Esekiel 1:2 - Godigo dwagi yai po buku

² Te sę pedelali, te Babilon dabe te Juda tǫ kantriba pelama, te hwįagaselama, te Jerusalem king bidi Jehoiakin augwa tǫ kantriba kalabus igi pomainu selasa pabo kibu be a naga nosali elalubo sogo te sę pedelai dao.

Esekiel 1:2 Referans Kwoze

Esekiel 40:1

Te da kalabuside bidibadi kibu be 25 wabode, tama te kibu bede te dei namba 10 wabo sogo eno Genuai Bidigo bomo enaba asobo gagama yali. Te da te boi bidi dabego te taun Jerusalem selama, 14 kibu be polo pai nosali badu dao. Tama te sogo tama Genuai Bidigo ena tolasa pali.

Esekiel 20:1

Da te Babilonde bidibadi te kibu be 7 wabode, tama te kibu bede, te polua a naga, te dei nogo si wabode, te Israel tobolu bidi dabe augwali ena Esekiel pageba duayagasali. Augwaligo homude po me deli elalubaso, te augwaligo enaba hanaluama, te Genuai Bidigo homu mena tama elalubo page koneainu yai dao.

Esekiel 29:17

Te deli wabo polua, te deli wabo dei te da kalabuside bidibadi kibu be 27 wabode, Genuai Bidigo enabolo e tama po walali.

Esekiel 8:1

Te 6 wabo kibu bede da te Babilon tǫ kantride kalabus bidali sogo, te polua 6 wabo, te dei namba 5 wabo side, ena te ena bede dugulalu bididubadi, te Juda tobolu bidi dabe ena dali dugayagaselama bidali. Te da bidaludubadi, te God Genuai Bidigo bomo enaba asalio.

Esekiel 31:1

Te namba 11 wabo kibu bede da kalabuside bidali kibu bede, te sela wabo poluago deli wabo deide, Genuai Bidigo enabolo te po walali,

Esekiel 29:1

Te da kalabus bulude bidibadi te kibu be nogo si, te 10 wabode, te polua nogo si, te 12 deide, Genuai Bidigo enabolo te po wali,

Esekiel 17:12

“Te po sela sąnama, hagoma ebo bidi dabeba hanalu wao, augwaligo te po page koneaniwe, ma meniwe? Te po page e tiwai da. Babilon king te Jerusalemba aselama, tama agai te Juda king dali, te ami ofisa bidi dabe dali selama, te Babilonba kalabus sela pai dao. Aga da te hasia asali ba kemodage tiwai dao.

Esekiel 33:21

Te da kalabuside bidibadi kibu be namba 12 wabode, tama te dei namba 4, te namba 10 poluade, te sogo pio te eno Genuai Bidigo bomo ena tigiba asobo gagama yali. Tama te sogo kigamu Genuai Bidigo eno pedauwali ma usu ilama, tama eno po ma wabo usu ilali. Tama elama, tama bidi me deli aselama, tama enabolo te po wali, “Jerusalem polo dolalio,” te po wali. Te boi bidi dabego te Jerusalem hanu dolobo sulama, tama te bidi aga ena bidibo madi asali.