Efesus 5:25 - Godigo dwagi yai po buku

²⁵ Tama bidi dabe deli deli, dagego duga we dabe dali abagi dao homu eyu, godolo mu yao, te Kraisgo aga po wali pabo we bidi godolo mu yaligia tiwai yao. Agai da godolo mu eyu, aga bidabo ula tagalama da tau siyu aga te ni pedaide elama isai dao. Tama agai da dali godolo eyu tau sabo homu tiwai dagego duga we dali tama naga tiao.

Efesus 5:25 Referans Kwoze

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

Kolosi 3:19

We sai bidi dabe, dage deli deligo duga we dali abagi homu eyu aga bugagia tonaluao. Tama sesena pai bidigo kolesaga tiwai naga we dali egio.

Efesus 5:28

Tama dage bidi dabego duga we dabe augwali dali wiegi yai kolesaga eyu, augwali godolo yao, te dagego duga digi duga tigi dali wiegi yai homu eyu godolo ebogia yao. Aga we godolo ebo bidi, te aga digi aga godolo ebo dao.

Tigidali Nai Gagalama Nigali Side 2:24

Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Efesus 5:33

Tiali digi agai dage deli deli bidi dali me te po wali, “Nago naga tigi dali dwagi yai homu eyu godolo mu ebogia, nago naga we dali dwagi yai homu eyu, godolo mu yao.” Me ma, we dabe dagego duga bidigo nogi ugwaba selama augwali dologode bidao.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Galesia 1:4

Tama Krais agai te dago Aya Godigo homu wali peyu, tama aga digi aga bidibo ula olo mayu, agai dago yali dwai dwai sęgę te sela sąwai. Tama tiyu agai homu da e tǫde megi elalubo dwai kolesagade sela pomainogo yai.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Tigidali Nai Gagalama Nigali Side 24:67

Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

2 Samuel 12:3

Tiali goli, te magi doado bage meni yani bidigo te dwasianu sipsip kibu so me deli naga elaluali. Aga te sipsip abelama, te bugagia tonaluai. Tama te sipsip aga bede bidiyu, tama te bidi aga wai dabe dali te genuai pedelama bidali. Tama aga tubo nai kakali te sipsipba mayu, tama te sipsipgo aga wę tubo kapde wę tumainu eyu yali, tama te sipsip te bidi aga hagawiade piyu yai. Tama tiyu, te sipsip te aga wegi tiwai mu pedelali.”

2 Timoti 2:6

Agai aga bidibo ulago digi te tagaliyu, te tigidali we bidi ma abelali. Te tama tiali kolesagade Godigo aga bodolu mani sogo da ola mani, te agai tigidali we bidi ma sabo homu ebo dao.

Efesus 5:24

Tama tibaso agai po wali pabo we bidi te Krais aga dologode bidibo gilama, te tiwai dage we dabego me tama naga tiyu, sesemane sogo dagego duga bidigo po bugagia wali peyu duga bidi dologode bidao.

Solomon 1:11

Tialima, dago te golgo au dobage meba nigiyu, te gasa au dobage dabe te silvago nigibadi elama, tama dago nagebolo mawaibao.