Esekiel 1:3 - Godigo dwagi yai po buku

³ Ena Esekiel, ena te pris Busigo ogwa da, ena te tǫ kantri Babilonde bidali, te ąį Kebar pąde da, tama enaba te Godigo po wabo eno odama, te Godigo bomo enaba asida walio.

Esekiel 1:3 Referans Kwoze

Esekiel 3:22

Ena te bulude bididubadi, tama te Genuai Bidigo bomo enaba asida walio. Tama agai enabolo te tama po wali, “Nage hogodama, nage te odogo buluba pao,” wali. “Nage teba sabalobo si da, teda eno po nage dali waibao.”

Esekiel 3:14

Tama Godigo Mobo Noma Bidigo ena ugaba sagoa selama, te ena tolasa palio. Te Godigo genuai bomo enaba pedelama, te ena dwai dene ebaso, ena sębę eyu palio.

Te Israel me Juda Hani Sigo Tuni Bidigo Po Elalubo Buku Si 3:15

“Awe, eno homugo megi te dagego pelama, te gita gagali ebo bidi, me ma te musik gagali ebo konea pai bidi mu me deli odasa asao,” wali. Awe, tama augwaligo te gita gagali ebo bidi odasa asali, tama te bidigo te gita gagali ebo side, te Genuai Bidi Godigo bomo te Elisaba asali.

Te Israel me Juda Hani Sigo Tuni Bidigo Po Elalubo Buku Deli 18:46

Tama Genuai Bidigo bomo Elaijaba pedelai. Te Elaija aga name ugwa bugagia dąų olama, te Ahapgo karis pabodu aga polasa uda yali. Aga te tiwai udada pidubadi, augwali si te Jesrilba sabolali.

Esekiel 40:1

Te da kalabuside bidibadi kibu be 25 wabode, tama te kibu bede te dei namba 10 wabo sogo eno Genuai Bidigo bomo enaba asobo gagama yali. Te da te boi bidi dabego te taun Jerusalem selama, 14 kibu be polo pai nosali badu dao. Tama te sogo tama Genuai Bidigo ena tolasa pali.

Esekiel 37:1

Genuai Bidigo bomo enaba aselama, tama Genuai Bidigo Mobo Bidigo ena oda selama, tama ena odasa pelama, odogo malu bulu mede bidi dili dabe kisu delalubo madi odasa pali.

Esekiel 8:1

Te 6 wabo kibu bede da te Babilon tǫ kantride kalabus bidali sogo, te polua 6 wabo, te dei namba 5 wabo side, ena te ena bede dugulalu bididubadi, te Juda tobolu bidi dabe ena dali dugayagaselama bidali. Te da bidaludubadi, te God Genuai Bidigo bomo enaba asalio.

2 Timoti 4:1

Godigo Tedali Mobo Bidigo hanilama te po wai: nosali sogo bidi meba augwaligo te Kraisde konealubo po tagalaibao wali. Te augwaligo te tibo po wabo dwai haubo noma bidi dabego ola mabo po odama, tama augwaligo te dwai haubo noma bidigo po wali paibao.

Joel 1:1

Te e po da, Genuai Bidigo Joelbolo mawai, te Petuelgo ogwa dao.

Hosea 1:1

Te Usia, me Jotam, me Ahas, me Hesekia, te bage deli deli augwali te Juda dabego king dabe bida bida pali sogo, God Genuai Bidigo agai po Hoseabolo mawai. Hosea da te Berigo ogwa dao. Tama Jeroboam, te Jehoasgo ogwa, te Israel king bidai dao. Te bidi dabe king pedelama bididubadi, tama Genuai Bidigo Hoseabolo te po maduai.

Esekiel 1:1

Ena Esekiel, ena te Juda dabe dali te wę Kebar pąde bidai, te Babilon tǫ kantri pedaide. Te Babilon dabe augwaligo da kalabus elama, tama da te augwa page bulu tǫba sela pai dao, polobadu. Tama te nanobo me si me si wabo polua, dei a naga wabo side, te kibu be bidi sese deli olama, nogo si wabo 30 yiade, te dagalu buga pabo side eno te nade ebo tiwai te God sualio.

Jeremaia 1:2

Te Josaiago kibu be nogo si, sągągo sela, 13 kibu be wabode, te Emongo ogwa, te Juda king bidali sogo, Genuai Bidigo po Jeremaiabolo mabo gagalai dao.

Jeremaia 1:4

Genuai Bidigo ena, Jeremaiabolo te po mabo gagalali sogo, agai te tiwai po wali,

2 Pita 1:21

Magi basowe? Polobadu bidi me deli aga homugo digi te Godigo po pusubo profet dabego wabo po munu me pedalobeo. Menio. Godigo Mobo Bidi aga digi te bidi dabe homu hodolobaso, tama augwaligo te Godigo augwalibolo mani po pusai dao.

Godigo Nogi Ugwaba Sabo Tęąbi Po Wabo Buku Dabe 137:1

Da te Babilon dabego wę sesegede bidalu, tama dago te Saionba homu kone palubao. Tama tiyu, da gela udubao.

Esekiel 10:15

Eno te megi suali me si me si nai dabe augwali, te me si me si nai dabe polobadu eno te wę Kebar pąde suali. Augwali hogodasa pabo sogo,

Esekiel 12:13

“Tiali goli, eno ba bono gaga kekelama, tama king tego tola saibao. Tialima, eno aga te Babilon taunba sela paibao, tiali goli agai e bulu gesabidi me sugobeo. Aga te Babilonde bididubadi aga isibo sogoba usu naibao.

Esekiel 43:3

Tama te sę yali eno nade megi ebo eno subo ąǫ yali. Te da te eno polobadu suali te na yali te na tiwai mu ma yali, te aga te Jerusalem dolainu asali sogo, tama te eno te Babilon bulu ąį Kebarde polobadu suali na tiwai ma suali. Eno te ula sulama, tama eno bogoli sugunama, tama eno gesabidi tǫba pogulama elaluali.

Daniel 10:4

Tialima, te namba wan polua te deli polua te dei 24de, te kibu be, ena te genuai wę Taigris sesegede dolaluai.

Jeremaia 29:15

“Dagego te po obao, Genuai Bidigo te profet dabe dage te Babilonde bidibo sogo mani po wabo dao.

Esekiel 3:15

Te Godigo Mobo Noma Bidigo ena te taun me nogi Telabipba odasa pali, te ąį Kebar pąde da, te Israel augwali te taunde kalabus bidali. Eno te suali nai dabego ena haliga sęgę dwai mu ilibaso, ena te taunde dugulalu bididualio, tama eno te magi sę me deli yabo bomo meni baso bididubadi, te Sarere deli, te a naga olama, si sogo tama bidai dao.

Esekiel 3:23

Tialima, ena hogodama, ena te odogo bulu pali, tama te badu eno te Godigo genuai ula pedalubo suali, eno te wę Kebar pąde suali sę tiwai yalio. Tama tibaso, eno gesabidi te tǫba pǫgulai dao.