Efesus 5:2 - Godigo dwagi yai po buku

² Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Efesus 5:2 Referans Kwoze

Dwagi Yai Gesi Po Jongo Asęani 13:34

Eno dagebolo gesi bomo yai po mobao, dagego duga hasi dali dwagi yai homu eyu, augwali godolo mu yao. Eno dage dali dwagi yai homu eyu, godolo mu yali gilama, tilama duga hasi dali me dwagi yai homu eyu, augwali godolo mu yao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

Kolosi 3:14

Tama te duga hasi dwagi yai homu eyu godolo ebo kolesaga me te eno megi nogi yali haniani dwagi yai kolesagaba te polalubo kolesaga dąų walao. Te duga hasi dwagi yai homu eyu godolo ebo kolesagago te gasa haniani wiegi yai kolesaga deliba sisinama, tama wiegi yai mu pedalama tama usu niba kadu mu waibao.

2 Korin 2:15

Mu tama, dena digi te pusu yai denami ebo nai te Kraisgo selama tama Godibolo mabo tiwai dao. Te denami te Godigo augwali ma sabo tų tomode bidibo we bidi dabe augwaliba me, tama te bidi dolabo tų tomode bidibo we bidi dabe augwaliba me te denami pedalobo dao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

1 Korin 16:14

Tigidali sę dagego ebo, dagego dwagi yai homu te Godibolo me te we bidi dabe augwali dali eyu, tama dagego duga sę tigidali iduao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

1 Pita 4:8

Tama dagego genuai hasia yabo sę e dao, te dage bomo eyu, te duga hasi te dwagi yai homu eyu godolo mu yao. Tama te we bidi godolo mu ebo kolesaga, te tebogo te augwaligo ebo dwai sę sula tagalabo kolesaga dao.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

1 Jon 3:16

Tama bidi dali dwagi yai homu eyu godolo mu ebo kolesaga page, te kolesaga page dabolo hania ola mabo sę e dao: Krais aga digi agai da tǫde we bidi tau somainogo aga bidabo ula tagalama, tama da tobade isali. Tama tibaso, dago me dago bidibo ula tagalama, dago ama dede augwali tau sao. Tama tiyu, dago augwali tau sobadi tama gasa bidi dabego da elebaso, dago usu da homu yao.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Hibru 9:26

Te agai hauwa sogo te sę egi sogo da, teda aga dene hauwa sogo toloyu, te Godigo tǫ nigali sogo gagalama tama megi e sogoba usu nagasigi dao. Tiali goli menio. Megi e sogo tigidali te pąde silainogo ebaso, tama Krais e tǫba deli sogo naga mu asali, te aga digi aga bidibo ula te Godibolo menama, tama te we bidigo yali dwai sę sęgę sela sąwainogo yai dao.

Hibru 9:14

Te tama tialigo da, te Kraisgo kanemego digi ofa ebogo te genuai bomo mu elalubao, te hasia ofa yali sę aiyaba mu elaluai. Te Kraisde dwai sę deli agade me elalubeo. Mu menio. Tama te sesemane sogo bidada pabo Mobo Bidigo bomogo, aga digi te aga wiegi yai bidibo ula te Godibolo ofa tiwai elama mawai. Tama agai kanemego dago tigi naga me penebeo. Menio. Te dago yali dwai sę sela sąsiąbo polobadu ofa mabo kolesaga tagalama, tama agai dago homu me penaibao. Tama dago te bidibo ula mabo Godigo sę tulama emainogo agai tama yai dao.

2 Timoti 2:6

Agai aga bidibo ulago digi te tagaliyu, te tigidali we bidi ma abelali. Te tama tiali kolesagade Godigo aga bodolu mani sogo da ola mani, te agai tigidali we bidi ma sabo homu ebo dao.

Efesus 4:15

Te menio. Da Godigo we bidi hani tomode dena abagi dabe augwali dali wiegi yai kolesaga eyu godolo mu elama, tama Godide mu po naga wao. Tama tiyu, tama da te tobage wiegi yai sę idubadi, tama da Kraisde mu dąų waibao. Aga te dago tigigo tobolu bidi aga deli dao.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

2 Timoti 4:12

Augwaligo suali, nage gesi bidi homu ebo, tiali goli augwaligo homugo nage te olo bidi yali homu ebo gogologio. Menio. Nage te polalubo bidi bidao. Tama tiyu, tama nago po wabo kolesaga me, te bilibo me, tama nago we bidi dali dwagi yai homu eyu godolo ebo kolesaga me, te nago Godiba homu begi pabo kolesaga badi, tama te magi dwai sę isiąwai wiegi yai kolesaga nago ebo augwaligo suyu, tama augwaligo homu Godiba begi pabo we bidi augwaligo nage wali asaibao.

