Efesus 6:1 - Godigo dwagi yai po buku

¹ Dage wai dabe dagego te Genuai Bidigo po wali pobaso, te ida ayago wabo po wali pao. Te tama tebo kolesaga te dolo dao.

Efesus 6:1 Referans Kwoze

Bugagia Bidibo Kolesagade Po Asęai Buku 23:22

Naga ayago nage pedalumainu ilali, tama nago agai po odao. Tama naga ida mosi dabe yai madi, nago agade dwai homu igio.

Bugagia Bidibo Kolesagade Po Asęai Buku 6:20

Ogwao, nago te naga ayago po wali pao, tama nago idago po me sela sągio.

Bugagia Bidibo Kolesagade Po Asęai Buku 1:8

Ogwa o, nago te naga ayago mobo mabo po odolama, tama nago idago po me sela sągio.

Bomai Po 21:18

Tama Mosesgo po geninama weyu, te po wali, “Tialima, te bidi mego te ogwa me deli bidiyu, tama tigidali sogo te aga ida de aya sigo po sela sąduai dao, tama augwaligo aga eliyu iduali goli, tama agai aga ida ayago po me sela sąyu, te wali pisąma eyu ebaso da,

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

2 Timoti 5:4

Tiali goli te bidi isai we me deligo te aga wai genuai yai me, ma aga waigo wai te genuai yai elalubaso da, teda augwaligo bugagia koneao: te augwaligo polasa yabo sę te augwaligo Godigo po wali peyu, tama augwa hani we bidi bugagia tonaluyu, tama augwali polobadu dwasianude aya idago bugagia tonaluali tobage kolesaga wei ponoyu tonaluao. Awe, Godigo te kolesaga godolo mu ebo dao.

Polgo Po Pas Rom Dabeba Asęani 12:2

Tama te kolesaga edubadi, dage te tǫde bidi dabe biladubo tiwai elama me bilalugio. Menio. Dagego homu kolesaga Godigo gesi noma pedalomainogo ilama, tama dagego kolesaga me gesi noma pedalomainogo emainao. Tama tiyu da, teda dagego te Godigo homu kolesaga koneaibao. Tama agai homu kolesaga koneama tama te bidigo yabo wiegi yai sę me, te Godigo gedude te usu niba kadu wabo kolesaga dali, te doloba pai kolesaga dali, te tobage dwagi yai kolesaga page tigidali dagego hania koneaibao.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Polgo Po Pas Rom Dabeba Asęani 7:12

Tama tibaso dago koneani, te Godigo bomai po aga digi te magi dwai sę me isąyu te wiegi yai naga elalubao. Tama te Godigo dabolo tama tiao wali po tigidali me te dwai sę me isąwai wiegi yai elaluali, tama doloba pelama, tama wiegi yai naga dao.

Dwagi Yai Gesi Po Lukgo Asęani 2:51

Tama aga ida de aya si dali Nasaretba aiyaba ma dulali. Tama tigidali sogo agai ida dali aya sigo po wali piduali. Tama aga idago tigidali po aga homuba munama, te dąų olaluali.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

1 Pita 2:13

Te augwaligo gedude te dago Genuai Bidigo nogi tulaluidali weyu, augwali tigidali tuni bidi dologode dage bidao, augwaligo po wali pao. Tama tiyu, tama te genuai gavman tuni bidi dologode bidiyu agai wabo po odiąo.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Bugagia Bidibo Kolesagade Po Asęai Buku 30:11

“Te meba bidi dabego te po wabo dao, Godigo te augwa aya idabolo te dwai sę emainao wabo dao.

Tigidali Nai Gagalama Nigali Side 28:7

Tama agai koneani, Jekopgo te aga aya idago po wabo odama, tama aga te Mesopotemia buluba pai.

Godigo Nogi Ugwaba Sabo Tęąbi Po Wabo Buku Dabe 19:8

Genuai Bidigo dabolo dwagi yai po mu ola mabo dao. Te pogo dago homu kolesaga dwagi yai pemene mu ebo dao. Genuai Bidigo tama tiao wabo po te dwagi yai mu dao, tama dabolo dwagi yai koneabo homu kolesaga mabo dao.

