabego te gol, me silva, me bras, me ain, me ni, me masigi, te tama nai dabego nigali tibo god dabego nogi ugwaba salio. Te god dabego te tonono me bilisąyu, tama po me odisąma, tama te magi sę me konesiąwai. God deligo naga te nago bidibo ula, me nago ebo sę tigidali te tonalubao. Tiali goli, nago agai nogi ugwaba me sabeo.

Daniel 4:32

Tama te augwaligo nage sela sąnama, tama nage te we bidi dabe dali munu ma bidigobeo. Te nage bulu uni hasa dabe dali naga bidaibao. Nago te kibu bulmakau dabego nai tubo tiwai ela bilidubadi, te kibu be a naga olama, me nogo badu si yaibao. Te nage te tiwai bididubadi, ‘Te Ugwadu Mu Bidibo Godigo te tigidali we bidi tonalubo da,’ te tiwai homu konebo sogo usu naibao. ‘Te God aga homugo digi, agai te bidi dabe te king pedalumainu ebo dao,’ nago te homu yaibao.” King bidigo te po wabo odali.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 2:28

Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Daniel 2:21

Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Tuni Bidi Dabego Po Elalubo Buku Si 2:12

Megi dago God, te Israel dabego Genuai Bidigo, nogi ugwaba sinao. Aga digi dagalu dali tǫ dali si nigai dao. Dago agai nogi ugwaba sinao. Magi baso meni, agai wiegi yai wai ogwa king Devitbolo manio, te aga hasegelama king pedalomainogo. Te Devitgo ogwago wiegi yai hobolu du me kolesaga hauwa elalubao, tama agai Genuai Bidigo be me aga be si sę yaibao.

Te Israel me Juda Hani Sigo Tuni Bidigo Po Elalubo Buku Deli 8:27

“Tiali goli, God, te mu tama nage te tǫba bidagasainu homu ebo da, agawe? Dagalu te genuai pesage mu tama da, tiali goli te nage bidabo pesage te genuai me elalube. Tama magi baso te eno nago be sę yani te be te nago usu da waibawe? Te be usu egobeo.

Esra 1:5

Tama tialima, Godigo te Judago tobolu bidi dabe hani me, te Benjamingo hani me te homu hodoliyu, tama te pris dabe me, Livai dabe me, tama te gasa bidi dabe me, te augwali homu hodolama, tama augwa te Jerusalemba pelama, te Genuai Bidigo be ma sę igi pabo doado bage dabe sisi yai dao.

Esra 3:7

Te Sairus te Persia tuni bidi kingo te Israel dabebolo te ni bǫ dabe te Lebanon tǫde sao po usu da po walio. Tama te we bidi dabego te nai mayu, te ni oliv du wel me te augwa tobolu bidi dabeba menama, tama augwaligo te bidi dabe te taun Tair me Saidonba tagala palama, te Lebanon dabego ni bǫ abelimainu yai. Tama te Lebanon dabego te ni dabe te tamu węba munama, tama te tamu węgo tolasa aselama, te Jopa taunba homugi palio. Tama me, te Israel dabego te mone te tobolu bidi dabeba menama, te masigi togobo sę ebo bidi me te kapenda bidi dabe te monego abelimainu tiai dao.

Esra 4:3

Tiali goli, Serubabel, me Josua, me tobolu bidi dabego me, augwaligo te po augwaliba wali, “Dagego da te dena God Genuai Bidigo be sę ebo tau me sagasigio,” wali. “Dena digi sę yaibao, te king Sairusgo dabolo wali po gilama yaibao,” wali.

Godigo Nogi Ugwaba Sabo Tęąbi Po Wabo Buku Dabe 136:26

Tama tialima, dago te dagalude bidibo Godiba te usu da po waiyąo. Te sesemane bidada pabo sogo agai da wei mu ebo dao.

