Esekiel 1:1 - Godigo dwagi yai po buku

¹ Ena Esekiel, ena te Juda dabe dali te wę Kebar pąde bidai, te Babilon tǫ kantri pedaide. Te Babilon dabe augwaligo da kalabus elama, tama da te augwa page bulu tǫba sela pai dao, polobadu. Tama te nanobo me si me si wabo polua, dei a naga wabo side, te kibu be bidi sese deli olama, nogo si wabo 30 yiade, te dagalu buga pabo side eno te nade ebo tiwai te God sualio.

Esekiel 1:1 Referans Kwoze

Kraisgo Geme Dualali Sę Pedelabo Po Jonbolo Ola Mani 19:11

Te eno suali, dagalu tų genuai dawali, tama tedela yai kibu hos me deli tede bidibo eno suali. Bidi te kibu hosde dulaluali. Te bidi agai sę te we bidi po tų ebode dagaliyu da, tama agai boi bidi dabe dali wąbi hwįbaso da, teda agai te mu po dali, te wiegi yai doloba pai kolesaga dali si naga wali peyu, agai te sę si bugagia ebo dao. Tama tibaso, agai nogi si elalubao, me nogi “Godide homu kęą pai bidi.”

Godigo Sęba Tagala Palai Bidigo Po 7:56

Stivengo te po wai, “Suao. Eno megi suba, dagalu dalalubo. Tama tede Godigo Bidi Mu megi Godigo dolo nogo badude dolalubo eno subao,” te po wai.

Matyu 3:16

Tama Jisas baptais selama, tama polo aga te wę tagalama te wę sesegeba holai. Tama dagalu tomode buga palima, te Godigo Mobo Bidi te aiyaba dulubo te agai suali, te ba hi tiwai tama aselama, te Jisasgo tigiba bidagasali.

Esekiel 11:24

Tialima, te nade ebo sę tiwai nai te Godigo Mobo Noma Bidigo ena ugaba sagoa selama, tama ena odasa, te Israel dabe kalabus bidibo pesage te bulu Babilonba ma sela asali. Tama te na silalio.

Godigo Sęba Tagala Palai Bidigo Po 10:11

Tama agai dagaluba tonobadi, dagalude moni tų dalaluali. Moni nami ugwade po dunama, dagaludu tǫba tula palali.

Dwagi Yai Gesi Po Lukgo Asęani 3:21

Te Jongo tigidali we bidi baptais menama, tama nosali agai Jisas me baptais mani. Tama baptais selama, Godibolo po odubadi yaide, dagalu tomode si buga pali.

Esekiel 10:20

Eno koneani, eno te nai dabe suali, tialima augwali te Israelgo God dologode te ąį Kebar pąde bidali. Te megi da, eno koneanio, te nai dabe augwali te Godigo mobo ensel tobage me deli dao.

Esekiel 10:15

Eno te megi suali me si me si nai dabe augwali, te me si me si nai dabe polobadu eno te wę Kebar pąde suali. Augwali hogodasa pabo sogo,

Kraisgo Geme Dualali Sę Pedelabo Po Jonbolo Ola Mani 4:1

Te bidigo enabolo te po wabo silama, tama eno te gasa na tiwai eyu tama eno suali, dagalude tų me deli dalaluai. Tama te pedauwalidu polobadu eno odali agai po enabolo mayu te genuai yadogoli tiwai naigo te bu wabo tiwai eyu, tama agai te po wali, “Nage edaba holao, tama eno nagebolo te nosali pedalabo sę tigidali ola mawaibao.”

Dwagi Yai Gesi Po Jongo Asęani 1:51

Tama Jisasgo agabolo ma naga wai, “Mu tamao, eno mu po dagebolo obao, nosali dagego dagalu dala pabo sueibao. Tama dagego Godigo dagalude sę ebo ensel mobo bidi augwali ugwaba holoyu, aiyaba duluyu ebo dagego sueibao. Tama augwali enaba asiyu yaibao, ena da te Godigo Bidi Mu dao,” Jisasgo te po wai.

Esekiel 43:3

Tama te sę yali eno nade megi ebo eno subo ąǫ yali. Te da te eno polobadu suali te na yali te na tiwai mu ma yali, te aga te Jerusalem dolainu asali sogo, tama te eno te Babilon bulu ąį Kebarde polobadu suali na tiwai ma suali. Eno te ula sulama, tama eno bogoli sugunama, tama eno gesabidi tǫba pogulama elaluali.

Esekiel 8:3

Eno te aga nogo tiwai suali, agai te nogo debelama te ena tobulu nisi tola selama, ugwaba kegai dao. Tama te nade subo tiwai yali nai dabe, te Godigo Mobo Bidigo ena ugwaba mu sagoasa holama, ena te Jerusalemba sela palio. Tama agai ena te Godigo beba odasa pali, tama ena te be bagulali obo te not badu elalubo sunumi tomode doligi pali. Te pesagede te Israel augwaligo te tibo god piksa noma dodolai elaluai, tama Godigo haliga sębę dwai mu te naide yai dao.

Esekiel 3:23

Tialima, ena hogodama, ena te odogo bulu pali, tama te badu eno te Godigo genuai ula pedalubo suali, eno te wę Kebar pąde suali sę tiwai yalio. Tama tibaso, eno gesabidi te tǫba pǫgulai dao.

