Efesus 5:13 - Godigo dwagi yai po buku

¹³ Tiali goli, tigidali ebo kolesaga te ulaba sela mubo si, teda te kolesaga page tigidali hania haninama elaluaibao. Tama te haniani nai tigidali, te ula elalubo tiwai yaibao.

Efesus 5:13 Referans Kwoze

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Hosea 2:10

“Tama eno agai gudali ugwa dabe te agai godolo homu ebo bidi dabego gedude pepeda sąwaibao, te aga tigi bolu olo bidaibao. Tama te bidi me deligo aga eno nogode me dobola sogobeo.

Hosea 7:1

“Eno te Israel dabe usu ma ilama, te augwa sę tigidali te wiegi yai pedalumainu ebo sogo, tegoba, eno te augwaligo dwai kolesaga naga suali, tama te Samaria bage augwaligo yali dwai sę dabete pebeli dilide elalubo suali. Augwaligo te abagi dabe tibo po ola mayu, tama augwaligo te be aluama, te doado bage wi siyu yai. Tama augwaligo te bidi dabego doado bage te taun sunumide anoma eyu, kekelama siyu yai.

Maika 7:9

Dago dwai sęgę sabo sę te Genuai Bidigo gedude yali, tialima te dwasianu sogo naga tama te Genuai Bidigo haliga sębę elama, te dabolo dene mabo sę yaibao. Tiali goli, agai da tau saibao, tama te gasa bidi dabego da dali yali dwai sę agai dodolaibao. Te hulia side agai da selama, te da ulaba odasa asaibao. Te da bidibadi digi, te agai da boi bidi dabego nogode ma saibao, tama dago agai ebo doloba pai kolesaga sueibao.

Te We Bidi Dabego Jerusalem Hagede Gela Wali 2:14

Te nago profet sibigo te nade subo nai tiwai suali po olama, tama augwaligo nage dali ili po naga walio. Tama augwaligo nage ili po ola mayu, augwaligo nago yali dwai sę hanilai menio. Te nage tau selama, te dwai sę tagalama, tama nage bugagia bidimainu tau me sabeo. Menio. Augwaligo Godigo po pusubode ili po walio. Tama augwaligo pogo nage kegasa bilama, mu tagalalio.

Hibru 1:13

Polobadu Godigo te po wai, “Nage genuai bidi ena dali hodobo bidimainogo eyu, tama eno dolo nogo badu duayao. Tama dualubadi, te eno nago boi bidi dabe augwali te nago sągą dologoba muaibao.” Tiali goli me sogo Godigo te po te ensel mobo bidi me deli dali waliwe? Menio.

Efesus 5:12

Me ma, eno augwaligo geme dualama ebo dwai meda yai kolesaga po pusugobeo. Menio. Eno augwaligo te tobage dwai dwai kolesaga ebode po wagi sogo da, teda eno pedauwali sęgę eyu hale naga egi dao. Magi baso meni, te dwai dwai sę ebo po pusainogo ebo te usu menio. Eno dage dali te sęde po mibo hagalabo.