Aisaia 41:2

Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Aisaia 44:28

Tama eno te tiwai po wali, ena digi eno te Sairus te Persia bagego king tiwai nigilali, te eno homugo emainu ebo sę tigidali agai emainu homu yali. Agai te po obaso, augwaligo te Jerusalem ma nigaibao, me augwaligo eno be sę yabo sę gagalaibao,” te po wali.

Aisaia 45:1

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,

Daniel 6:25

Tama nosali king Dariusgo te tigidali bulu tǫ pedai we bidi dabe, me te tigidali haniba, me tigidali haniani po wabo hani we bidi te pas asęna tolalio. Agai te tama po wai, “Dage tigidali te bugagia bidiąo,” wali.

Jona 1:9

Tialima, Jonago po wei ponoyu, te po wai, “Ena te Hibru bidi hani, tama eno lotu po Genuai Bidibolo wabo da, aga te dagalude God dao. Agai te tamu ąį me, tǫ me nigai dao,” te po wai.

Esra 5:15

Tama kingo te Sesbasarbolo weyu, “Te nai dabe te Jerusalemba ma sela pelama, tama Godigo be te polobadu be sę yani madi tede ma sę yao,” po wai. Tama Sesbasargo te nai dabe te gesi sę ebo be tomoba muao wali.

Esra 6:3

“Te hasia polasa kibu be mude te king Sairus te king bidali sogode, agai te po weyu, augwaligo te Jerusalemde te Godigo tempel be daga page masigi dabe muyu, tama te be ma sę yao po wai. Tama augwaligo te siaba tigidali domainu ulubo ofa dabe me, tama te gasa tobage ofa dabe me emainao po wai. Te be daga bobobage ugwanu holali usu nama, te 27 mita, tama aga genuai usu nama, te me te 27 mita dao.

Esra 6:10

Dagego te tama tibaso da, teda te augwaligo te augwa dagalude bidibo Godiba te wiegi yai ofa ebaso, tama te agai wei eyu godolo homu mu yaibao. Tama augwa te Godiba gedu haluasa po weyu, te enaba me, te eno ogwa dabeba me, te bugagia bidimainu te tama tiaibao.”

Esra 7:12

“Ena te king Artaserksis, ena te tigidali bulu tǫ pedai hauwago king dao. Esra, nage te dagalude bidibo Godigo tigidali bomai po page koneai bidi da, eno nageba siade da po olama, te pas nageba asęani dao.

Nehemia 1:4

Eno te po odama da, teda ena duagulama, tama ena gela hauwa mu wali. Tama ena haliga sęgę me elaludu, tama si sela sogode eno te nai osogo habu selama, tama eno Godiba gedu haluasa po weyu iduali.

Nehemia 1:5

Eno e tiwai gedu haluasa po wali, “God, Genuai Bidi, nage te dagalu tonalubo bomai bidi da, tama da Israel dabe nage dologoba pelama bidibao. Nago te dąų wali bomai po te kontrak me deli da dali yali elalubao, tama dago nage godolo mu elama, tama nago po bugagia mu wali pobaso da, teda nago te dąų walali bomai po kontrak te me tagalisiąma, tama nago da godolo mu ebo dao.

Godigo Nogi Ugwaba Sabo Tęąbi Po Wabo Buku Dabe 85:2

Nago naga we bidi dago dwai sęgę dagala sąnama, tama dago yali sęgę sela sąwai dao.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

Jeremaia 27:5

ena digi eno e tǫ ena genuai bomogo nigali, tama me te eno te we bidi dabe nigali, me te tǫde bidalubo hasa sibi nigai. Eno digi ena homu wali peyu, eno te bidi dabe augwaliba tǫ dobabo dao.

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Daniel 1:21

Danielgo te king bidigo aga nogoba muani sę bobobage sogo yalio. Aga te sę idubadi, te gasa tuni bidi nogi te Sairus te Babilon king bidi pedelali sogoba usu nai dao.