Efesus 6:4 - Godigo dwagi yai po buku

⁴ Tama dage aya dede dagego duga wai dabe homu hodolama augwali sębę emainogo elamuo. Menio. Dagego te Genuai Bidigo po wali peyu, tama augwali bugagia tonaluyu, tama agai po augwali ola mao.

Efesus 6:4 Referans Kwoze

Kolosi 3:21

Aya dabe, dagego duga wai dabe dali wado po tigidali sogo olamuo, te augwali dwai homu ilibo kolesaga egimio. Dagego augwali dali te tobage kolesaga eyu da, teda augwaligo te sębę sabo homu eyu, tama dwagi yai kolesaga ebo tagalaibao.

Bugagia Bidibo Kolesagade Po Asęai Buku 22:6

Te naga waigo te wiegi yai kolesaga wali pomainu ola mao, tama aga te sunumidu bilidubadi, te aga monu dabe mu ebo sogoba usu naibao.

Bugagia Bidibo Kolesagade Po Asęai Buku 29:15

Te nago naga wai dodoliyu, te keloago elibaso da, teda aga wiegi yai homu sabo kolesaga koneaibao. Tiali goli, te waigo aga homu kolesaga digi te sesemane sogo wali pidubaso da, teda agai te aga ida hale emainu te ebao.

Bugagia Bidibo Kolesagade Po Asęai Buku 19:18

Te naga ogwago hagoma ebaso da, nago aga dodolao, tama agai wiegi yai kolesaga wali paibao. Tiali goli, te nago agai te dwai kolesaga wali pomainu sula tagalu gogolobaso da, te nago aga isimainu usu da wabo tiwai ebao.

Bomai Po 6:7

Tama dagego te bomai po duga wai bǫų dabebolo tigidali sogo ola mayu yao. Tama augwalibolo te bomai po duga bede bidiyu, me dage sunumidu peyu me, me dage toma tubo sogo me, ma dage duga sę ebo sogo dagego te bomai po duga wai dabebolo ola mao.

Bugagia Bidibo Kolesagade Po Asęai Buku 29:17

Te nago naga ogwa dodolobaso da, te agai wiegi yai kolesaga ebaso, tama nago homu nagame igulama, tama nage wiegi yai homu pemene yaibao.

Polgo Si Wali Pas Timotiba Asęani - 2TI 3:15

Tama e me nago koneani, polobadu nage te dwasianu wai bǫų elalubadi tama nago te tedali gasagi yai wiegi yai bukude po konebo sę gagalama sai. Te tedali bukude pogo te dwagi yai homu kolesaga nagebolo mabo usu yali. Tama nago te dwagi yai homu kolesagago eyu, tama konealubo po Krais Jisasba dąų obaso da, teda Godigo nage ma saibao.

Tigidali Nai Gagalama Nigali Side 18:19

Eno aga sa muani, te agai aga wai pulubabolo me te aga wąį dabe augwalibolo olama, te augwaligo eno po wali pomainogo yaibao. Tama tiyu, augwaligo wiegi yai doloba pai kolesaga wali paibao. Tama tiyu, te eno agabolo te tigidali sę agabolo eno wali po gilama yaibao.’

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Polgo Si Wali Pas Timotiba Asęani - 2TI 1:5

Eno te nago Kraisde konealubo po naga homugo dąų mu wali kolesagaba homu kone palama, te nago te tibo menio. Te tobage konealubo po tiwai hasia te naga auwa mosi Loisgo me, te naga ida Yunisgo konealubo po dąų wabo kolesaga me te tiwai elaluai. Tama eno mu koneani, homu si meni, te tiwai konealubo po te nagede me elalubo dao.

Bugagia Bidibo Kolesagade Po Asęai Buku 22:15

Te wai dabego te homu kolesaga meni yai kolesaga dabe ebo dao. Tiali digi, nago te augwali keloago elibaso da, teda augwaligo te kolesaga tagalaibao.

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Aisaia 38:19

Te bidibo ula elalubo bidi dabe, augwaligo naga nago nogi ugwaba siyu, te megi eno ebo tiwai yaibao. Te aya dabego te augwa wai dabeba te nago wiegi yai sę sesemane sogo ebo po waibao.”

Josua 24:15

Tiali goli, dagego te Genuai Bidiba lotu wabo hagela homu ebaso da, teda dagego bugagia homu kone palao. Te dagego lotu po debolo waibawe? Te duga wąįgo te Mesopotemiade te tibo godiba lotu wali te Godiba lotu po waibawe? Ma, te Amor dabego tibo god, te megi te dage te bidibo tǫde te Godiba lotu waibawe? Tiali goli, ena, te ena we wai sibi dali, te dago da te Genuai Bidiba naga lotu po waibao,” Josuago te po wai.

Tuni Bidi Dabego Po Elalubo Buku Deli 29:19

“Nago Solomonba wiegi yai homu kolesaga hodolao, eno ogwa da, te agai nago bomai po me nago po mobo mabo wali pelama, tama agai nago te wiegi yai be sę emainao, eno te be sę yabo doado bage sisi ilai dao,” Devitgo te gedu haluasa po tama wali.

Te Israel Tobolu Bidi Dabe 13:12

Tama Manoago te po wali, “Teda, nago te po wali nai, te nosali pedalubo si da, teda te wai mena tama bidigowe? Te agai magi sę egowe?”