1 Tesalonaika 4:9

Te eno duga abagi dabe augwalibolo dagego dwagi yai homu ela mabo, te po eno meba asęgobeo. Magi basowe? God agai te duga hasi dali dwagi yai homu mabo te kolesaga dagebolo ola menama, tama te kolesaga dagego koneyu bidibao. Tama eno dagebolo te po ma ola magobeo.

Efesus 4:2

Dagego tama kolesaga wali peyu, duga digi duga nogi ugwaba sisiąma, tama imila pai we bidi mu bidiąo. Tama bidigo dage dali dwai kolesaga ebaso da, te dagego te sę emainu sulama tona tagalao, wei sigimio. Tama tiyu, dagego duga abagi dabe dali wiegi yai homu elama godolo mu yao, tama augwaligo mabo sęgę te dagego tolao.

Efesus 3:17

Eno homugo dagego Kraisde konealubo po dąų obaso da, teda te Kraisgo dage tau siyu dage homude wiegi yai kolesaga ola mayu bidaibao. Tama dagego God dali we bidi dali wiegi yai homu eyu godolo ebo kolesaga bugagia emainogo eyu, tama agai dage te sęde tau somainogo eno God dali hanalu wabo po wabo dao. Tama eno homugo dagego te God dali we bidi dali godolo ebo kolesagade te dage dolaluao, te ni pedali tǫde dąų olama te ni dąų weyu dolalubo tiwai yaibao.

Galesia 1:4

Tama Krais agai te dago Aya Godigo homu wali peyu, tama aga digi aga bidibo ula olo mayu, agai dago yali dwai dwai sęgę te sela sąwai. Tama tiyu agai homu da e tǫde megi elalubo dwai kolesagade sela pomainogo yai.

Pris Sę Ebo Bomai Po 1:17

Nosali prisgo te ba hi bogode tola selama, te aga tigi togwao, tialima te bogo mu togwa sągio. Agai te isigo tigidali domainogo yao, te keli naga elalumainogo ilao. Agai te tiwai ebaso da, teda Genuai Bidigo te ba ofa yali denami ebo odama, te aga homu godolo elama, te bugai haliga eyu yaibao,’” wali.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Hibru 9:23

Augwaligo tama tiwai ofa yaligo te tǫde elaluali nai dabe peneai. Te nai dabe te dagalude elalubo nai dabe te piksa naga ola mabo tiwai yali dao. Tiali goli gasagi yai ofago te tǫde yali ofa aiyaba elaluyu, te wiegi yai mu yali, tama tego naga te dagalude nai dabe digi te meda meni yai ilibo usu yaibao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

Polgo Po Pas Rom Dabeba Asęani 8:3

E tiwai yai dao. Te dena tigi tomode bidibo dwai sę ilibo kolesaga elalubaso, dago te Godigo bomai po dolo wali peyu tama da doloba pai we bidi pedalisiąbo dao. Tiali goli God aga digi da doloba pai we bidi aga gedude pedalalio. Agai aga Ogwa naga tagala palai, te aga tigi te da dwai sę ebo bidi tigi tiwai elaluali. Aga dago dwai sę yali sęgę sela sąwainogo asai, tama da bidigo dwai sę yali dene te Godigo aga delide naga wei ponai dao.

Amos 5:21

Genuai Bidigo te tama po obao, “Eno dagego te genuai lotu wabo si dabede homu pemene isąma, te eno augwali homu godolo me egobe dao. Hagelabo homu mu ebao.

Efesus 5:25

Tama bidi dabe deli deli, dagego duga we dabe dali abagi dao homu eyu, godolo mu yao, te Kraisgo aga po wali pabo we bidi godolo mu yaligia tiwai yao. Agai da godolo mu eyu, aga bidabo ula tagalama da tau siyu aga te ni pedaide elama isai dao. Tama agai da dali godolo eyu tau sabo homu tiwai dagego duga we dali tama naga tiao.

