Efesus 6:9 - Godigo dwagi yai po buku

⁹ Dage te olo sę ebo bage mu abelai bidi dabe, dagego odao. Dagego augwaligo sę ebo tonaluyu, dagego me Godigo homu kolesaga wali peyu te tiwai kolesaga naga augwali dali yao. Dagego augwali wi ilibo kolesaga tagalao. Dagego koneani, te Genuai Bidi aga dagalude bidibo, tama aga da te augwali olo sę ebo bidigo Genuai Bidi me, te dagego Genuai Bidi me bidibao. Tama agai tigidali we bidi deli usu nigo naga usu sabo dao.

Efesus 6:9 Referans Kwoze

Kolosi 3:25

Tama niwai bidi agai dwai sę ebaso da, teda Godigo aga te yali dwai sęde wei ponaibao. Te nogi elalubo bage da, ma nogi meni yai we bidi da, te magigo meni, Godigo usu ni deligo naga da tigidali usu saibao.

Godigo Sęba Tagala Palai Bidigo Po 10:34

Te Pita agai po wabo sę gagalali, “Mu tama dao, megi eno koneanio. God agai deli hani naga homu ebeo. Te mu menio.

Polgo Po Pas Rom Dabeba Asęani 2:11

Magi baso meni. God agai te we bidi dabe dagalobo si, agai te nogi yai we bidi tedali dagaloyu, te nogi meni yai we bidi tedali dagaloyu ebo menio. Aga da te tobage kolesaga ebo bidi menio.

Dwagi Yai Gesi Po Lukgo Asęani 6:31

Nagebolo gasa bidigo te dwagi yai sę emainao homu ebogia, te nago gasa bidibolo me tama tiyąo,” wali.

Matyu 7:12

“Te dagego homugo te gasa we bidi dabe augwaligo dagebolo yabo dwagi yai kolesaga tiwai gilama tama dagego me augwali dali te tiwai dwagi yai kolesaga naga iyąo. Te Mosesgo polobadu asęani bomo yai po tigidali me, te Godigo po pusali profet bidi dabego pusali po tigidali me, te po tigidali te page deli naga elalubao, te eno megi tama wali po naga dao,” Jisasgo te po wai.

Bomai Po 10:17

Magi baso meni, God dago Genuai Bidigo te tigidali te tibo god dabe me te tigidali bomo elalubo te tigidali nai dabego bomo edelai mu elalubo. Aga te genuai bomai mu dao, tama tiyu tigidali nai dabe aga dologode naga elaluao. Agai te po tų ebode te abagi si ebo kolesaga wali peyu, me te we bidigo agaba magi nai mayu, aga homu bea sabo homu ebo kolesaga emainogo sula tagalobo menio, te haniani sę ebo kolesagade.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Jems 2:8

Te dago genuai tuni bidi God agai bomo yai po me deli bukude polobadu mu asęyu, te po wai, “Nago naga tigi dali dwagi yai homu eyu, godolo ebo tiwai, nago gasa bidi dali me tama naga tiyu, tama nago te bidi dali wiegi yai homu yao,” te polalubo bomo yai po asęani. Tama tiyu, dagego te bomo yai po wali peyu da, te dagego wiegi yai kolesaga naga wali paibao.

Dwagi Yai Gesi Po Jongo Asęani 13:13

Dagego enabolo po ola mabo bidi da weyu, tama Genuai Bidi dao wabo dao. Ao, dagego te po mu po dao. Ena te bidi tama dao.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

1 Korin 7:22

Tiali goli te olo mu sę ebo bidi bidibadi tama Godigo aga i wali, megi da te aga dago Genuai Bidigo selama, tama te Genuai Bidigo gedude te aga olo sę ebo bidi me bidigobeo, te aga olo naga bidibao. Te tiwai naga, te olo wiegi yai bidali bidi, te olo sę me isąbadi tama Genuai Bidigo aga i wali, megi da aga te Kraisde masigi sisąbo olo sę ebo bidi tiwai pedalama bidibao.

Matyu 24:51

Tama ma aselama, te genuai bidigo te sę bidi mu dolama, tama agai aga te tibo po wabo bidi dabe dali te dwai buluba munama bidaibao. Tede te augwali dwai gela weyu, tama augwa kele halua tuyu bidaibao,” Jisasgo te po wai.

