Efesus 5:21 - Godigo dwagi yai po buku

²¹ Te bidi Krais agai genuai nogi mu elaluama, tama dagego duga digi aga dologoba muani obaso, duga hasi dali duga ama dede dologode bidao.

Efesus 5:21 Referans Kwoze

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Efesus 5:24

Tama tibaso agai po wali pabo we bidi te Krais aga dologode bidibo gilama, te tiwai dage we dabego me tama naga tiyu, sesemane sogo dagego duga bidigo po bugagia wali peyu duga bidi dologode bidao.

Efesus 5:22

Tama tiyu, te we dabe sibi deli deli dagego duga bidigo po bugagia wali peyu, te dagego te Genuai Bidi Kraisgo po wali pabo tiwai gilama te duga bidigo wabo po wali pao, augwali dologode bidiąo.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

1 Pita 2:17

Tama dage tigidali bidi dali augwali nogi ugwaba sabo homu eyu, augwali dologode bidao. Godigo we bidi hani dali dwagi yai homu eyu, godolo mu yao. God aga wi eyu, tama aga dologode bidao. Te gavman tuni bidi aga nogi ugwaba muyu, aga dologode bidao.

2 Timoti 3:4

Aga bugagia kęnasa bidiyu, agai te aga digi we wai puluba bugagia tonaluyu, tama te wai dabe aga dologode bidiyu, te augwaligo agai po wali pomainogo yao.

Galesia 5:13

Ama dede, polobadu God agai dage i wai dao, dage olo mu bugagia bidimainu yai. Tama dage megi olo mu bugagia bidiyu, tama bugagia suao. Te da te bomo yai po dologode bidisiąbaso, tama dago polo homu kolesaga wali peyu, tama dena tigigo kolesaga wali pinao, te homu egimio. Te menio. God agai da tau selama, tama da olo mu bugagia bidibaso, tama dage duga hasi dwagi yai homu eyu, duga abagi tau sao, te augwaligo olo sę ebo bidi tiwai bidao.

2 Timoti 2:11

Te we dabe sibi augwa digi aiyaba elaluama, tama pedauwali pania selama, tama po ola mabo bidigo wabo po sao.

1 Korin 16:16

dologode bidimainogo homu ebao, tama tigidali bidi dabego augwali tau selama, tama te sęde sę bomo elama ebo dao.

Bugagia Bidibo Kolesagade Po Asęai Buku 24:21

Eno waio, nage te Genuai Bidide wi eyu, aga dologode me bidiyu, te kingde wi eyu, aga dologode me bidao. Nage te Genuai Bidide me kingde te hagoma ebo we bidi augwalide digibulu bidao.

Nehemia 5:15

Te ena gavman bidi bidisiąbadi, te provinsde polasa gavman bidali bidi dabe, augwaligo te we bidi dabeba genuai sęgę mawai. Augwaligo te we bidi dabede te nai me, wain me, te mone 400 kina anoma elama siyu yali. Tama me te gavman bidigo sę bidi dabego te we bidi dabe augwali aiyaba elalu yai. Tiali goli, ena te God dologode bidiyu, tede homugo kone palobaso, tama tiyu, eno te tiwai kolesaga me ebeo.

Tuni Bidi Dabego Po Elalubo Buku Si 19:7

Genuai Bidi dago God agai te po tų ebo pauli ebo, me abagi tau sabo, me te bidi dabego dage mone menama dage nagame yainogo ebo sula tagalabo, te tama kolesaga dabe agai godolo munu ma ebeo. Tama tialima, dage po tų ebo odobo bidi dabe, dagego God dologode mu elaluyu, tama dagego po tų ebode bugagia peda selama elaluao,” Jehosafatgo te po wali.

1 Pita 2:13

Te augwaligo gedude te dago Genuai Bidigo nogi tulaluidali weyu, augwali tigidali tuni bidi dologode dage bidao, augwaligo po wali pao. Tama tiyu, tama te genuai gavman tuni bidi dologode bidiyu agai wabo po odiąo.

2 Korin 7:1

Eno ama dede muo, dago te Godigo te da dali dąų wali po dabe tama salio. Tama tibaso, dago dena tigide me homu elalubo meda tigidali sela sąnama tama wiegi yai tedali bidinao. Tama dago Godide wi elama, tama wiegi yai doloba pai kolesaga mu naga sesemane sogo wali pinao.

Nehemia 5:9

Tama eno po wadoa selama, te tama po wali, “Dagego kolesaga dolo me ebeo. Dage te God dologoba pelama, tama doloba pai kolesaga sesemane yao. Te dagego te tiwai ebaso da, teda te dago boi bidi dabego me te dago ebo kolesagaba te posobo po me wagobeo.

Tuni Bidi Dabego Po Elalubo Buku Deli 29:24

Tama me te gavman ofisa bidi tigidaligo me, te bomai ami dabe dali me, te Devitgo ogwa tigidaligo me te king Solomon dologoba peyu, tede bidai dao.

Tigidali Nai Gagalama Nigali Side 16:9

Tama Mobo Bidi Enselgo te po wai, “Nage Sarai pageba ma geasa pelama, tama agai po tigidali wali pao.”

2 Korin 5:11

Te da tigidali te moni po tųde pedalaibao homu ebaso, da Genuai Bidide wi eyu, tama te bidi dabe augwaligo te da Godigo po sela pabo bidi dabe mu dao te hania konemainogo eyu, dago augwalibolo homu bega sabo po weyu bidibao. Godigo da gisiga koneani. Tama eno homu te dage me, dage deli deli duga te dwai sę dali dwagi yai sę dali dagalabo homugo ena hania koneai, te ena homu mu eyu te Godigo sę ebo bidi bidibao.