Esta 2:20

Polobadu Mordekaigo Estabolo te po weyu, aga te Juda we da po munu me olamuo po wali. Tama Estago te po wali pali, magi basowe, te aga Mordekaigo po sesemane sogo wali pabo kolesaga yalio.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Polgo Po Pas Rom Dabeba Asęani 16:2

Eno homugo dagego homu Genuai Bidiba koneama, tama dagego te we Fibi selama, te dage Godigo po odobo we bidi dali bidimai homu yao. Te wiegi yai kolesaga da Godigo we bidigo ebo kolesaga dao. Tama Fibi aga magi nai me deli meni baso da, teda dagego aga tau sao. Magi baso meni, agai abagi homu eyu tama we bidi hauwa tau sai, tama agai ena me tau sai dao.

Godigo Nogi Ugwaba Sabo Tęąbi Po Wabo Buku Dabe 119:75

Genuai Bidio, eno koneani, nago bomo yai po tigidali te dolo naga mu elalubao. Nago eno ebo kolesaga deli naga dodolabo homu eyu, tama nago enabolo sęgę mawai dao.

Tigidali Nai Gagalama Nigali Side 37:13

Tama Israelgo Josepbolo te po wai, “Naga ama dede augwali te Sekem bulu pąde te kibu sipsip tonalu bidibao. Nage sisi elama, eno nage te augwali bidalubo digi tagala palaibao,” wali. Josepgo te tiwai po wei ponani, “Ena sisi yai dao.”

Jeremaia 35:14

Polobadu Jonadap, te Rekapgo ogwago, aga hani dabeba te po weyu, augwaligo te wain tulamuo wali. Te megi tama me, te Rekap dabego te augwa wąį nǫųgo wali po bugagia wali pelama, tama augwa te wain me tubeo. Tiali goli, eno dageba hauwa sogo po madu geai, te dagego eno po me odobo menio.

Nehemia 9:13

Tama augwali te Sainai bulu duba sabalubo sogo, nage te dagalude bidiyu, tama augwaliba po miai. Tama nage aiyaba dulama, nage te bulu dude bidai. Tama nago augwaliba te wiegi yai doloba pai bomai po mawai dao.

1 Samuel 17:20

Tialima, te sogo nosali Devit te kigamu mu hogodama peyu, tama gasa bidibolo te sipsip dabe tonaluao po wali. Tama agai te nai dabe selama, te Jesigo agabolo wali gilama te bage bidalubo pesageba pali. Tama te Israel dabe te hwįbo pesageba pobadi, te aga augwali bidibo pesageba pedelali. Te ami dabego i weyu, genuai po dagą dali pelawali.

Godigo Nogi Ugwaba Sabo Tęąbi Po Wabo Buku Dabe 119:128

Tama tiyu, eno nago po tigidali wali pobao. Eno homugo te gasa sunumi dabego te nago sunumi ela soabo te eno homugo hagela homu mu ebao.

Rutgo Po Elalubo Buku 3:5

Tama Naomigo po ola silibo si, teda, Rutgo po wei ponani, “Wiegi yai dao! Te eno nago po tigidali wali paibao,” wali.

Jeremaia 35:8

Tama sesemane sogo dago te po tigidali wali paibao, dena wąį nǫų Jonadapgo dabolo mawai. Dago dali, te we wai dabego me, dago te wain tubo menio.

Jeremaia 35:18

Tialima, nosali Jeremaiago te Rekap dabeba te tiwai po wali, “Tigidali Bomo Elalubo Genuai Bidi, te Israelgo God, agai te po wali, ‘Dagego te duga wąį Jonadapgo po odama, tama dagego agai po tigidali wali peyu, tama dagego te agai dagebolo yao po wali sę tigidali ebo dao.

Tigidali Nai Gagalama Nigali Side 48:12

Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.

Tigidali Nai Gagalama Nigali Side 50:12

Te Jekopgo ogomanigo po wali pelama, te augwalibolo wali po tiwai gilama yali.