Matyu 24:48

Tiali goli, te sę bidi dwai bidi bidibaso da, teda aga homugo digi aga te homu elama, te eno genuai bidi te polo me asogobe da homu eyu,

Matyu 22:10

Agai tama tiwai po wai, tama te sę bidi dabe augwali te tigidali tų tunu magiba tedela pelama, tama te suali we bidi dabe tigidali augwali sisinao, te dwai bidi dabe me te wiegi yai bidi dabe augwali dali sisinagasai. Tama augwali te we sabo madi aselama, mu pągąna sagasai.”

Matyu 22:8

Tama te tuni bidigo aga sę bidi dabe augwalibolo te po wai, ‘Te we sabode tuabo nai sisi yai elalubadi, tiali goli eno te i wali bidi dabe, augwali te asobo usu menio, te dwai bage dao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Daniel 3:15

Tialima, dagego te musik odobo sogo, dagego kidu sugunama, tama te piksaba lotu waiyąo. Tama dagego te tiwai isąbaso da, megi naga tama eno te bidi dabeba walama, tama augwaligo dage te genuai sia daboba sąmainogo yaibao. Tama dagego homugo te dage tau sabo god me deli elaluba homu eba, agawe?” kingo te po wai.

Daniel 3:6

Te bidi me deligo te piksaba kidu sugunama, lotu po wasiąbaso da, teda polo tama dago aga selama, tama aga te genuai stov sia posolo mu elalubo te tomoba aiya sąwaibao,” te gavmango po pusubo bidigo te po wali.

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Kolesaga Koneai Bidigo Pusali Po Elalubo Buku 5:8

Gavman bidigo te magi nai meni yai bidi dabeba sęgę mabo nago subaso, te nage homu dwagila hogodigio. Ma, te po tų ebode augwaligo po bugagia dodolisąma, te olo bidi bugagia dugulaluabo sę isiąbaso da, teda tede noma sigio. Magi baso meni. Te kolesaga page e tiwai elalubao. Te ofisa dabego te tobage kolesaga ebao, augwali te augwa bos tonalubo bidigo osolama, te augwaliba sęgę muani. Tama te bos tonalubo bidi dabe augwali tobolu ugadu elalubo bidi dabe bidibaso, te augwaligo me te tobage deli tigi poai kolesaga ebo dao.

Godigo Nogi Ugwaba Sabo Tęąbi Po Wabo Buku Dabe 140:12

Genuai Bidi, eno te tama koneani, nago te nai meni yai bidi dabe te po tų ebode tau siyu, tama te magi doado bage sǫą pali bidi dabe tau sabo dao, te bidi dabego augwaliba dwai sę ebo sogo tama tibo dao.

Nehemia 5:5

“Te dena abagi dabego digi, tama augwaligo te sęgę dabolo mawai. Te augwaligo homugo te augwaligo da aiyaba elalueiba homu eba, agawe? Menio. Da tigidali te deli tigi tiwai dao. Tama dago wai puluba dabe me te augwaligo wai puluba tiwai si elalubao. Tiali goli, dago te gasa sunumi me elalubeo. Tama tiyu, dago wai dabe te gasa bidi dabego olo sę ebo bidi pedelama, te dago mone somainu me egobeo. Tama te bidi dabego te dago wegimani selama, te augwaligo olo sę ebo we dabe pedalumainu ilali. Tama me te augwaligo dago tǫ me wain gi sali, tama dago te wai dabe ma sabo sę deli me elalubeo,” augwaligo te po wai.

1 Samuel 15:17

Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

Pris Sę Ebo Bomai Po 19:13

Dagego gasa bidi me doloyu, te agai nai dabe wi me sigio. Te dagego bidi me deliba sę mawai baso da, teda dagego agai sę te ela silibo side te abelebo mone mao, te sogo piode. Dagego te mone tolalubadi be huliama te kigamude me magio,” wai.

Jopgo Po Asęani Elalubo Buku 34:19

God deligo naga agai te tama po wabo usu yaibao, magi baso meni, agai te tigidali we bidi nigai dao, tama agai gedude tigidali deli tigi poąį naga bidibao, te augwali doado bage hauwa elalubo bidi dabe me, te doado bage hauwa elalusiąbo bidi dabe me, tede moni homu me elalubeo, te tagalao. Te tigidali bidi Godigo gedude deli tigi tiwai naga bidibo dao.

Kolosi 4:1

Dage sę bidi tonalubo bidi, dagego augwali tigidali dali kolesaga deli naga yao, te doloba pai kolesaga naga yao. Koneao, dage me te tonalubo Genuai Bidi elalubao, aga dagalude bidibao.