1 Korin 5:7

Dage da te yis meni yai bret tiwai dao. Awe, te eno koneani. Tiali goli te dwai penani sę ebo bidi dage tomode bididubadi aga te yis tiwai eyu, tama agai dwai sę ebo kolesagago dage me dolaibao. Te Juda dabego Pasova nai tubo olo bidibo side, tede augwaligo te sipsip wai ela tuyu, tama te sogo me te bo disąwai bret me tuai dao. Te tiwai me megi te dago Pasova sipsip Krais aga isąma te ofa mayu yai dao. Tama tibaso, dagego te bidi buluba sąyao, te dage te gesi bret, te yis meni yai bret tiwai ma pedalomainogo yao.

Polgo Po Pas Rom Dabeba Asęani 4:25

Godigo Jisas e tǫba tagala palali te aga isąma dago dwai sę yali sęgę sela sąmainogo yai. Tama tiyu me, Godigo aga te gų pagede ma hodolaligo te agai da doloba pai we bidi nogi emainogo tiai dao.

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Polgo Po Pas Rom Dabeba Asęani 8:37

Tiali goli, te augwaligo da dali te tobage dwai sę yali goli, Godigo da dali dwagi yai homu eyu godolo mu ebaso, tama agai da tau selama, tama dago te tobage sę tigidali aiyaba mu elaluaibao.

Pris Sę Ebo Bomai Po 3:16

Tialima, prisgo te nai dabe selama, te alta sia daiba munama, te ofa tiwai yao, te Genuai Bidigo homu godolo elama, bugai homu yaibao. Te ili tigidali Genuai Bidigo naga dao.

Ma Dobola Sali 29:18

Tama tigidali te altaba munama, te ofa tiwai yao. Tama ena Genuai Bidi eno homu pemene wiegi yai te ofa elama, siago dabo denami ebo te eno homu pemene wiegi yai yaibao.”

Ma Dobola Sali 29:25

Tama augwaligo nogode munalubo te nai selama, tama te alta daiba ugwadu munama, te ofa ebo dabo siago tigidali domainao. Tama ena Genuai Bidi, eno te ofa ebo denami wiegi yai ebo te eno godolo mu yaibao.

Polgo Po Pas Rom Dabeba Asęani 15:16

Tama agai ena te Krais Jisasgo sę ebo bidi bidimainogo ilama, te Juda hani isąwai gasa hani augwali tomode sę emainogo yai. Ena te Godibolo lotu po weyu sę ebo bidi pris tiwai elama, tama eno Godigo wiegi yai gesi po pusubo sę ebao. Eno te gasa hani augwali te Godiba sela aselama, tama Tedali Mobo Bidigo augwali wiegi yai mu doloba pai we bidi ilibo si, tama eno augwali Godibolo te usu si yai ofa tiwai elama mawaibao.

2 Korin 2:14

Tiali goli te Masedonia tǫde eno Taitus sulama, tama agai dagede dwagi yai po olama, megi eno usu da weyu Godibolo po odu gebao. Sesemane sogo agai da tau selama, tama dago Kraisgo bomode te wąbi hwįani usu yai. Tama dago sę ebode te Godigo po pusali, tama te bidi dabe augwaligo Krais konea sabo dao. Te koneani kolesaga te pusu ebo nai tiwai denami te tigidali habuba pabo tiwai ebao.

Efesus 1:4

Tama Godigo tǫ nigisiąbadi, agai da Krais dali wadolainu, da sa muai dao. Te sę page e dao: Godigo homugo da aga gedude dwai sę isiąwai we bidi, agai gedude doloba pai we bidi bidimainogo eyu agai da sa muai dao.

Efesus 5:15

Tama tibaso, dagego duga bilibo bugagia tonaluyu bilao. Dage bilibo te kolesaga meni yai bidi tiwai biligio. Menio. Dage bilibo te kolesaga koneai we bidi bilibo tiwai bilao. Tama tiyu dagego wiegi yai kolesaga naga yao.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

Hibru 8:3

Tigidali polalubo pris bidi augwali deli deli te augwaligo augwali sa munama tama te sęba muani, te augwali deli deligo te we bidi tobade te haniani nai dabe te Godibolo sela pelama ofa iligi pabo sę yai. Tama tibaso, dago polalubo pris bidi me agai ofa me deli elalumainao.

Bomai Po 27:6

Dagego te masigi augwaligo halisąma yai masigi selama, dagego te alta geselao, te Genuai Bidi dago Godigo alta. Tama te alta delide naga dagego te isigo dela silibo ofa yao,