Esekiel 1:3

Ena Esekiel, ena te pris Busigo ogwa da, ena te tǫ kantri Babilonde bidali, te ąį Kebar pąde da, tama enaba te Godigo po wabo eno odama, te Godigo bomo enaba asida walio.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

2 Korin 12:1

Te gasa bidi dabe augwaligo eno nogi dolobo po dage dali olama, tama dagego ena tau sabo po wei ponosiąbaso, ena digi ena nogi ugwaba sobao. Te gasa tų me elalubeo. Mu tama, te kolesagago da tau me sisąbo usu me isąwani. Tiali goli tagalama, te dago Genuai Bidigo enabolo te ną yali me, te geme dualali po meba mani, tede eno po megi waibao.

Dwagi Yai Gesi Po Makgo Asęani 1:10

Tama polo aga te we tagasu, te bulu wę sesegeba doligulubadi, tama agai te dagalu dala pabo suali, tama te Godigo Tedali Mobo Bidi te ba hi tiwai gagalasa agaba dulali.

Joel 2:28

Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.

Hosea 12:10

“Eno po te profet dabeba olama, tama te eno nade wabo tiwai te hauwa nai po augwaliba wali. Te profet dabego pedauwalidu eno te Israel dabeba weyu, te augwaligo dwai kolesaga ebo te tudiba muiąo po wai dao.

Esekiel 40:2

Tama te nade ebo sę dabe tiwai elama, Godigo ena tolasa pelama, Israel dabego tǫba odasa pelama, tama bulu du ugwanu mu yai bulu duba me tagaligi pali. Tama eno u sautba tonobadi, eno be dabe elalubo suali, tama te ma te taun me elalubo tiwai subo ąǫ yali.

Esekiel 3:15

Te Godigo Mobo Noma Bidigo ena te taun me nogi Telabipba odasa pali, te ąį Kebar pąde da, te Israel augwali te taunde kalabus bidali. Eno te suali nai dabego ena haliga sęgę dwai mu ilibaso, ena te taunde dugulalu bididualio, tama eno te magi sę me deli yabo bomo meni baso bididubadi, te Sarere deli, te a naga olama, si sogo tama bidai dao.

Israel Hanigo Namba 4:3

Dagego te e tobage Kohat hani bidi dabego nogi sao, te augwaligo kibu be te 30 dąį gagalasa, tama te kibu be 50 te dąįba usu nagasobo bage, te augwaligo nogi sao. Te gesi ogwa bidi dali, te monu dabe dali si, te tagalao. Te nogi sali bidi augwali te eno name ugwa bede sę yabo usu yai bidi dabe dao.

Ma Dobola Sali 24:10

Tama augwaligo Israel dabego God suai. Tama agai sągą dologode genuai sisi yai nai me deli, te be sai tiwai nai elaluai, tama te dagalu ula tiwai mu elaluai.

Tigidali Nai Gagalama Nigali Side 46:2

Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”

Godigo Sęba Tagala Palai Bidigo Po 10:3

Tama me sogo pioba poloba nai po sela wabode, agai na gagawai yali. Tama agai Godigo dagalude sę ebo ensel bidi me deli aga pageba sabalobo hania sualio. Te Godigo ensel bidigo agabolo te po wai, “Kornilius.”

Matyu 17:9

Te augwali te bulu dude bidali tagalama dulubadi, Jisasgo bomo elama, augwalibolo te po wai, “Dagego megi suali sę po te gasa bidi dabebolo wagio. Dagego te po osogo hogwa sao. Tama nosali te Godigo Bidi Mu aga isama, tama ma hodalobode, tama te sogo dagego megi suali sę po te we bidibolo wagameo,” Jisasgo te po wai.

Esekiel 10:22

Ena te ąį Kebar pąde bidali sogo polobadu eno te mobo bidi ensel dabe suali. Te eno megi ma suali, te augwali polobadu elaluali gesabidi tiwai yalio. Te me si me si mobo bidi ensel dabe te augwali me badu deli painu ebo sogo, augwali peyu naga yaibao. Augwa tigi begeleyu me egobeo.

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Dwagi Yai Gesi Po Lukgo Asęani 3:23

Te bidi Jisas agai kibu be bidi sese deli olama, me bidigo nogo si wagi sobadi, te 30 yia wabode aga sę ebo gagalalio. Tigidali we bidigo homugo Jisas Josepgo ogwa daba homu yali. Tama Josep aga aya Heli. Heli aga aya Matat, Matat aga aya Livai.

Aisaia 6:1

Te king tuni bidi Usia isali kibu bede, eno Genuai Bidi aga tuni bidi saide dualalubo suali. Agai tuni bidi sia ugwanu mu elaluali. Tama tuni bidigo ugwa agai gudali da, moni bobobage mu elama, aga be mu usu nai suali.

Godigo Nogi Ugwaba Sabo Tęąbi Po Wabo Buku Dabe 137:1

Da te Babilon dabego wę sesegede bidalu, tama dago te Saionba homu kone palubao. Tama tiyu, da gela udubao.

Jeremaia 29:15

“Dagego te po obao, Genuai Bidigo te profet dabe dage te Babilonde bidibo sogo mani po wabo dao.

Esekiel 10:1

Tama eno te dagalu ugwadu tede te genuai dąį tiwai nai ma suali, tama te bidi tiwali nai me si me si te dąį dologode elalubo eno suali. Tama te ugwadu dąįgo ugwadu daide eno te bidi dugulalubo nai sia king me deli augwaligo te sisi dagalu masigi te gasa sawi yai mugo nigai sualio.

Esekiel 10:10

Tigidali deli deli wil te deli tigi poai elalu, te gasa tomode me elalubo wilgo te gasaba me tononaluali.